O̱no̱zzo̱k 13:1 - Tennet

¹ Kicina zin anna e̱le̱gi̱t ci a̱ddi̱ki̱re̱ mooti ci iyowa nyatapare ci a̱ddi̱ki̱re̱. Anyak o̱to̱ omoto, ki o̱o̱tti̱ turgerem ki lulukwa omoto o̱to̱ne̱, kar o̱o̱tti̱ne̱ anyak zar cik eheronik nogo do̱o̱k odome nege Ta̱mu̱ta̱dde̱n.

O̱no̱zzo̱k 13:1 ပူးပေါင်းရင်းမြစ်များ

O̱no̱zzo̱k 11:7

Ming e̱de̱cca̱ nege uwai zoz ci Ta̱mu̱ta̱dde̱no̱, iyowa atin e̱le̱gi̱ti̱ ci mooti zaro a̱kku̱ lo̱o̱we̱ neci wu̱u̱ni̱ ke̱ kar atin kakat nogo, okko ommog nogo bak a̱ru̱k ka̱da̱i̱to̱.

O̱no̱zzo̱k 12:3

I̱ye̱la̱i̱ zin baayenti imma ta̱mu̱-kenga: E̱le̱gi̱t ci ma̱ri̱ ogon ki u̱ggu̱li̱ ci a̱ddi̱ki̱re̱, anyak o̱o̱tti̱ turgerem ki o̱to̱ omoto, ki lulukwa turgerem o̱o̱tti̱ne̱ ciginnek.

O̱no̱zzo̱k 13:11

Kicina bo̱do̱k anna e̱le̱gi̱t imma ci iyowa lo̱o̱ta̱ todowai. Anyak enne o̱to̱ ram ki i̱yo̱ko̱ mirkic ci ngen ingazi, abarik zin ozoz kiwagon u̱ggu̱li̱ ci a̱ddi̱ki̱re̱.

O̱no̱zzo̱k 13:14

Ma̱rri̱t enne ogon kaal cik a̱vu̱la̱, anyozik zin nonno komizi ci ogone kaal zare cik e̱le̱gi̱t bali o̱o̱wu̱ ke̱, u̱lu̱t zin enne olli lo̱o̱tu̱. Kar ku̱du̱wa̱k ol kokovanta ngu̱m ci e̱le̱gto̱ biya kize gool ci o̱ngo̱o̱li̱nne̱ nege nonno, e̱le̱gi̱t bali abucane nyazuwata ke̱, imma ngatu ngen aruge dee.

O̱no̱zzo̱k 13:15

Anyozik ba̱li̱ye̱ nonno komizi ci kar enne kutubuwek ngoot ri̱ri̱to̱n ci e̱le̱gi̱t bali een oo ke̱ bak ovongi, abunna ming ozozi kar kaanyik ol wak iróng orong ki̱di̱ngdi̱nga̱ni̱t e̱le̱gi̱t ko̱ ku̱ru̱kte̱ ka̱da̱i̱to̱.

O̱no̱zzo̱k 15:2

Kicina bo̱do̱k gilac ci ogon ki nyatapari ci a̱ddi̱ki̱re̱ ci ongotane ki gwo̱o̱. Imma ol ne̱k abile abanyce ci nyatapar ci a̱ddi̱ki̱re̱ ko̱, e̱e̱ggi̱n ne̱ko̱ ol balik ommog e̱le̱gi̱t ki ri̱ri̱to̱n cinne ki nimira ci e̱le̱gto̱. Anyak nege lokombet cik aanyik nogo Ta̱mu̱ta̱dde̱n,

O̱no̱zzo̱k 16:13

Kicina zin anna vongizzok cik lo̱rye̱nta̱k i̱i̱yo̱ ogon kiwagon nyeelwana; iyowa utuge ci e̱le̱gi̱t ci ogon ki u̱ggu̱li̱ ci a̱ddi̱ki̱re̱, okko bo̱do̱k iyowa utuge ci e̱le̱gi̱t ci mooti ki utuge ci a̱ri̱to̱i̱t ci volongo.

O̱no̱zzo̱k 17:16

Okko atin e̱le̱gi̱ti̱ ki o̱to̱ omoto cik icinnu i̱nna̱ ko̱, amarine atin nege ngaa ci een a̱li̱ya̱i̱t ko̱. Egerzan atin nege nonno, aara ru̱u̱ma̱ni̱ ka̱vvu̱ enne nga̱dhi̱ri̱r; adak atin nege ele cinne kar kutuzet nonno gwo̱o̱ya̱.

O̱no̱zzo̱k 17:3

Kar zin anjilo kodonga annit Vongize ci Ta̱mu̱ta̱dde̱no̱ rok balal. Imma nginati kicina ngaa neci aave e̱le̱gte̱ ci ma̱ri̱ tet, a̱di̱le̱ ele do̱o̱k zare cik odome enne Ta̱mu̱ta̱dde̱n, kar kanyak o̱o̱tti̱ turgerem ki o̱to̱ omoto.

O̱no̱zzo̱k 17:5

E̱he̱rye̱ zoz cu ngu̱me̱ cinne: Zar cik a̱lu̱gnye̱ Babilon ci a̱ddi̱ki̱re̱ E̱e̱ti̱ a̱li̱ya̱k do̱o̱k Ki kaal cik a̱li̱ya̱kze̱ti̱nu̱ lo̱o̱ta̱ ngatu do̱o̱k.

O̱no̱zzo̱k 19:19

Kedenya zin anna e̱le̱gi̱t ki alaat wak lo̱o̱tu̱ ki aciir cigge̱k alute kar koorit E̱e̱t ci ottod vartangec ko̱ ki aciir waginnek.