O̱no̱zzo̱k 13:14 - Tennet

¹⁴ Ma̱rri̱t enne ogon kaal cik a̱vu̱la̱, anyozik zin nonno komizi ci ogone kaal zare cik e̱le̱gi̱t bali o̱o̱wu̱ ke̱, u̱lu̱t zin enne olli lo̱o̱tu̱. Kar ku̱du̱wa̱k ol kokovanta ngu̱m ci e̱le̱gto̱ biya kize gool ci o̱ngo̱o̱li̱nne̱ nege nonno, e̱le̱gi̱t bali abucane nyazuwata ke̱, imma ngatu ngen aruge dee.

O̱no̱zzo̱k 13:14 ပူးပေါင်းရင်းမြစ်များ

Lu̱ge̱z 7:11

Utu zin alaani ci Masiro ol wak anyak arizet zoza ki ngarret cik lo̱o̱c neci do̱o̱k, kar zin olli Masiro uggak ku̱tu̱gu̱zzo̱ gi̱i̱ ci a̱vu̱la̱ doize cinne̱ng ketted ol bi̱ye̱ ki bali wa Aaroni ke̱.

2 Te̱se̱lo̱ni̱ka̱ 2:4

Odong atin enne ele cinne kar kadang kaal cik Ta̱mu̱ta̱dde̱no̱ do̱o̱k, icima kaal cik a̱di̱ngdi̱nga̱n nonno, kar enne kaarik ele cinne Ce̱e̱z wa Ta̱mu̱ta̱dde̱no̱, azi ne ke̱e̱ni̱ Ta̱mu̱ta̱dde̱n.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 13:1

Kicina zin anna e̱le̱gi̱t ci a̱ddi̱ki̱re̱ mooti ci iyowa nyatapare ci a̱ddi̱ki̱re̱. Anyak o̱to̱ omoto, ki o̱o̱tti̱ turgerem ki lulukwa omoto o̱to̱ne̱, kar o̱o̱tti̱ne̱ anyak zar cik eheronik nogo do̱o̱k odome nege Ta̱mu̱ta̱dde̱n.

O̱no̱zzo̱k 13:15

Anyozik ba̱li̱ye̱ nonno komizi ci kar enne kutubuwek ngoot ri̱ri̱to̱n ci e̱le̱gi̱t bali een oo ke̱ bak ovongi, abunna ming ozozi kar kaanyik ol wak iróng orong ki̱di̱ngdi̱nga̱ni̱t e̱le̱gi̱t ko̱ ku̱ru̱kte̱ ka̱da̱i̱to̱.

O̱no̱zzo̱k 13:8

Ovvo atin olli lo̱o̱tu̱ do̱o̱k a̱di̱ngdi̱nga̱n e̱le̱gi̱t, ol wak iróng zara cigge̱k e̱he̱rye̱ buwe ci rugeto baling ngen looci keteehenye, een bui necu ci Nyoon wa bali a̱ru̱we̱ ke̱.

O̱no̱zzo̱k 14:11

Kar bbu̱rre̱ti̱ ci a̱gi̱dde̱ ol nogo ko̱ ottod udut. I̱llo̱i̱ i̱i̱te̱n imma ci i̱ye̱be̱ze̱ nege waz icima ba̱a̱l ngati ol wak a̱di̱ngdi̱nga̱n e̱le̱gi̱t ki ri̱ri̱to̱n cinne, icima e̱e̱t imma ci anyak baayenit ci zar ciginnek.”

O̱no̱zzo̱k 14:9

Unuwa zin bo̱do̱k anjilo wa een i̱i̱yo̱ ko̱ nogo, kar kegereny muluwe ci a̱ppwe̱, azi ne, “Ming a̱di̱ngdi̱nga̱n e̱e̱ti̱ imma e̱le̱gi̱t ci mooti ko̱ ki ri̱ri̱to̱n cinne bu̱k, kar kuruba baayenit ki zoz ci e̱he̱rye̱ ngu̱ma̱ icima a̱tta̱,

O̱no̱zzo̱k 15:2

Kicina bo̱do̱k gilac ci ogon ki nyatapari ci a̱ddi̱ki̱re̱ ci ongotane ki gwo̱o̱. Imma ol ne̱k abile abanyce ci nyatapar ci a̱ddi̱ki̱re̱ ko̱, e̱e̱ggi̱n ne̱ko̱ ol balik ommog e̱le̱gi̱t ki ri̱ri̱to̱n cinne ki nimira ci e̱le̱gto̱. Anyak nege lokombet cik aanyik nogo Ta̱mu̱ta̱dde̱n,

O̱no̱zzo̱k 16:13

Kicina zin anna vongizzok cik lo̱rye̱nta̱k i̱i̱yo̱ ogon kiwagon nyeelwana; iyowa utuge ci e̱le̱gi̱t ci ogon ki u̱ggu̱li̱ ci a̱ddi̱ki̱re̱, okko bo̱do̱k iyowa utuge ci e̱le̱gi̱t ci mooti ki utuge ci a̱ri̱to̱i̱t ci volongo.

O̱no̱zzo̱k 16:2

Uk zin anjilo wa een oo, kar ku̱du̱te̱k uduc cinne lo̱o̱c, kar zin bboroyowa cik a̱u̱ce̱ anyaha morizi ci gerze ko̱ ki̱ye̱lta̱i̱ e̱le̱tti̱ne̱ cik ol wak anyak baayenit ci e̱le̱gto̱ ki ol wak a̱di̱ngdi̱nga̱n ri̱ri̱to̱n cinne.

O̱no̱zzo̱k 18:23

Iróng atin bo̱do̱k gwa̱a̱ ci urezo alanyit ngatunne bo̱do̱k udut. Imma mului ci e̱e̱t ci aruce ki buuwec, iróng atin i̱nna̱ azii o̱rge̱ cunne bo̱do̱k udut. Ovvo ol balik utene kaal ke̱ nogo cik e̱e̱ggi̱n ol cik a̱ddi̱ki̱re̱. Imma go̱o̱le̱ ci a̱ru̱we̱ i̱nna̱ agura, i̱ti̱ye̱ lo̱o̱cco̱k do̱o̱k go̱o̱le̱ ci gerze.

O̱no̱zzo̱k 19:20

Ma̱i̱je̱ zin da̱ e̱le̱gi̱ti̱ a̱gga̱me̱, nonno ki a̱ri̱to̱i̱t ci volongo, ogonek nege kaal cik a̱vu̱la̱ ko̱ e̱le̱gi̱t. Imma zo̱ze̱ ci a̱vu̱la̱ u̱tu̱gu̱ enne ke̱, alaba enne ol wak anyak baayenit ci e̱le̱gto̱ kar ki̱di̱ngdi̱nga̱ni̱t ri̱ri̱to̱n cinne. Kar rama ngatinne̱ng ku̱ju̱kto̱zi̱k rugetet gwo̱o̱ ci apadpadi oroot.

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.

O̱no̱zzo̱k 20:10

Imma lo̱rye̱nti̱ bali a̱lu̱t nogo ke̱, u̱ju̱ko̱zi̱k gwo̱o̱ ci apadpadi oroot, nginti a̱ju̱ko̱ni̱k e̱le̱gi̱ti̱ ki a̱ri̱to̱i̱t ci volongo. Apirna atin nege nginati tu̱p kaal udut.

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.