O̱no̱zzo̱k 12:4 - Tennet

⁴ Okko ku̱u̱l cinne a̱vi̱la̱ munyuny lo̱lo̱i̱t cidici ta̱mu̱-kenga ku̱ju̱ke̱k lo̱o̱c. Ibil zin u̱ggu̱li̱ ngu̱me̱ ci ngaa ci orong kutuyai ko̱, kar atin enne kadak do̱le̱c ci ngaa neci ming okko a̱rri̱ta̱i̱.

O̱no̱zzo̱k 12:4 ပူးပေါင်းရင်းမြစ်များ

Lu̱ge̱z 1:16

“Ming ovvo eelannu ngaai cik I̱bu̱ru̱ ti̱ra̱, icinnet ju̱rru̱m, ming een do̱le̱c ci maci, u̱ru̱we̱t ka̱da̱k; ma̱i̱je̱ ming een do̱le̱c ci nga̱a̱ye̱, aanycik kurug.”

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

1 Peturu 5:8

U̱zu̱tte̱ e̱le̱tti̱ ciggo̱k eci lo̱rye̱nti̱ wa een mo̱dde̱ni̱t cunno̱ng e̱re̱ye̱ goola kiwagon maa wa a̱rru̱k ngati orong kar kadaho.

O̱no̱zzo̱k 12:7

Anyak ba̱li̱ye̱ illa ci oorye ta̱mu̱-kenga. Oor zin anjilo wa a̱ddi̱ki̱re̱ een Maikol ki anjilonya ciginnek e̱le̱gi̱t ci ogon ki u̱ggu̱li̱ ci a̱ddi̱ki̱re̱ ko̱, kar u̱ggu̱li̱ ki anjilonya ciginnek koorit nogo bu̱k.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 13:2

Okko e̱le̱gi̱ti̱ ci kicina anna ko̱ atubo ki keelang, ma̱i̱je̱ ngatu anyak zo̱o̱ ki e̱le̱gi̱ti̱ ci ogon ki nyaangu, imma utugi cinne ogon ki ci maawo. Aanyik zin e̱le̱gi̱ti̱ ci ogon ki u̱ggu̱li̱ ci a̱ddi̱ki̱re̱ ko̱ e̱le̱gi̱t neci doiz cinne ki lecer cinne ki alaanzet ci a̱ddi̱ki̱re̱.

O̱no̱zzo̱k 13:4

I̱di̱ngdi̱nga̱nni̱t zin ol cik diirik u̱ggu̱l ci a̱ddi̱ki̱re̱ ma̱rri̱t ming aanyik enne e̱le̱gi̱t kabal ol, kar nege bu̱k kalac e̱le̱gi̱t neci kar zin ki̱jji̱nto̱ kizeto ne, “Ngene ci atubo ki e̱le̱gi̱t necu? Ngene wo̱ye̱ ci uule kar koor nonno?”

O̱no̱zzo̱k 16:13

Kicina zin anna vongizzok cik lo̱rye̱nta̱k i̱i̱yo̱ ogon kiwagon nyeelwana; iyowa utuge ci e̱le̱gi̱t ci ogon ki u̱ggu̱li̱ ci a̱ddi̱ki̱re̱, okko bo̱do̱k iyowa utuge ci e̱le̱gi̱t ci mooti ki utuge ci a̱ri̱to̱i̱t ci volongo.

O̱no̱zzo̱k 17:18

Imma ngaa ci icinnu i̱nna̱ ko̱ i̱ya̱bzo̱ni̱k orog ci a̱ddi̱ki̱re̱ een Babilon abal alaat cik lo̱o̱tu̱ do̱o̱k.”

O̱no̱zzo̱k 20:2

A̱gga̱m enne u̱ggu̱l ci a̱ddi̱ki̱re̱, een enne bo̱do̱k uwat ci a̱ddi̱ki̱re̱ unuk da̱, een enne lo̱rye̱ni̱t ci een zara Sitan, kar zin enne keceb nonno e̱rki̱to̱k i̱bbo̱ng co̱de̱ (1,000).

O̱no̱zzo̱k 8:10

Utubu zin anjilo wa een i̱i̱yo̱ ko̱ ture cinne, kar zin munyunyoci ci a̱ddi̱ki̱re̱ alanyit kiwagon urezi ki̱tta̱ mer ta̱mu̱-kenga, ki̱ta̱k moren lo̱lo̱i̱t cikidik ki ngintik anyak ebere cik maamu.

O̱no̱zzo̱k 8:11

Azi zar cik munyunyoc necu ne, Akaka. Utuhuye zin maama cikidik akatkatit oroot, kar zin ol cik meelek ka̱da̱i̱to̱ ngati aude maam ne̱ke̱.

O̱no̱zzo̱k 8:12

Utubu zin bo̱do̱k anjilo wa een we̱c ko̱ ture cinne. Ovoce zin i̱i̱ abanyit cidici, okko bo̱do̱k abanyit cidici nye̱lo̱wo̱ ovoce ki munyuny bu̱k, utuhuye zin abanyo cikidik ngatinne̱ng do̱o̱k izeto gi̱da̱nge̱. A̱vvu̱ zin lo̱lo̱i̱ti̱ cidici kize mu̱hu̱r ki̱zzi̱ tukuleci, okko zin bo̱do̱k ba̱a̱li̱ni̱ anyak lo̱lo̱i̱t cidici ci a̱zze̱ne̱ tukuleci.

O̱no̱zzo̱k 8:7

Utubu zin anjilo ci een oo ture cinne, kar zin teltelena ki̱ta̱zzo̱ ta̱mu̱-kenga ki gwo̱o̱, ongotane ki bi̱ye̱. Utuze zin looci lo̱lo̱i̱t co̱de̱ cidici ngati e̱e̱ggi̱nne̱ i̱i̱yo̱, u̱tu̱zze̱ zin keena ki arte lo̱lo̱i̱t cikidik bu̱k.

O̱no̱zzo̱k 8:8

Utubu zin anjilo wa een rama ko̱ ture cinne, kar zin anyak gi̱i̱ ci a̱ppwe̱ ogon kiwagon be ci atuze ele do̱o̱k, ku̱ju̱ko̱zi̱k nyatapar ci a̱ddi̱ki̱re̱. Utuhuye zin maama lo̱lo̱i̱t cidici kize bi̱ye̱,

O̱no̱zzo̱k 8:9

a̱da̱i̱to̱ zin kaala lo̱lo̱i̱t cikidik cik abak nyatapare ci a̱ddi̱ki̱re̱ ko̱, kar i̱be̱tta̱ uggak cikidik ki̱li̱bte̱.

O̱no̱zzo̱k 9:10

Anyak nege ku̱u̱li̱ cik ogon u̱u̱ce̱zi̱ cinne̱ng ki ci itowo, kar ku̱u̱li̱ cigge̱k kanyait doiz ci a̱gi̱dde̱ nege ol nyelowi tu̱r.

O̱no̱zzo̱k 9:19

Anyak vartange komiz cinne̱ng u̱tu̱ge̱tti̱ne̱ ki ku̱u̱li̱; ogon ku̱u̱li̱ cigge̱k kiwagon uwanya, anyak u̱tu̱ge̱tti̱ cik engede ol kipirta oroot.