O̱no̱zzo̱k 12:7 - Tennet

⁷ Anyak ba̱li̱ye̱ illa ci oorye ta̱mu̱-kenga. Oor zin anjilo wa a̱ddi̱ki̱re̱ een Maikol ki anjilonya ciginnek e̱le̱gi̱t ci ogon ki u̱ggu̱li̱ ci a̱ddi̱ki̱re̱ ko̱, kar u̱ggu̱li̱ ki anjilonya ciginnek koorit nogo bu̱k.

O̱no̱zzo̱k 12:7 ပူးပေါင်းရင်းမြစ်များ

Ma̱te̱yo̱ 13:41

Okko atin Ngerrti E̱e̱to̱ i̱tto̱n anjilonya waginnek ta̱mu̱-kenga, ovvo atin aluta ol ba̱a̱li̱nte̱ cinne wak ogon kaal wak gerzek mu̱nye̱nu̱ do̱o̱k.

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 24:31

Kar zin atin enne ki̱tto̱nna̱ anjilonya ciginnek kar nege ta̱mu̱-kenga kutubuwet tuuret, kar kulutet ol balik atahala Ta̱mu̱ta̱dde̱n lo̱o̱co̱we̱ do̱o̱k ki ta̱mu̱-kenga ke̱.”

Ma̱te̱yo̱ 25:41

“Kar zin atin alaani ukce kicin ol wak aavtte a̱tte̱ ci angeto kar kize ne, ‘Ma a̱vvu̱na̱kka̱ng annita, niga ol balik otorteu ke̱, oot udut gwo̱o̱ye̱ bali idimane kar kize ci lo̱rye̱ni̱t ki anjilonya ciginnek!

Ma̱te̱yo̱ 26:53

Iróng a̱gga̱yyu̱ ka̱jji̱nni̱ wo̱ye̱ Baba ta̱mu̱-kenga kar ki̱tto̱nna̱ anjilonya ciginnek Ta̱mu̱ta̱dde̱no̱ meelek giir?

2 Ko̱ri̱nto̱ 12:7

I̱yo̱ko̱ zin, kozozi anna zoz ci obod ki kaal cik a̱zi̱ze̱ balik kicina anna ke̱. I̱tto̱na̱i̱ anjilo ci Sitano kar ki̱ki̱ya̱ kaanya piryanzet, kar atin anna iróng kodongi ele.

Evesos 6:12

Eci iróng naga kooro ki mo̱ddo̱ cik anyak e̱le̱tti̱ ki i̱yo̱ko̱ cik kanyak naga ko̱. Abarik kooro ki to̱ni̱a̱k cik lo̱rye̱nta̱k ki vongizzok waginnek gerzek abak zara. Abal nege lo̱o̱c necu, anyak doiz vatanine cigge̱k, abal nege lo̱o̱cco̱k ne̱ko̱ do̱o̱k ku̱ru̱m nginti engerone ta̱mu̱-keng ki lo̱o̱c.

2 Te̱se̱lo̱ni̱ka̱ 1:7

A̱a̱nyu̱ng atin Ta̱mu̱ta̱dde̱n abait yahe niga ol ne̱k a̱gi̱ddu̱ng ol ko̱, ogonekket agit bu̱k ming okko Manyi Ye̱su̱ alucak lo̱o̱c ta̱mu̱-kenga ki anjilonya ciginnek.

I̱bu̱ru̱ 2:10

E̱e̱ggi̱n kaala do̱o̱k cik Ta̱mu̱ta̱dde̱no̱, nonno ci adiman kaal ne̱ko̱ doize cinne. Idiman Ta̱mu̱ta̱dde̱n gi̱i̱ ci abunna ngati aanyik Ye̱su̱ kubunna ngati apirnane keete ci een ta̱la̱ke̱c, baling i̱ti̱ri̱z enne dooli cik Ta̱mu̱ta̱dde̱no̱ cik kelemtta nonno kar kozolit di̱ngdi̱nga̱ni̱ne̱t ci Ta̱mu̱ta̱dde̱no̱.

2 Peturu 2:4

Iróng Ta̱mu̱ta̱dde̱n alalnek anjilonya balik ogon mu̱nye̱n ke̱, abarik a̱ju̱ke̱k nogo koot ngati mu̱u̱hu̱ri̱ gwo̱o̱ya̱ ki̱ki̱ya̱ i̱i̱te̱ni̱ ci lo̱ki̱ko̱.

Ju̱da̱ 1:9

Odom rok Maikol wa een alaan ci anjilonyau ta̱mu̱-kenga ko̱, ngen enne kodom lo̱rye̱ni̱t i̱i̱te̱ne̱ bali adangone ki nonno zo̱ze̱ ci obod ki ele ci Musesi ke̱. Abarik wazin neci a̱nne̱k enne nonno ne, “Edezi atin Manyi Ta̱mu̱ta̱dde̱n i̱nne̱ta̱.”

O̱no̱zzo̱k 12:8

Abarik iróng zin da̱ e̱le̱gi̱ti̱ neci okkomi, kar zin enne ki anjilonya ciginnek iróng ngen anyak ngin imma ta̱mu̱-kenga.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 13:7

Anyozik nonno doizi ci kar koore ol cik Ta̱mu̱ta̱dde̱no̱ a̱li̱le̱, kar ka̱gga̱m nogo. Anyozik nonno komizi ci abale ol cik lo̱o̱tu̱ do̱o̱k ki wak anyak u̱tu̱ge̱tti̱ cik aavtte do̱ do̱.

O̱no̱zzo̱k 20:2

A̱gga̱m enne u̱ggu̱l ci a̱ddi̱ki̱re̱, een enne bo̱do̱k uwat ci a̱ddi̱ki̱re̱ unuk da̱, een enne lo̱rye̱ni̱t ci een zara Sitan, kar zin enne keceb nonno e̱rki̱to̱k i̱bbo̱ng co̱de̱ (1,000).