O̱no̱zzo̱k 13:13 - Tennet

¹³ Kar gon e̱le̱gi̱ti̱ neci ku̱tu̱gu̱ kaal cik a̱vu̱la̱ etted ol bi̱ye̱, awa gon gwo̱o̱ ki̱ki̱ya̱ ta̱mu̱-kenga rok lo̱o̱c kicinnet ol do̱o̱k.

O̱no̱zzo̱k 13:13 ပူးပေါင်းရင်းမြစ်များ

Lu̱ge̱z 7:22

Ma̱i̱je̱ ngarreta cik Masiro u̱tu̱gu̱zzo̱ gi̱i̱ ci a̱vu̱la̱ bu̱k doize cinne̱ng, odok zin zinin ci alaan ci Masiro; iróng zin enne ngen aziye zoz ci Musesi ki Aaron, ki bali u̱du̱wa̱ Manyi ke̱.

Lu̱ge̱z 8:7

Ma̱i̱je̱ ngarreta cik Masiro, u̱tu̱gu̱zzo̱ bu̱k niko doize cinne̱ng, kar nyeelwana kiyokta morene do̱o̱k kibbitet lo̱o̱c ci Masiro do̱o̱k.

Lu̱ge̱z 9:11

Iróng zin ngarreta ngen abile ngu̱me̱ ci Muses eci dulanina a̱gga̱m nogo do̱o̱k ki olli Masiro.

Ma̱te̱yo̱ 16:1

Anyak i̱i̱te̱n imma ci a̱vvu̱na̱k ol cik een Varacis ki Saddocis orongit kitimanit Ye̱su̱, zo̱ze̱ ci azi ne ye̱le̱kke̱t gi̱i̱ ci a̱vu̱la̱ ta̱mu̱-kenga.

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Marko 13:22

A̱vvu̱ atin Ki̱ri̱sto̱nya̱ cik iróng een de̱de̱ ki a̱ri̱tto̱k wak iróng een de̱de̱, ogon kaal cik a̱vu̱la̱ kar ku̱lu̱te̱t ol balik atahala Ta̱mu̱ta̱dde̱n ming amuda nege gool ci alabane nogo.

2 Ti̱mo̱te̱yo̱ 3:8

Abure ol ne̱ko̱ zoz ci Ta̱mu̱ta̱dde̱no̱ ki bali ming abure ol cik e̱e̱ggi̱n zara Jannes ki Jambares zoz ci Musesi ke̱. A̱ma̱li̱ltte̱ o̱o̱tti̱ cigge̱k, utuburet tu̱we̱ne̱t wa een de̱de̱.

O̱no̱zzo̱k 11:5

Ming orong e̱e̱ti̱ imma ki̱gi̱d nogo, iyowa atin gwa̱a̱ u̱tu̱ge̱tti̱ne̱ cigge̱k kar kidita mo̱ddo̱ cigge̱k. Ming atiman e̱e̱ti̱ imma ki̱gi̱d nogo, a̱ru̱we̱ atin go̱o̱le̱ necu ka̱da̱k.

O̱no̱zzo̱k 16:14

E̱e̱ggi̱n ne̱ko̱ kuulo cik lo̱rye̱nta̱k ogon kaal cik a̱vu̱la̱, kar zin koot reena ngati alaat cik lo̱o̱tu̱ do̱o̱k, kar kuluta nogo koot koorit illa i̱i̱te̱ne̱ ci a̱ddi̱ki̱re̱ Ta̱mu̱ta̱dde̱no̱ wa anyak Komiz do̱o̱k.

O̱no̱zzo̱k 19:20

Ma̱i̱je̱ zin da̱ e̱le̱gi̱ti̱ a̱gga̱me̱, nonno ki a̱ri̱to̱i̱t ci volongo, ogonek nege kaal cik a̱vu̱la̱ ko̱ e̱le̱gi̱t. Imma zo̱ze̱ ci a̱vu̱la̱ u̱tu̱gu̱ enne ke̱, alaba enne ol wak anyak baayenit ci e̱le̱gto̱ kar ki̱di̱ngdi̱nga̱ni̱t ri̱ri̱to̱n cinne. Kar rama ngatinne̱ng ku̱ju̱kto̱zi̱k rugetet gwo̱o̱ ci apadpadi oroot.

O̱no̱zzo̱k 20:9

A̱vvu̱ atin nege lo̱o̱co̱we̱ do̱o̱k kar ki̱vi̱ta̱ kuburuwet nyaperit ci olli Ta̱mu̱ta̱dde̱no̱, orog ci irez enne Ta̱mu̱ta̱dde̱n oroot. Ma̱i̱je̱ gwa̱a̱ i̱ki̱ya̱ ta̱mu̱-kenga rok lo̱o̱c idita nogo ne lai.