O̱no̱zzo̱k 12:9 - Tennet

⁹ U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 12:9 ပူးပေါင်းရင်းမြစ်များ

Kananet 3:1

Bali eenycane Manyi Ta̱mu̱ta̱dde̱n elegje do̱o̱k ke̱, egenyi da̱ uwat oroot kar kize labjoit. I̱ki̱ya̱ uwat i̱jji̱n ngaa a̱nne̱k ne, “Ma dim da̱ Ta̱mu̱ta̱dde̱n a̱nne̱kku̱ng ne, ‘Ma adakku o̱ya̱u̱ ne̱k keen wak aavtte manatoto ko̱ do̱o̱k’?”

Kananet 3:13

Iizek zin Manyi Ta̱mu̱ta̱dde̱n ngaa ne, “Nya ming ogoni niko ko̱?” O̱bo̱de̱k zin bo̱do̱k ngaa Ta̱mu̱ta̱dde̱n a̱nne̱k ne, “Uwat ci alabekan kar kadak o̱ya̱u̱ cik keet neci.”

Ma̱te̱yo̱ 13:39

Okko mo̱dde̱nti̱ ci arir lobali ko̱ een lo̱rye̱ni̱t. Okko te̱di̱ne̱t labi een i̱i̱te̱n ci okko Ta̱mu̱ta̱dde̱n etted lo̱ki̱ko̱ ci lo̱o̱tu̱, imma ol wak etted labi ko̱ een anjilonya cik Ta̱mu̱ta̱dde̱no̱.

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Ma̱te̱yo̱ 25:41

“Kar zin atin alaani ukce kicin ol wak aavtte a̱tte̱ ci angeto kar kize ne, ‘Ma a̱vvu̱na̱kka̱ng annita, niga ol balik otorteu ke̱, oot udut gwo̱o̱ye̱ bali idimane kar kize ci lo̱rye̱ni̱t ki anjilonya ciginnek!

Ma̱te̱yo̱ 4:1

Kar zin Vongizi kuwe Ye̱su̱ balale ci gi̱da̱ngi̱ kar lo̱rye̱nti̱ kitiman nonno.

Ma̱te̱yo̱ 4:10

Obodike Ye̱su̱ nonno, “Nyehe ngatinanni, Sitan, e̱he̱rye̱ buwe ci Ta̱mu̱ta̱dde̱no̱ azi ne, ‘Di̱ngdi̱nga̱n Manyi Ta̱mu̱ta̱dde̱n kar li̱ngli̱ngo̱zi̱k nonno do̱.’”

Ma̱te̱yo̱ 4:5

Uwe lo̱rye̱nti̱ Ye̱su̱ Jerusalema kar kuk kaanyik ka̱vvu̱ ta̱dde̱na̱ Ce̱e̱ze̱ wa Ta̱mu̱ta̱dde̱no̱.

Ma̱te̱yo̱ 4:8

Uwe lo̱rye̱nti̱ bo̱do̱k Ye̱su̱ biye ci u̱u̱ni̱ kaal kar ki̱ye̱le̱k ba̱a̱li̱ne̱t ci lo̱o̱tu̱ do̱o̱k.

Lu̱ka̱ 10:18

O̱bo̱de̱k zin Ye̱su̱ nogo, “Kicina anna Sitan ming a̱yu̱we̱ ta̱mu̱-kenga kar zin kabad kiwagon borowoci!

Lu̱ka̱ 13:16

Iróng zin ngaa icu een buweenyi Aburahami, wa aminye Sitani e̱rki̱nya̱ omoto ki tu̱rge̱ ko̱, aburnnu, ming eelai enne I̱i̱te̱ne̱ wa Yu̱bze̱nto̱ gi̱i̱ye̱ ci aminye nonno ko̱?”

Lu̱ka̱ 22:3

I̱tto̱ zin Sitani zinin ci Judasi wa a̱nne̱k ol ne Iskariyot, een enne nuyait co̱de̱ nuyahe cik Ye̱su̱ wak e̱e̱ggi̱n omoto ki rama ko̱.

Lu̱ka̱ 22:31

“Si̱mo̱ne̱, Si̱mo̱ne̱, a̱jji̱nne̱ Sitani kar ketegelung i̱ge̱t kiwagon labina.

Lu̱ka̱ 8:12

Ovvo i̱nyo̱mo̱na̱ ne̱k i̱i̱na̱k gool ko̱, ogon nege ki ol cik aziye zoz ci Ta̱mu̱ta̱dde̱no̱, kar zin lo̱rye̱nti̱ ki̱ki̱ya̱ kogoroz zoz zi̱nze̱tti̱nne̱ cigge̱k, kar atin iróng nege a̱tu̱we̱ icima amuda ti̱ri̱ze̱ne̱t.

Kaviyak wak Abunna Ta̱mu̱ta̱dde̱no̱ eher Joni 12:31

I̱yo̱ko̱ ize i̱i̱ ci ettedine lo̱ki̱ko̱ ci olli lo̱o̱tu̱, kar atin lo̱rye̱nti̱ ci abal lo̱o̱c cu ko̱ kottowe.

Kaviyak wak Abunna Ta̱mu̱ta̱dde̱no̱ eher Joni 14:30

Iróng ngen kozozi u̱u̱mu̱c, i̱ki̱ya̱ ngerrti lo̱rye̱nto̱ wa een alaan ci lo̱o̱tu̱. Iróng anyak komiz ci ommogja annita,

Kaviyak wak Abunna Ta̱mu̱ta̱dde̱no̱ eher Joni 16:11

I̱ye̱le̱k atin De̱me̱zo̱i̱ti̱ nogo zoz ci lo̱ki̱ko̱ ci etteddek Ta̱mu̱ta̱dde̱n alaan ci kuulou wa lo̱o̱c cu.

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

Buk wa To̱ni̱a̱u̱ 5:3

Ize zin Peturu ne, “Ananiyas, nyaa ming anyik i̱nna̱ Sitan kuwe zinin cunne do̱o̱k ngati ovolonge Vongiz ci A̱li̱le̱ a̱lu̱gnye̱ o̱ro̱bi̱ya̱ u̱gge̱ cik utene i̱nna̱ lo̱o̱c cunne ko̱?

Roma 16:18

Iróng ol ne̱k ogon niko ko̱ a̱li̱ngli̱nge̱k Manyitinna Ki̱ri̱sto̱, abarik a̱li̱ngli̱ng gi̱i̱ ci orong zi̱nze̱tti̱ cigge̱k. A̱lu̱t ol zo̱ze̱ ci a̱ru̱we̱ nege muluk lo̱o̱c kar ku̱lu̱te̱t ol wak iróng a̱gga̱ zoz.

Roma 16:20

A̱du̱l atin Ta̱mu̱ta̱dde̱n wa anyak gano ko̱ Sitan kar korocek nonno lo̱o̱c zone cigunnek. Anyik deten ci Manyitinna Ye̱su̱ ka̱vvu̱ ngatinno̱ng.

2 Ko̱ri̱nto̱ 11:14

Iróng zin annit a̱ma̱li̱le̱ oo zo̱ze̱ necu, eci Sitani bu̱k ogon ele ki ci een anjilo ci Ta̱mu̱ta̱dde̱no̱.

2 Ko̱ri̱nto̱ 11:3

Ma̱i̱je̱ i̱yo̱ko̱, ko̱ngo̱o̱le̱ anna alabanung atin uwat ki bali ming alaba ogonikket Eva, ngaa ci Adami nyaate ci een Eden ke̱. Kar i̱yo̱ko̱, ecebannung atin uwat o̱o̱tti̱ kar iróng ngen arikku zi̱nze̱tti̱ Ki̱ri̱sto̱ de̱de̱ ki ba̱li̱ye̱.

2 Ko̱ri̱nto̱ 12:7

I̱yo̱ko̱ zin, kozozi anna zoz ci obod ki kaal cik a̱zi̱ze̱ balik kicina anna ke̱. I̱tto̱na̱i̱ anjilo ci Sitano kar ki̱ki̱ya̱ kaanya piryanzet, kar atin anna iróng kodongi ele.

2 Ko̱ri̱nto̱ 2:11

Kar zin Sitani iróng amuda gool ci a̱lu̱te̱tta̱, eci ka̱gga̱ ju̱rru̱m go̱o̱llo̱k cik orong lo̱rye̱nti̱ kar kegerzan ol.

2 Ko̱ri̱nto̱ 4:4

Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.

Evesos 4:14

Abunna kabiliz baiz ci kabahe ki i̱yo̱ko̱ dooli cikidik ko̱. Gerza ming kelemi ol cik volongak kecebtaet o̱o̱tti̱ de̱mzi̱nte̱ cinne̱ng volongo. Ogon ki ngooti ci odong kaal okkoye gon ngati okkoye ngooti.

2 Te̱se̱lo̱ni̱ka̱ 2:3

Ma anyikku e̱e̱t imma ku̱lu̱ttu̱ng go̱o̱le̱ emani; iróng atin i̱i̱te̱ni̱ neci a̱kku̱ ming ngen ol kutuburret nong ka̱ka̱te̱ kar e̱e̱ti̱ ci mu̱nye̱nu̱ ko̱ ki̱ye̱la̱i̱, e̱e̱t ci okko ditenta.

1 Ti̱mo̱te̱yo̱ 2:14

Iróng bo̱do̱k ba̱li̱ye̱ een Adam nenen ci alaba lo̱rye̱nti̱, ngaa ci ba̱li̱ye̱ alaba lo̱rye̱nti̱ kanyahak ba̱ci̱ ol lo̱o̱ta̱ do̱o̱k.

2 Ti̱mo̱te̱yo̱ 3:13

Ma̱i̱je̱ ol wak gerzek ki ol wak een volongnyok, gerza atin zoz cinne̱ng oroot, ovolongek ol kar bo̱do̱k ol kovolongttek nogo.

I̱bu̱ru̱ 2:14

Ke̱e̱ggi̱n naga ol cik diirik, een Ye̱su̱ bu̱k e̱e̱t ci diiri. Gool zin ci a̱kku̱na̱ke̱t Ye̱su̱ agit ko̱ necu, kar ki̱ki̱ya̱ ka̱da̱k kommog lo̱rye̱ni̱t ci anyak komiz ci daizo.

1 Peturu 5:8

U̱zu̱tte̱ e̱le̱tti̱ ciggo̱k eci lo̱rye̱nti̱ wa een mo̱dde̱ni̱t cunno̱ng e̱re̱ye̱ goola kiwagon maa wa a̱rru̱k ngati orong kar kadaho.

1 Jon 5:19

Ka̱gga̱ naga niko ming ke̱e̱ggi̱n naga dooli cik Ta̱mu̱ta̱dde̱no̱, imma lo̱rye̱nti̱ abal ol wak lo̱o̱tu̱ iróng a̱gga̱ Ta̱mu̱ta̱dde̱n ko̱ do̱o̱k.

Ju̱da̱ 1:9

Odom rok Maikol wa een alaan ci anjilonyau ta̱mu̱-kenga ko̱, ngen enne kodom lo̱rye̱ni̱t i̱i̱te̱ne̱ bali adangone ki nonno zo̱ze̱ ci obod ki ele ci Musesi ke̱. Abarik wazin neci a̱nne̱k enne nonno ne, “Edezi atin Manyi Ta̱mu̱ta̱dde̱n i̱nne̱ta̱.”

O̱no̱zzo̱k 12:12

Ataltto zin niga ol cik abakku ta̱mu̱-kenga ko̱! Abarik o̱lle̱ nonga ngati nyatapar ci a̱ddi̱ki̱re̱ ki lo̱o̱c, eci u̱ju̱ko̱zi̱u̱ng lo̱rye̱nti̱ i̱ge̱t lo̱o̱ta̱! Omoze enne oroot, eci enne a̱gga̱ izeto idice nonno i̱i̱nya̱.”

O̱no̱zzo̱k 12:3

I̱ye̱la̱i̱ zin baayenti imma ta̱mu̱-kenga: E̱le̱gi̱t ci ma̱ri̱ ogon ki u̱ggu̱li̱ ci a̱ddi̱ki̱re̱, anyak o̱o̱tti̱ turgerem ki o̱to̱ omoto, ki lulukwa turgerem o̱o̱tti̱ne̱ ciginnek.

O̱no̱zzo̱k 12:7

Anyak ba̱li̱ye̱ illa ci oorye ta̱mu̱-kenga. Oor zin anjilo wa a̱ddi̱ki̱re̱ een Maikol ki anjilonya ciginnek e̱le̱gi̱t ci ogon ki u̱ggu̱li̱ ci a̱ddi̱ki̱re̱ ko̱, kar u̱ggu̱li̱ ki anjilonya ciginnek koorit nogo bu̱k.

O̱no̱zzo̱k 12:8

Abarik iróng zin da̱ e̱le̱gi̱ti̱ neci okkomi, kar zin enne ki anjilonya ciginnek iróng ngen anyak ngin imma ta̱mu̱-kenga.

O̱no̱zzo̱k 13:14

Ma̱rri̱t enne ogon kaal cik a̱vu̱la̱, anyozik zin nonno komizi ci ogone kaal zare cik e̱le̱gi̱t bali o̱o̱wu̱ ke̱, u̱lu̱t zin enne olli lo̱o̱tu̱. Kar ku̱du̱wa̱k ol kokovanta ngu̱m ci e̱le̱gto̱ biya kize gool ci o̱ngo̱o̱li̱nne̱ nege nonno, e̱le̱gi̱t bali abucane nyazuwata ke̱, imma ngatu ngen aruge dee.

O̱no̱zzo̱k 16:14

E̱e̱ggi̱n ne̱ko̱ kuulo cik lo̱rye̱nta̱k ogon kaal cik a̱vu̱la̱, kar zin koot reena ngati alaat cik lo̱o̱tu̱ do̱o̱k, kar kuluta nogo koot koorit illa i̱i̱te̱ne̱ ci a̱ddi̱ki̱re̱ Ta̱mu̱ta̱dde̱no̱ wa anyak Komiz do̱o̱k.

O̱no̱zzo̱k 18:2

Egereny zin enne muluwe ci a̱bu̱le̱: “I̱li̱be̱ bai! I̱li̱be̱ Babiloni orogi ci a̱ddi̱ki̱re̱! Ize enne ce̱e̱z ci abahe kuulo cik lo̱rye̱nta̱k kar kize nyaperit ci vongizzok cik lo̱rye̱nta̱k, een nyaperit ci iballi cik ngoronyik gerzek.

O̱no̱zzo̱k 18:23

Iróng atin bo̱do̱k gwa̱a̱ ci urezo alanyit ngatunne bo̱do̱k udut. Imma mului ci e̱e̱t ci aruce ki buuwec, iróng atin i̱nna̱ azii o̱rge̱ cunne bo̱do̱k udut. Ovvo ol balik utene kaal ke̱ nogo cik e̱e̱ggi̱n ol cik a̱ddi̱ki̱re̱. Imma go̱o̱le̱ ci a̱ru̱we̱ i̱nna̱ agura, i̱ti̱ye̱ lo̱o̱cco̱k do̱o̱k go̱o̱le̱ ci gerze.

O̱no̱zzo̱k 19:20

Ma̱i̱je̱ zin da̱ e̱le̱gi̱ti̱ a̱gga̱me̱, nonno ki a̱ri̱to̱i̱t ci volongo, ogonek nege kaal cik a̱vu̱la̱ ko̱ e̱le̱gi̱t. Imma zo̱ze̱ ci a̱vu̱la̱ u̱tu̱gu̱ enne ke̱, alaba enne ol wak anyak baayenit ci e̱le̱gto̱ kar ki̱di̱ngdi̱nga̱ni̱t ri̱ri̱to̱n cinne. Kar rama ngatinne̱ng ku̱ju̱kto̱zi̱k rugetet gwo̱o̱ ci apadpadi oroot.

O̱no̱zzo̱k 2:13

Ka̱gga̱ nginti abakku ko̱ een nginti aave alaanzet ci Sitano. Ngen zin niga aalnannu tu̱we̱nta̱ zo̱ze̱ cinanni. Iróng zin niga ungneku tu̱we̱ne̱t cunno̱ng ngatinanni lo̱o̱c, rok i̱i̱te̱n ci ibbace Antipasi zoz cinanni, ming u̱ru̱we̱t ol nonno ka̱da̱k nu̱nu̱n o̱rge̱ cunno̱ng a̱ddi̱ki̱re̱, ngati abahe Sitani.

O̱no̱zzo̱k 2:24

I̱yo̱ko̱ ka̱du̱wa̱kku̱ng, niga ol ne̱k aavtte Thyatira ko̱, niga ol wak iróng a̱gga̱m de̱mzi̱ne̱t ci ngaa ci aanyik ele kize a̱ri̱to̱i̱t ko̱, kar bo̱do̱k iróng niga a̱gga̱mnyu̱ kaal cik Sitano, iróng atin anna kedezzung.

O̱no̱zzo̱k 2:9

Ka̱gga̱ anna pirnanet ki matiz cunno̱ng, imma ngatu e̱e̱ggi̱nnu̱ niga jain! Ka̱gga̱ dominet ci azi ol uggak ne e̱e̱ggi̱n nege Ya̱u̱d, imma ngatu iróng e̱e̱ggi̱n Ya̱u̱d, abarik nege ogon ki nginti lawinto Sitano.

O̱no̱zzo̱k 20:10

Imma lo̱rye̱nti̱ bali a̱lu̱t nogo ke̱, u̱ju̱ko̱zi̱k gwo̱o̱ ci apadpadi oroot, nginti a̱ju̱ko̱ni̱k e̱le̱gi̱ti̱ ki a̱ri̱to̱i̱t ci volongo. Apirna atin nege nginati tu̱p kaal udut.

O̱no̱zzo̱k 20:8

Kar atin enne kuk ku̱lu̱t olli lo̱o̱tu̱, vatanine: i̱do̱, i̱do̱li̱ya̱, je̱e̱n, ki nyege cik lo̱o̱tu̱ e̱e̱ggi̱n we̱c. Okko alaba ciko Gog ki Magog kar kuwe illawa. E̱e̱ggi̱n nege koole ci atubo ki azac ti̱ti̱me̱ ci liil ci a̱ddi̱ki̱re̱.

O̱no̱zzo̱k 3:9

Imma ol wak annu zoz ci Sitano, ol wak azi ne ke̱e̱ggi̱nna̱ Ya̱u̱d, imma ngatu amire, abarik e̱e̱ggi̱n volongnyok, kanyike atin anna nogo ku̱yu̱kte̱ zoone cigunnek kar ka̱gga̱c de̱de̱ ming kirezung anna i̱ge̱ta̱.

O̱no̱zzo̱k 9:1

Utubu zin anjilo wa een tu̱r ko̱ ture cinne. Kedenya anna munyunyoc ming i̱i̱na̱ ta̱mu̱-kenga i̱i̱na̱k lo̱o̱c. Anyozik zin ba̱li̱ye̱ munyunyoc neci joroni ci oowe lo̱o̱k ci wu̱u̱ni̱ oroot ko̱.

O̱no̱zzo̱k 9:20

Imma ol balik ngen ku̱ru̱kte̱ zerenine ke̱, iróng ungnek kaal cik adiman nege azzine cigge̱k; iróng ngen abilne gool ci a̱di̱ngdi̱nga̱ne̱ nege kuulo cik lo̱rye̱nta̱k, ki to̱do̱yyo̱k cik adimanai zu̱rte̱ne̱ne̱ cik een dhahab, ki ziik cik ataltali, ki biyen ki keen, to̱do̱yyo̱k cik iróng acine icima aziye icima owo.