O̱no̱zzo̱k 12:11 - Tennet

¹¹ Ommogit nege lo̱rye̱ni̱t bi̱ye̱te̱ cik Nyoono ki zo̱ze̱ ci a̱du̱wa̱ nege; iróng nege irez e̱le̱tti̱ cigge̱k oroot abarik iróng ngen o̱ngo̱o̱le̱ daiz.

O̱no̱zzo̱k 12:11 ပူးပေါင်းရင်းမြစ်များ

Lu̱ka̱ 14:26

“Ming a̱kku̱nna̱ka̱ e̱e̱ti̱ imma annita kar iróng ireza annit kommog baatinne ki yaatinne, ngaa cinne ki dooli, ki gotonoggi ki ngonoggi, ki ruget cinne bu̱k, iróng enne een nuyait cinanni.

Kaviyak wak Abunna Ta̱mu̱ta̱dde̱no̱ eher Joni 16:33

“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”

Buk wa To̱ni̱a̱u̱ 20:24

Abarik zin anna iróng karik zinin zoz ci atin okko i̱i̱na̱k baiz cinanni, ming kedeca anna li̱ngli̱ngo̱n bali aanya Manyi Ye̱su̱ ke̱, kar kuwahek ol kaviyak cik abunna anyak deten ci Ta̱mu̱ta̱dde̱no̱.

Buk wa To̱ni̱a̱u̱ 21:13

A̱nne̱kke̱t zin Pa̱u̱lo̱ agit ne, “Nyaa niga ming a̱lu̱yyu̱ egerzannu zinin cinanni ko̱? Iróng anna korongi kecebe niko, abarik korongi ka̱da̱k zo̱ze̱ ci Manyi Ye̱su̱ Jerusalema.”

Roma 16:20

A̱du̱l atin Ta̱mu̱ta̱dde̱n wa anyak gano ko̱ Sitan kar korocek nonno lo̱o̱c zone cigunnek. Anyik deten ci Manyitinna Ye̱su̱ ka̱vvu̱ ngatinno̱ng.

1 Ko̱ri̱nto̱ 15:57

Abarik kanycik Ta̱mu̱ta̱dde̱n zany eci aanyyet komiz ngati Manyitinna Ye̱su̱ Ki̱ri̱sto̱.

1 Jon 4:4

Niga dooli cigannik tu̱we̱nta̱, a̱gga̱c e̱e̱ggi̱nnu̱ niga dooli cik Ta̱mu̱ta̱dde̱no̱, ommogtu niga vongizzok eci Vongizi ci A̱li̱le̱ aave ngatinno̱ng ko̱ ommog Sitan ci aave lo̱o̱ta̱ ngatu ko̱.

1 Jon 5:5

I̱llo̱i̱ e̱e̱t imma ci wo̱ye̱ ommog kaal cik gerzek lo̱o̱tu̱ ming iróng enne anyak tu̱we̱ne̱t ci a̱tu̱we̱ enne Ye̱su̱ ci een Ngerrti Ta̱mu̱ta̱dde̱no̱.

O̱no̱zzo̱k 1:2

u̱du̱wa̱ Joni kaal cik icin enne do̱o̱k, zoz ci Ta̱mu̱ta̱dde̱no̱ ki zoz ci obod ki Ye̱su̱ Ki̱ri̱sto̱.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 11:7

Ming e̱de̱cca̱ nege uwai zoz ci Ta̱mu̱ta̱dde̱no̱, iyowa atin e̱le̱gi̱ti̱ ci mooti zaro a̱kku̱ lo̱o̱we̱ neci wu̱u̱ni̱ ke̱ kar atin kakat nogo, okko ommog nogo bak a̱ru̱k ka̱da̱i̱to̱.

O̱no̱zzo̱k 12:17

Omoze zin u̱ggu̱li̱ ci a̱ddi̱ki̱re̱ oroot ngati ngaawo, kar zin kuk akate illa ci oore dooli cik dooli cik ngaa neci, eci nege e̱e̱ggi̱n ol cik o̱ngo̱o̱le̱ lo̱ti̱nno̱k cik Ta̱mu̱ta̱dde̱no̱, kar zin bo̱do̱k ku̱tu̱we̱t zoz ci u̱tu̱gu̱ Ye̱su̱ ki de̱mzi̱ne̱t cinne.

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”

O̱no̱zzo̱k 2:13

Ka̱gga̱ nginti abakku ko̱ een nginti aave alaanzet ci Sitano. Ngen zin niga aalnannu tu̱we̱nta̱ zo̱ze̱ cinanni. Iróng zin niga ungneku tu̱we̱ne̱t cunno̱ng ngatinanni lo̱o̱c, rok i̱i̱te̱n ci ibbace Antipasi zoz cinanni, ming u̱ru̱we̱t ol nonno ka̱da̱k nu̱nu̱n o̱rge̱ cunno̱ng a̱ddi̱ki̱re̱, ngati abahe Sitani.

O̱no̱zzo̱k 2:17

Ming anyak e̱e̱ti̱ imma iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime no̱ngi̱tto̱n, kanyike atin anna nonno da̱i̱ne̱t cik een maana a̱lu̱gnye̱ ko̱. Kanyike atin anna nonno bu̱k biyen cik voorik, anyak zar cik e̱he̱rye̱ biyene ne̱ke̱, a̱gga̱ e̱e̱ti̱ ci a̱gga̱ma̱ ko̱ do̱.

O̱no̱zzo̱k 2:26

Imma e̱e̱ti̱ ci anime no̱ngi̱tto̱n kar ku̱tu̱gu̱ zoz cinanni udut, kanyike atin anna nonno doiz ci abale lo̱o̱cco̱k do̱o̱k.

O̱no̱zzo̱k 2:7

Ming anyak e̱e̱ti̱ iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Kanyik atin anna ol wak anime no̱ngi̱tto̱n kadait o̱ya̱u̱ cik keet ci rugeto, ci aave ta̱mu̱-kenga ki Ta̱mu̱ta̱dde̱n.

O̱no̱zzo̱k 20:4

Kedenya anna leceret cik aavtte ol cik anyonik komizi kar kettedit lo̱ki̱ko̱. Kar anna kicin vongizzok cik ol balik u̱ru̱kte̱ zo̱ze̱ ci edemze nege zoz ci Ye̱su̱ kar bo̱do̱k uwahek ol zoz ci Ta̱mu̱ta̱dde̱no̱. Iróng nege ba̱li̱ye̱ a̱di̱ngdi̱nga̱n e̱le̱gi̱t icima ri̱ri̱to̱n cinne, iróng bo̱do̱k nege anyak baayenit ci aave ngu̱mtti̱nne̱ icima azzine. I̱vi̱tta̱k nege ruget kar kabalit lo̱o̱c ki Ki̱ri̱sto̱ e̱rki̱nya̱ i̱bbo̱ng co̱de̱ (1,000).

O̱no̱zzo̱k 3:12

Imma e̱e̱ti̱ ci anime no̱ngi̱tto̱n, kanyike anna kize lolac Ce̱e̱ze̱ ci Ta̱mu̱ta̱dde̱n cinanni. Iróng atin enne ngen ungnek lo̱o̱c udut. Keherike atin anna nonno zar cik Ta̱mu̱ta̱dde̱n cinanni ki zar cik orog wa a̱ddi̱ki̱re̱ wa Ta̱mu̱ta̱dde̱n cinanni, Jerusalem ci een jor, ci atin a̱kku̱nna̱k lo̱o̱c ta̱mu̱-kenga ngati Ta̱mu̱ta̱dde̱n cinanni; kar anna keteherik nonno zar cigannik een jor ko̱.

O̱no̱zzo̱k 3:21

Imma ngati e̱e̱t ci anime no̱ngi̱tto̱n, kovvo atin anna ki nonno kaavtiya lecere cinanni, ogon ki baling kinima anna no̱ngi̱tto̱n kar ka̱vvu̱ta̱ ki Baba lecere cinne.

O̱no̱zzo̱k 3:5

Ming anime e̱e̱ti̱ imma no̱ngi̱tto̱n ki nege, abunna ming aim ru̱u̱ma̱ni̱ cik voorik. Iróng atin anna kaara zar ciginnek warage ci rugeto, abarik atin ka̱du̱wa̱ zar ciginnek ngati aave Baba ki anjilonya ciginnek do̱o̱k bu̱k.

O̱no̱zzo̱k 6:9

Baling u̱du̱l enne mutulac ci een tu̱r ko̱, kicina i̱te̱le̱ lo̱o̱ta̱ vongizzok cik ol balik u̱ru̱kte̱ ke̱, eci a̱ru̱we̱ zo̱ze̱ ci Ta̱mu̱ta̱dde̱no̱ ki zoz ci ibbac nege.