O̱no̱zzo̱k 13:11 - Tennet

¹¹ Kicina bo̱do̱k anna e̱le̱gi̱t imma ci iyowa lo̱o̱ta̱ todowai. Anyak enne o̱to̱ ram ki i̱yo̱ko̱ mirkic ci ngen ingazi, abarik zin ozoz kiwagon u̱ggu̱li̱ ci a̱ddi̱ki̱re̱.

O̱no̱zzo̱k 13:11 ပူးပေါင်းရင်းမြစ်များ

Ma̱te̱yo̱ 7:15

“Igenyit zo̱ze̱ ci a̱ri̱tto̱k wak een volongnyok. A̱vvu̱na̱kku̱ng nege gunune ogon ki i̱yo̱ko̱ a̱zza̱ ko̱, imma zi̱nze̱tti̱ ogon ki i̱yo̱ko̱ u̱du̱ma̱na̱ ko̱.

Roma 16:18

Iróng ol ne̱k ogon niko ko̱ a̱li̱ngli̱nge̱k Manyitinna Ki̱ri̱sto̱, abarik a̱li̱ngli̱ng gi̱i̱ ci orong zi̱nze̱tti̱ cigge̱k. A̱lu̱t ol zo̱ze̱ ci a̱ru̱we̱ nege muluk lo̱o̱c kar ku̱lu̱te̱t ol wak iróng a̱gga̱ zoz.

2 Te̱se̱lo̱ni̱ka̱ 2:4

Odong atin enne ele cinne kar kadang kaal cik Ta̱mu̱ta̱dde̱no̱ do̱o̱k, icima kaal cik a̱di̱ngdi̱nga̱n nonno, kar enne kaarik ele cinne Ce̱e̱z wa Ta̱mu̱ta̱dde̱no̱, azi ne ke̱e̱ni̱ Ta̱mu̱ta̱dde̱n.

O̱no̱zzo̱k 11:7

Ming e̱de̱cca̱ nege uwai zoz ci Ta̱mu̱ta̱dde̱no̱, iyowa atin e̱le̱gi̱ti̱ ci mooti zaro a̱kku̱ lo̱o̱we̱ neci wu̱u̱ni̱ ke̱ kar atin kakat nogo, okko ommog nogo bak a̱ru̱k ka̱da̱i̱to̱.

O̱no̱zzo̱k 12:17

Omoze zin u̱ggu̱li̱ ci a̱ddi̱ki̱re̱ oroot ngati ngaawo, kar zin kuk akate illa ci oore dooli cik dooli cik ngaa neci, eci nege e̱e̱ggi̱n ol cik o̱ngo̱o̱le̱ lo̱ti̱nno̱k cik Ta̱mu̱ta̱dde̱no̱, kar zin bo̱do̱k ku̱tu̱we̱t zoz ci u̱tu̱gu̱ Ye̱su̱ ki de̱mzi̱ne̱t cinne.

O̱no̱zzo̱k 13:1

Kicina zin anna e̱le̱gi̱t ci a̱ddi̱ki̱re̱ mooti ci iyowa nyatapare ci a̱ddi̱ki̱re̱. Anyak o̱to̱ omoto, ki o̱o̱tti̱ turgerem ki lulukwa omoto o̱to̱ne̱, kar o̱o̱tti̱ne̱ anyak zar cik eheronik nogo do̱o̱k odome nege Ta̱mu̱ta̱dde̱n.

O̱no̱zzo̱k 13:17

kar iróng e̱e̱ti̱ imma utene icima uuta kaal ming iróng enne anyak baayenit ci een zar cik e̱le̱gto̱ icima nimira ci zar ciginnek.

O̱no̱zzo̱k 13:4

I̱di̱ngdi̱nga̱nni̱t zin ol cik diirik u̱ggu̱l ci a̱ddi̱ki̱re̱ ma̱rri̱t ming aanyik enne e̱le̱gi̱t kabal ol, kar nege bu̱k kalac e̱le̱gi̱t neci kar zin ki̱jji̱nto̱ kizeto ne, “Ngene ci atubo ki e̱le̱gi̱t necu? Ngene wo̱ye̱ ci uule kar koor nonno?”

O̱no̱zzo̱k 16:13

Kicina zin anna vongizzok cik lo̱rye̱nta̱k i̱i̱yo̱ ogon kiwagon nyeelwana; iyowa utuge ci e̱le̱gi̱t ci ogon ki u̱ggu̱li̱ ci a̱ddi̱ki̱re̱, okko bo̱do̱k iyowa utuge ci e̱le̱gi̱t ci mooti ki utuge ci a̱ri̱to̱i̱t ci volongo.

O̱no̱zzo̱k 17:6

Kicina anna ngaa neci ming ibbak bi̱ye̱ta̱ cik ol cik a̱li̱le̱ Ta̱mu̱ta̱dde̱no̱, ol wak ozoz zoz ci Ye̱su̱. Baling kicina anna nonno, ku̱ku̱le̱ya̱ anna je̱e̱n oroot.

O̱no̱zzo̱k 17:8

Imma e̱le̱gi̱ti̱ bali icinnu i̱nna̱ ke̱ aave ba̱li̱ye̱, i̱yo̱ko̱ iróng ngen aave to, okko atin iyowa lo̱o̱we̱ neci wu̱u̱ni̱ ke̱ ki̱ki̱ya̱ kiditai. Imma olli lo̱o̱tu̱ cik ngen zara cigge̱k keteherte buwe ci rugeto kanante ci lo̱o̱tu̱, ovvo atin a̱ku̱le̱k je̱e̱n ming ovvo acin e̱le̱gi̱t, eci aave arrak ba̱li̱ye̱, kar i̱yo̱ko̱ ki̱zzi̱ to, kar atin okko a̱kku̱.