O̱no̱zzo̱k 12:3 - Tennet

³ I̱ye̱la̱i̱ zin baayenti imma ta̱mu̱-kenga: E̱le̱gi̱t ci ma̱ri̱ ogon ki u̱ggu̱li̱ ci a̱ddi̱ki̱re̱, anyak o̱o̱tti̱ turgerem ki o̱to̱ omoto, ki lulukwa turgerem o̱o̱tti̱ne̱ ciginnek.

O̱no̱zzo̱k 12:3 ပူးပေါင်းရင်းမြစ်များ

O̱no̱zzo̱k 12:1

I̱ye̱la̱i̱ zin baayenti ci a̱ddi̱ki̱re̱ ta̱mu̱-kenga: Aim ngaa i̱i̱ kize ru̱u̱m cinne, okko nyelowi aave zoone ciginnek, kar munyunya omoto ki rama ka̱vvu̱to̱ o̱o̱we̱ cinne u̱tu̱gu̱ ki luluk ci alaano.

O̱no̱zzo̱k 12:13

Baling icin e̱le̱gi̱ti̱ ci ogon ki u̱ggu̱li̱ ci a̱ddi̱ki̱re̱ u̱ju̱ko̱zi̱k enne lo̱o̱c, i̱vi̱r zin vu̱rrte̱ ci ngaa bali ukca do̱le̱c ci maci ke̱.

O̱no̱zzo̱k 12:17

Omoze zin u̱ggu̱li̱ ci a̱ddi̱ki̱re̱ oroot ngati ngaawo, kar zin kuk akate illa ci oore dooli cik dooli cik ngaa neci, eci nege e̱e̱ggi̱n ol cik o̱ngo̱o̱le̱ lo̱ti̱nno̱k cik Ta̱mu̱ta̱dde̱no̱, kar zin bo̱do̱k ku̱tu̱we̱t zoz ci u̱tu̱gu̱ Ye̱su̱ ki de̱mzi̱ne̱t cinne.

O̱no̱zzo̱k 12:4

Okko ku̱u̱l cinne a̱vi̱la̱ munyuny lo̱lo̱i̱t cidici ta̱mu̱-kenga ku̱ju̱ke̱k lo̱o̱c. Ibil zin u̱ggu̱li̱ ngu̱me̱ ci ngaa ci orong kutuyai ko̱, kar atin enne kadak do̱le̱c ci ngaa neci ming okko a̱rri̱ta̱i̱.

O̱no̱zzo̱k 12:7

Anyak ba̱li̱ye̱ illa ci oorye ta̱mu̱-kenga. Oor zin anjilo wa a̱ddi̱ki̱re̱ een Maikol ki anjilonya ciginnek e̱le̱gi̱t ci ogon ki u̱ggu̱li̱ ci a̱ddi̱ki̱re̱ ko̱, kar u̱ggu̱li̱ ki anjilonya ciginnek koorit nogo bu̱k.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 13:1

Kicina zin anna e̱le̱gi̱t ci a̱ddi̱ki̱re̱ mooti ci iyowa nyatapare ci a̱ddi̱ki̱re̱. Anyak o̱to̱ omoto, ki o̱o̱tti̱ turgerem ki lulukwa omoto o̱to̱ne̱, kar o̱o̱tti̱ne̱ anyak zar cik eheronik nogo do̱o̱k odome nege Ta̱mu̱ta̱dde̱n.

O̱no̱zzo̱k 13:2

Okko e̱le̱gi̱ti̱ ci kicina anna ko̱ atubo ki keelang, ma̱i̱je̱ ngatu anyak zo̱o̱ ki e̱le̱gi̱ti̱ ci ogon ki nyaangu, imma utugi cinne ogon ki ci maawo. Aanyik zin e̱le̱gi̱ti̱ ci ogon ki u̱ggu̱li̱ ci a̱ddi̱ki̱re̱ ko̱ e̱le̱gi̱t neci doiz cinne ki lecer cinne ki alaanzet ci a̱ddi̱ki̱re̱.

O̱no̱zzo̱k 13:4

I̱di̱ngdi̱nga̱nni̱t zin ol cik diirik u̱ggu̱l ci a̱ddi̱ki̱re̱ ma̱rri̱t ming aanyik enne e̱le̱gi̱t kabal ol, kar nege bu̱k kalac e̱le̱gi̱t neci kar zin ki̱jji̱nto̱ kizeto ne, “Ngene ci atubo ki e̱le̱gi̱t necu? Ngene wo̱ye̱ ci uule kar koor nonno?”

O̱no̱zzo̱k 15:1

Kicina zin bo̱do̱k anna ta̱mu̱-kenga anyak baayenit imma ci a̱ddi̱ki̱re̱ oroot aanya ki̱vi̱re̱t bi̱ye̱ta̱: anjilonya turgerem anyaha zerenin turgerem cik vu̱rrta̱k, eci zo̱ze̱ necu uk zin mozinet ci Ta̱mu̱ta̱dde̱no̱ edeccai.

O̱no̱zzo̱k 16:13

Kicina zin anna vongizzok cik lo̱rye̱nta̱k i̱i̱yo̱ ogon kiwagon nyeelwana; iyowa utuge ci e̱le̱gi̱t ci ogon ki u̱ggu̱li̱ ci a̱ddi̱ki̱re̱, okko bo̱do̱k iyowa utuge ci e̱le̱gi̱t ci mooti ki utuge ci a̱ri̱to̱i̱t ci volongo.

O̱no̱zzo̱k 17:12

“E̱e̱ggi̱n o̱to̱ cik icinnu i̱nna̱ een omoto ko̱ alaat wak ngen ka̱gga̱mta̱ alaanzet, abarik ming utube i̱i̱ co̱de̱, amuda atin nege alaanzet ki e̱le̱gi̱t bu̱k nga̱to̱de̱.

O̱no̱zzo̱k 17:16

Okko atin e̱le̱gi̱ti̱ ki o̱to̱ omoto cik icinnu i̱nna̱ ko̱, amarine atin nege ngaa ci een a̱li̱ya̱i̱t ko̱. Egerzan atin nege nonno, aara ru̱u̱ma̱ni̱ ka̱vvu̱ enne nga̱dhi̱ri̱r; adak atin nege ele cinne kar kutuzet nonno gwo̱o̱ya̱.

O̱no̱zzo̱k 17:7

A̱nne̱ka̱ zin anjilo annit ne, “Nya ming a̱ku̱le̱k i̱nna̱ je̱e̱n ko̱? Kokko atin anna koobeki zoz ci a̱lu̱gnye̱ zo̱ze̱ ci ngaa necu ki e̱le̱gi̱t ci ottod enne ko̱, anyak o̱o̱tti̱ turgerem ki o̱to̱ omoto ko̱.

O̱no̱zzo̱k 19:12

Ogon ebere ciginnek kiwagon gwa̱a̱ ci alanyiti, kar oo cinne kanyak lulukwa cik alaatu meelek giir. Anyak enne zar cik e̱he̱rye̱ eliye cinne, iróng e̱e̱ti̱ imma a̱gga̱ ke̱bi̱nta̱, a̱gga̱ enne do̱.

O̱no̱zzo̱k 20:2

A̱gga̱m enne u̱ggu̱l ci a̱ddi̱ki̱re̱, een enne bo̱do̱k uwat ci a̱ddi̱ki̱re̱ unuk da̱, een enne lo̱rye̱ni̱t ci een zara Sitan, kar zin enne keceb nonno e̱rki̱to̱k i̱bbo̱ng co̱de̱ (1,000).