Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




O̱no̱zzo̱k 13:16 - Tennet

16 Adangek zin enne bo̱do̱k ol do̱o̱k, cik kidik ki cik a̱ddi̱ki̱re̱, i̱to̱i̱t ki ngaalamit, du̱cca̱k ki cik iróng een du̱cca̱k abunna ming anyak baayenit a̱tte̱ ci a̱zzo̱ icima ngu̱ma̱,

အခန်းကိုကြည့်ပါ။ ကော်ပီ




O̱no̱zzo̱k 13:16
26 ပူးပေါင်းရင်းမြစ်များ  

Een neci kwo̱o̱r ci kadak e̱rki̱ta̱ u̱tu̱gu̱ ki baayenti ci aave azzine cuggo̱k ki bo̱do̱k ci aave o̱o̱tti̱ne̱ kize ti̱lo̱wi̱ne̱t ci Manyi u̱tu̱ge̱tti̱ne̱ cuggo̱k. Eci Ta̱mu̱ta̱dde̱n komize cinne anyahaung i̱ge̱t Masire.


Eelanna Ta̱mu̱ta̱dde̱n i̱i̱nya̱ ne̱ko̱ do̱o̱k. I̱yo̱ko̱ kabili ngatu, ka̱du̱wa̱i̱ zoz cinanni ol veelek cikidik ki ol cik a̱ddi̱ki̱re̱ nga̱to̱de̱. Een zoz ci ka̱du̱wa̱ ko̱ bali u̱du̱kta̱ a̱ri̱tto̱wa̱ wak zoz ci Ta̱mu̱ta̱dde̱no̱ ki Muses azi ne, akati atin zoz necu mo̱o̱le̱t,


Kogon naga bu̱k niko. A̱gga̱mto̱zi̱k ba̱li̱ye̱ ol ba̱ti̱ti̱mo̱ Vongize co̱de̱ ki ele co̱de̱, ming e̱e̱ggi̱nnu̱ Ya̱u̱d icima Gi̱ri̱k, ol cik e̱e̱ggi̱n du̱cca̱k icima ol cik iróng e̱e̱ggi̱n du̱cca̱k. Abarik Vongizi ci Ta̱mu̱ta̱dde̱no̱ a̱gga̱me̱t ba̱ti̱ti̱mo̱ eliye ci Ki̱ri̱sto̱, Vongize co̱de̱. I̱yo̱ko̱ kaude naga do̱o̱k Vongize co̱de̱.


Ming anyakku tu̱we̱ne̱t ci Ye̱su̱ Ki̱ri̱sto̱ niko, i̱zzi̱ zoz ci bo̱do̱k kazi ne, e̱e̱ggi̱n ciko olli Ya̱u̱d, ovvo ciko e̱e̱ggi̱n ol wak een Gi̱ri̱k, icima uggak e̱e̱ggi̱n du̱cca̱k, ovvo uggak een jain, icima e̱e̱ggi̱n uggak ngaai, icima odot; eci naga do̱o̱k ke̱e̱ggi̱n ol co̱de̱ ngati Ye̱su̱.


I̱yo̱ko̱ zin, ma anyikku e̱e̱t imma kucunanna zo̱ze̱ necu, eci kanyaha bboroyyok eliye ci i̱ye̱la̱ ke̱e̱ni̱ anna e̱e̱t ci Ye̱su̱.


Eci a̱gga̱yyu̱ niga, ming ogon e̱e̱ti̱ kaal cik abunna, okko atin Manyi amuc nonno kaale ne̱k abunna u̱tu̱gu̱ enne ke̱, ming een e̱e̱ti̱ nu̱nu̱n du̱ca̱i̱t icima iróng een du̱ca̱i̱t.


Imma zin zo̱ze̱ cu, i̱llo̱i̱ e̱e̱t ci een Ya̱u̱do̱c icima ci een Gi̱ri̱k, icima e̱e̱t ci etted vi̱ca̱vi̱ca̱ icima iróng ettede, icima e̱e̱t ci een i̱do̱nge̱ni̱t icima ol cik abak lo̱o̱ce̱ ci een Scythian, ki e̱e̱t ci een du̱ca̱i̱t, icima iróng een e̱e̱t ci een du̱ca̱i̱t. Abarik zin olle ne̱ko̱ do̱o̱k, Ki̱ri̱sto̱ ci ommog kaal do̱o̱k, kar enne ka̱vvu̱ kaale do̱o̱k.


Abure ol ne̱ko̱ zoz ci Ta̱mu̱ta̱dde̱no̱ ki bali ming abure ol cik e̱e̱ggi̱n zara Jannes ki Jambares zoz ci Musesi ke̱. A̱ma̱li̱ltte̱ o̱o̱tti̱ cigge̱k, utuburet tu̱we̱ne̱t wa een de̱de̱.


O̱mo̱zze̱ ol lo̱o̱co̱we̱ do̱o̱k; abarik i̱yo̱ko̱ i̱ki̱ya̱ mozinet cunne. I̱ki̱ya̱ i̱i̱te̱ni̱ ci ettedonik lo̱ki̱ko̱ ol balik a̱da̱i̱to̱, ki mucenet du̱cca̱k cigunnek ki a̱ri̱tto̱k cik zoz ci Ta̱mu̱ta̱dde̱no̱ ki ol cigunnek a̱li̱le̱ ki ol wak o̱ngo̱o̱le̱ zar cigunnek, ol cikidik ki ol wak a̱ddi̱ki̱re̱, kar atin Ta̱mu̱ta̱dde̱n kedez ol cik egerzanit lo̱o̱c.”


Kicina bo̱do̱k gilac ci ogon ki nyatapari ci a̱ddi̱ki̱re̱ ci ongotane ki gwo̱o̱. Imma ol ne̱k abile abanyce ci nyatapar ci a̱ddi̱ki̱re̱ ko̱, e̱e̱ggi̱n ne̱ko̱ ol balik ommog e̱le̱gi̱t ki ri̱ri̱to̱n cinne ki nimira ci e̱le̱gto̱. Anyak nege lokombet cik aanyik nogo Ta̱mu̱ta̱dde̱n,


kar atin adait e̱le̱tti̱ cik alaatu, lo̱ddi̱ki̱re̱ cik aciiru ki ol cik okkomi, ki vartange ki ol wak ottod nogo ko̱, ki e̱le̱tti̱ cik ollu do̱o̱k, ma̱ci̱gi̱ ce̱e̱zi̱ ki du̱cca̱k, cikidik ki cik a̱ddi̱ki̱re̱.”


Ma̱i̱je̱ zin da̱ e̱le̱gi̱ti̱ a̱gga̱me̱, nonno ki a̱ri̱to̱i̱t ci volongo, ogonek nege kaal cik a̱vu̱la̱ ko̱ e̱le̱gi̱t. Imma zo̱ze̱ ci a̱vu̱la̱ u̱tu̱gu̱ enne ke̱, alaba enne ol wak anyak baayenit ci e̱le̱gto̱ kar ki̱di̱ngdi̱nga̱ni̱t ri̱ri̱to̱n cinne. Kar rama ngatinne̱ng ku̱ju̱kto̱zi̱k rugetet gwo̱o̱ ci apadpadi oroot.


I̱ki̱ya̱ zin mului lecere ci alaano, azi ne: “Kinnatit Ta̱mu̱ta̱dde̱n wanna, niga du̱cca̱ha̱ ciginnek do̱o̱k, niga ol wak o̱ngo̱o̱li̱nnu̱ nonno, ol cikidik ki ol wak a̱ddi̱ki̱re̱!”


Kar zin anna kicin ol wak a̱da̱i̱to̱, cik a̱ddi̱ki̱re̱ ki cik kidik bu̱k, abile nege o̱o̱we̱ ci lecero, o̱o̱ye̱ zin buwani. Oowe zin bui imma, een neci buk ci rugeto. Ettedozik lo̱ki̱ko̱ ol wak a̱da̱i̱to̱ go̱o̱le̱ bali ogone nege kaal ki ming e̱he̱rye̱ buwanine.


Kedenya anna leceret cik aavtte ol cik anyonik komizi kar kettedit lo̱ki̱ko̱. Kar anna kicin vongizzok cik ol balik u̱ru̱kte̱ zo̱ze̱ ci edemze nege zoz ci Ye̱su̱ kar bo̱do̱k uwahek ol zoz ci Ta̱mu̱ta̱dde̱no̱. Iróng nege ba̱li̱ye̱ a̱di̱ngdi̱nga̱n e̱le̱gi̱t icima ri̱ri̱to̱n cinne, iróng bo̱do̱k nege anyak baayenit ci aave ngu̱mtti̱nne̱ icima azzine. I̱vi̱tta̱k nege ruget kar kabalit lo̱o̱c ki Ki̱ri̱sto̱ e̱rki̱nya̱ i̱bbo̱ng co̱de̱ (1,000).


Kar zin alaata cik lo̱o̱tu̱, ki dooli cigge̱k, ki lo̱ddi̱ki̱re̱ cik aciiru do̱o̱k, ki jain, ki ol wak okkomi, ki du̱cca̱k ki ol wak iróng e̱e̱ggi̱n du̱cca̱k do̱o̱k ku̱lu̱gu̱nycce̱ jo̱o̱re̱te̱.


“Ma egerzannu lo̱o̱c icima nyatapar ci a̱ddi̱ki̱re̱, icima keen, zee kartiya naga a̱bi̱ce̱c o̱o̱tti̱ cik du̱cca̱k cik Ta̱mu̱ta̱dde̱n cinna.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ