O̱no̱zzo̱k 12:5 - Tennet

⁵ I̱ti̱rra̱ zin ngaa neci do̱le̱c ci maci, okko atin enne abal lo̱o̱cco̱k do̱o̱k kokkom kak kiwagon zi̱i̱ti̱ ci een cool ci alaano. I̱ra̱na̱i̱ zin do̱le̱c neci ngatinne kar kuk ngati Ta̱mu̱ta̱dde̱no̱ lecere cinne.

O̱no̱zzo̱k 12:5 ပူးပေါင်းရင်းမြစ်များ

Ma̱te̱yo̱ 1:25

Ma zin nginatu niko, iróng Yosevo ngen okko kar ka̱ta̱ngu̱zzo̱ bu̱k zee ki̱ti̱rra̱i̱ do̱le̱c. A̱vvu̱ Ma̱ri̱ya̱ izong, kutuyai kar Yosevo kakatek zar cik een Ye̱su̱.

Marko 16:19

Baling ozozek Manyi Ye̱su̱ zoz ki nogo, odonge zin enne uk ta̱mu̱-kenga kar ka̱vvu̱ ngati doizo a̱tte̱ ci Ta̱mu̱ta̱dde̱no̱ a̱zzo̱.

2 Ko̱ri̱nto̱ 12:2

Anyak e̱e̱t imma ci a̱tu̱ Ye̱su̱ Ki̱ri̱sto̱, ja ku̱du̱wa̱u̱ng zoz cinne, okkoye Manyi Ye̱su̱ nonno rok ta̱mu̱-keng, ngati aave Ta̱mu̱ta̱dde̱n, edeca zoz necu e̱rki̱nya̱ omoto ki we̱c. Iróng ka̱gga̱ ming okkoye ele cinne icima vongiz. Ta̱mu̱ta̱dde̱n do̱ niko ci a̱gga̱.

2 Ko̱ri̱nto̱ 12:4

Uwe zin ba̱li̱ye̱ nonno Ta̱mu̱ta̱dde̱n rok ma̱na̱ wa aave ta̱mu̱-kenga orgena, nginti acine enne kaal cik a̱zi̱ze̱ iróng wo̱ye̱ e̱e̱ti̱ ci diiri ikebi.

O̱no̱zzo̱k 11:12

Iziyyet zin nege muluk ci a̱ppwe̱ a̱kku̱ ta̱mu̱-kenga, a̱nne̱k nogo ne, “I̱vi̱ta̱ ta̱dde̱n ngatu.” Oot zin nege ta̱mu̱-kenga di̱i̱zo̱ca̱, ma̱i̱je̱ mo̱ddo̱ cigge̱k atangamttek nogo niko.

O̱no̱zzo̱k 12:13

Baling icin e̱le̱gi̱ti̱ ci ogon ki u̱ggu̱li̱ ci a̱ddi̱ki̱re̱ u̱ju̱ko̱zi̱k enne lo̱o̱c, i̱vi̱r zin vu̱rrte̱ ci ngaa bali ukca do̱le̱c ci maci ke̱.

O̱no̱zzo̱k 12:2

Anyakce da̱ ngaa neci orong kutuyai, abalac zin oroot wu̱ce̱z ci do̱le̱co̱.

O̱no̱zzo̱k 19:15

Iyowa utuge cinne nya̱tu̱ba̱t ci lehedi kar ku̱ru̱we̱ enne ol cik lo̱o̱tu̱ veelek. “Abal atin enne nogo coole ci alaanzetu ci een zi̱i̱t.” Kar enne koroc ngin wagon amacane merte kar ki̱ye̱la̱ mozinet ci Ta̱mu̱ta̱dde̱no̱ wa A̱ddi̱ki̱re̱ anyak Komiz do̱o̱k.