O̱no̱zzo̱k 11:7 - Tennet

⁷ Ming e̱de̱cca̱ nege uwai zoz ci Ta̱mu̱ta̱dde̱no̱, iyowa atin e̱le̱gi̱ti̱ ci mooti zaro a̱kku̱ lo̱o̱we̱ neci wu̱u̱ni̱ ke̱ kar atin kakat nogo, okko ommog nogo bak a̱ru̱k ka̱da̱i̱to̱.

O̱no̱zzo̱k 11:7 ပူးပေါင်းရင်းမြစ်များ

Lu̱ka̱ 13:32

Abarizek zin enne nogo, “I̱mi̱rrte̱ oot u̱du̱kta̱k i̱re̱r neci, ‘Kottoi anna kuulo cik lo̱rye̱nta̱k kar kangaru ol wazin necu ki loza, kar i̱i̱te̱n ci een i̱i̱yo̱ kuzuca atin anna gi̱i̱ ci korongi ku̱tu̱gu̱.’

Lu̱ka̱ 8:31

Ilalttek zin kuulo ne̱ke̱ Ye̱su̱ gerza ming ottok nogo koot lo̱o̱wa̱.

Kaviyak wak Abunna Ta̱mu̱ta̱dde̱no̱ eher Joni 17:4

Kanyiya zar cigunnek ku̱bu̱lte̱ lo̱o̱ta̱ ngati kedecai li̱ngli̱ngo̱n bali aanya i̱nna̱ ku̱tu̱gu̱ ke̱.

Kaviyak wak Abunna Ta̱mu̱ta̱dde̱no̱ eher Joni 19:30

Baling atar Ye̱su̱ merte neci, ize zin ne, “Edeccai.” Kar zin kuluc oo, uk zin vongizi cinne ngati Ta̱mu̱ta̱dde̱no̱.

Buk wa To̱ni̱a̱u̱ 20:24

Abarik zin anna iróng karik zinin zoz ci atin okko i̱i̱na̱k baiz cinanni, ming kedeca anna li̱ngli̱ngo̱n bali aanya Manyi Ye̱su̱ ke̱, kar kuwahek ol kaviyak cik abunna anyak deten ci Ta̱mu̱ta̱dde̱no̱.

2 Ti̱mo̱te̱yo̱ 4:7

Ku̱tu̱gu̱ gi̱i̱ ci abunna li̱ngli̱ngo̱nte̱ ci Ta̱mu̱ta̱dde̱no̱. Kedeca li̱ngli̱ngo̱n bali orong Ta̱mu̱ta̱dde̱n kar kidimanek nonno lo̱o̱ta̱ ngatu ke̱. Kuzute tu̱we̱ne̱t zo̱ze̱ cinne oroot.

O̱no̱zzo̱k 11:3

Aim atin ol rama wak e̱e̱ggi̱n bbacak cigannik ko̱ ru̱u̱ma̱ni̱ cik zorzorik, kanyike atin anna nogo doiz ci ovvo atin nege uwahek ol kaviyak cigannik gwo̱o̱nya̱ i̱bbo̱ng co̱de̱ ki obet rama ki moten torkonom (1,260).”

O̱no̱zzo̱k 12:17

Omoze zin u̱ggu̱li̱ ci a̱ddi̱ki̱re̱ oroot ngati ngaawo, kar zin kuk akate illa ci oore dooli cik dooli cik ngaa neci, eci nege e̱e̱ggi̱n ol cik o̱ngo̱o̱le̱ lo̱ti̱nno̱k cik Ta̱mu̱ta̱dde̱no̱, kar zin bo̱do̱k ku̱tu̱we̱t zoz ci u̱tu̱gu̱ Ye̱su̱ ki de̱mzi̱ne̱t cinne.

O̱no̱zzo̱k 13:11

Kicina bo̱do̱k anna e̱le̱gi̱t imma ci iyowa lo̱o̱ta̱ todowai. Anyak enne o̱to̱ ram ki i̱yo̱ko̱ mirkic ci ngen ingazi, abarik zin ozoz kiwagon u̱ggu̱li̱ ci a̱ddi̱ki̱re̱.

O̱no̱zzo̱k 13:7

Anyozik nonno doizi ci kar koore ol cik Ta̱mu̱ta̱dde̱no̱ a̱li̱le̱, kar ka̱gga̱m nogo. Anyozik nonno komizi ci abale ol cik lo̱o̱tu̱ do̱o̱k ki wak anyak u̱tu̱ge̱tti̱ cik aavtte do̱ do̱.