O̱no̱zzo̱k 12:10 - Tennet

¹⁰ Kar zin anna kizik muluk ci a̱ppwe̱ ta̱mu̱-kenga, azi ne, “I̱yo̱ko̱ i̱ki̱ya̱ ti̱ri̱ze̱ne̱t ki doiz ki ba̱a̱li̱ne̱t ci Ta̱mu̱ta̱dde̱no̱, ki alaanzet ci Ki̱ri̱sto̱ cinne. Eci e̱e̱ti̱ ci ovolonge ol wak a̱tu̱we̱, ci gon ovolonge nogo ngati Ta̱mu̱ta̱dde̱no̱ ba̱a̱li̱n ki wazin ko̱, u̱ju̱ko̱zi̱k lo̱o̱c.

O̱no̱zzo̱k 12:10 ပူးပေါင်းရင်းမြစ်များ

Ma̱te̱yo̱ 26:64

O̱bo̱de̱k zin Ye̱su̱ nonno, a̱nne̱k ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱. Abarik ka̱du̱wa̱kku̱ng, acinnang atin annita Ngerrti E̱e̱to̱ aave a̱tte̱ ci a̱zzo̱ Ta̱mu̱ta̱dde̱no̱, nginti anyak doiz, kar koboda di̱i̱za̱ ta̱mu̱-kenga.”

Ma̱te̱yo̱ 28:18

I̱ki̱ya̱k Ye̱su̱ nogo, kar kize ne, “Aanya Ta̱mu̱ta̱dde̱n komiz do̱o̱k ta̱mu̱-kenga ki lo̱o̱ta̱ ngatu.

Ma̱te̱yo̱ 6:10

Anyik alaanzet cunne ki̱ki̱ya̱k lo̱o̱c, kar ol ki̱li̱ngli̱ngte̱ zoz cunne lo̱o̱co̱we̱ do̱o̱k ki i̱yo̱ko̱ ta̱mu̱-kenga ko̱.

Lu̱ka̱ 11:2

Izek zin enne nogo ne, “Ming alawinu niga, izet ne: “‘Baba, a̱li̱le̱ zara cigunnek, anyik ba̱a̱li̱ne̱t cunne aave ta̱mu̱-kenga ki̱ki̱ya̱k lo̱o̱c.

Lu̱ka̱ 22:31

“Si̱mo̱ne̱, Si̱mo̱ne̱, a̱jji̱nne̱ Sitani kar ketegelung i̱ge̱t kiwagon labina.

1 Ko̱ri̱nto̱ 5:4

Ming arumenu niga zare cik Manyitinna Ye̱su̱, kaave anna bu̱k ki i̱ge̱ta̱ vongiza, kar doizi ci Manyitinna Ye̱su̱, ka̱vvu̱to̱ ngatinna.

2 Ko̱ri̱nto̱ 12:9

Ma̱i̱je̱ enne a̱nne̱ka̱ ne, “Elenonu i̱nna̱ ki deten cinanni do̱ niko. I̱llo̱i̱ gi̱i̱ imma ci orongi i̱nna̱, aanyi komizi cinanni i̱nne̱t doiz ming i̱llo̱i̱ i̱nne̱t komiz.” Kar zin ming aave Ki̱ri̱sto̱ aanya komiz cinne, katalne kodongi ele ming i̱llo̱i̱ annit komiz.

Ti̱to̱ 2:3

Ti̱lo̱ bo̱do̱k ngaai wak a̱ddi̱ki̱re̱ bu̱k kar kabaito baiz wa ngaai cik elemtta Ta̱mu̱ta̱dde̱n. Gerza ming omomot ol volonga, gerza ming een bba̱kco̱k. Abarik abunna ming edemez ol kaal cik abunna.

1 Peturu 5:8

U̱zu̱tte̱ e̱le̱tti̱ ciggo̱k eci lo̱rye̱nti̱ wa een mo̱dde̱ni̱t cunno̱ng e̱re̱ye̱ goola kiwagon maa wa a̱rru̱k ngati orong kar kadaho.

O̱no̱zzo̱k 11:15

Utubu zin anjilo wa een turgerem annu gonoggi ko̱ ture cinne, anyak zin ba̱li̱ye̱ mulukwa cik oroi ta̱mu̱-kenga, azi ne, “Ize i̱yo̱ko̱ alaanzet ci lo̱o̱tu̱ ko̱ alaanzet ci Manyitinna ki Ki̱ri̱sto̱ wainne, kar atin enne kabal lo̱o̱c udut.”

O̱no̱zzo̱k 2:26

Imma e̱e̱ti̱ ci anime no̱ngi̱tto̱n kar ku̱tu̱gu̱ zoz cinanni udut, kanyike atin anna nonno doiz ci abale lo̱o̱cco̱k do̱o̱k.

O̱no̱zzo̱k 7:10

Kar zin kegerenyit mulukwane cik a̱ppi̱nte̱k, azi ne, “A̱kku̱ ti̱ri̱ze̱ne̱t ngati Ta̱mu̱ta̱dde̱n wanna, nonno ci aave lecere ci alaanzetu ta̱mu̱-kenga, kar zin bo̱do̱k ngati Nyoono.”