O̱no̱zzo̱k 11:3 - Tennet

³ Aim atin ol rama wak e̱e̱ggi̱n bbacak cigannik ko̱ ru̱u̱ma̱ni̱ cik zorzorik, kanyike atin anna nogo doiz ci ovvo atin nege uwahek ol kaviyak cigannik gwo̱o̱nya̱ i̱bbo̱ng co̱de̱ ki obet rama ki moten torkonom (1,260).”

O̱no̱zzo̱k 11:3 ပူးပေါင်းရင်းမြစ်များ

Kananet 37:34

Erec zin Ya̱ko̱bo̱ ru̱u̱ma̱ni̱ ciginnek, kar ki̱ti̱m ru̱u̱ma̱ni̱ cik zorzorik kar ku̱tu̱lu̱ ngerinne i̱i̱nya̱ cik meelek.

Jonah 3:5

Elemtta ol cik Nineveh zoz ci Ta̱mu̱ta̱dde̱no̱. Kar zin ol do̱o̱k ki̱ya̱yo̱, olle cik a̱ddi̱ki̱re̱ rok cikidik kar ki̱ye̱lta̱ gerziten cinne̱ng. I̱ti̱i̱me̱t nege aburkece cik matizak.

Jonah 3:8

Anycik ol cik diirik ki elegje ki̱ti̱me̱t ru̱u̱ma̱ni̱ cik een aburkece. Anycik ol do̱o̱k kilaltek Ta̱mu̱ta̱dde̱n kar bo̱do̱k anycik nogo kibilizet mu̱nye̱n ki gerziten.

Ma̱te̱yo̱ 11:21

“O̱lle̱ cuggo̱k olli Ya̱u̱do̱ o̱rge̱ ci een Korazin ki Betsaida. Ming ogone kaala balik a̱vu̱la̱ o̱rge̱ cunno̱ng ke̱ kize orog ci Tyre ki Sidon wak iróng een Ya̱u̱d, utungtek weda nege ba̱ci̱nno̱k lo̱o̱c kar ki̱ti̱me̱t aburkece, ki̱ye̱lta̱ ming a̱tu̱ nege Ta̱mu̱ta̱dde̱n.

Ma̱te̱yo̱ 18:16

Ma̱i̱je̱ ming iróng enne atin elemi zoz cunne, ming anyak e̱e̱t ci ozoz azi ne u̱tu̱gu̱ e̱e̱ti̱ imma gerzet, orong ming anyak bbacak rama icima i̱i̱yo̱ cik icinnet ba̱ci̱ neci.

Lu̱ka̱ 10:13

“O̱lle̱ bai cunno̱ng olli o̱ro̱gjo̱k cik Korazin ki Betsaida ke̱! Eci wo̱ye̱ da̱ ming ku̱tu̱gu̱zze̱ kaala cik a̱vu̱la̱ ngatinno̱ng ogone o̱ro̱gjo̱we̱ cik Tyre ki Sidon, uturtta weda nege mu̱nye̱n cigge̱k bali reena, kar kuburucet ru̱u̱ma̱ni̱ cik zorzorik kar kaamtek bbu̱u̱r o̱o̱tti̱.

Lu̱ka̱ 24:48

E̱e̱ggi̱nnu̱ niga bbacak cik kaal ne̱ko̱.

Kaviyak wak Abunna Ta̱mu̱ta̱dde̱no̱ eher Joni 15:27

Ibbacit niga bu̱k zoz cinanni eci karumzene naga nginti bali meer ka̱kku̱ne̱ ke̱.”

Kaviyak wak Abunna Ta̱mu̱ta̱dde̱no̱ eher Joni 3:27

O̱bo̱de̱k zin Joni nogo, a̱nne̱k ne, “Iróng e̱e̱ti̱ ci diiri anyak gi̱i̱ imma, amuda gi̱i̱ necu do̱ ta̱mu̱-kenga.”

Buk wa To̱ni̱a̱u̱ 1:8

Abarik atin niga arubannu komiz ming i̱ki̱ya̱u̱ng Vongizi ci A̱li̱le̱ i̱ge̱ta̱; kar atin niga izet bbacak cigannik Jerusalema, ki lo̱o̱ce̱ ci Ju̱de̱ya̱ ki Samariya do̱o̱k zee rok nginti aṯurneke looci.”

Buk wa To̱ni̱a̱u̱ 13:31

imma i̱i̱nya̱ cik meelek i̱ye̱le̱k enne ele cinne ol balik orkor ki nonno lo̱o̱ce̱ ci Ga̱li̱li̱ rok Jerusalem. E̱e̱ggi̱n zin i̱yo̱ko̱ ol ne̱ko̱ bbacak cik ol cigga̱c.

Buk wa To̱ni̱a̱u̱ 2:32

Itingawe zin Ta̱mu̱ta̱dde̱n Ye̱su̱ daiza de̱de̱. I̱yo̱ko̱ zin naga do̱o̱k kizetta bbacak zo̱ze̱ necu.

Buk wa To̱ni̱a̱u̱ 3:15

U̱ru̱kttu̱ abarik e̱e̱t wa aanyik ol ruget ka̱da̱k, ma̱i̱je̱ Ta̱mu̱ta̱dde̱n itingawe nonno daiza, ke̱e̱ggi̱nna̱ zin bbacak bu̱k zo̱ze̱ necu.

1 Ko̱ri̱nto̱ 12:28

Kar zin ke̱le̱ci̱a̱, atahala arrak Ta̱mu̱ta̱dde̱n to̱ni̱a̱k, ol wak a̱li̱ngli̱ng zoz cinne, kar bo̱do̱k katahala a̱ri̱tto̱k cik zoz cinne, kar bo̱do̱k katahala de̱me̱zzo̱k wak edemez zoz cinne, kar bo̱do̱k katahala ol wak ogon kaal cik a̱vu̱la̱, ki ol wak anyak arizet ci alaweke Ta̱mu̱ta̱dde̱n ol wak omori ki̱zzi̱ morizi to, ki ol wak i̱i̱rke̱ eela ol kaale, ki ol wak anyak arizet ci abale ol, ki ol wak anyak arizet ci a̱gga̱we̱ u̱tu̱ge̱tti̱ cik aavtte do̱ do̱.

2 Ko̱ri̱nto̱ 13:1

Bali arrak ki̱vo̱nnu̱ng lak rama, i̱yo̱ko̱ korongi ki̱vo̱nnu̱ng bo̱do̱k. Ki ming azi zoz ci Ta̱mu̱ta̱dde̱no̱ ne, “Ming anyak e̱e̱t ci ozoz azi ne u̱tu̱gu̱ e̱e̱ti̱ imma gerzet, orong ming anyak bbacak rama icima i̱i̱yo̱ cik icinnet ba̱ci̱ neci.”

Evesos 4:11

Ki̱ri̱sto̱ zin nenen ci aanyik ol u̱gge̱ kizeto to̱ni̱a̱k, ovvo uggak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱, ovvo uggak e̱e̱ggi̱n ol wak eron ovvo uwahek ol kaviyak cik Ta̱mu̱ta̱dde̱no̱ i̱do̱ngi̱ne̱, ovvo uggak e̱e̱ggi̱n tuwayok cik zoz ci Ta̱mu̱ta̱dde̱no̱ ki de̱me̱zzo̱k,

O̱no̱zzo̱k 1:5

kar bo̱do̱k ngati Ye̱su̱ Ki̱ri̱sto̱ kize bbacait wa abunna, wa een a̱bu̱ ci ingazi daiza oowa, kar bo̱do̱k kize Alaan ci alaat cik lo̱o̱tu̱ do̱o̱k. Irezet Ye̱su̱ Ki̱ri̱sto̱ kar zin kaara mu̱nye̱n cigga̱c bi̱ye̱te̱ ciginnek,

O̱no̱zzo̱k 11:2

Ma i̱ya̱bi̱ a̱lu̱wa̱ ci Ce̱e̱z wa Ta̱mu̱ta̱dde̱no̱ eci re̱e̱nu̱no̱, eci anyozik o̱to̱ni̱ neci ol wak iróng e̱e̱ggi̱n Ya̱u̱d. U̱la̱l atin nege Jerusalem ci a̱li̱le̱ ngati abale orog neci nyelowi moten we̱c ki rama.

O̱no̱zzo̱k 11:6

Aanyik Ta̱mu̱ta̱dde̱n nogo komiz ci anyuge nege ta̱mu̱-keng kar ta̱mu̱ iróng aṯile i̱i̱te̱ne̱ ci uwahek nege ol zoz ci Ta̱mu̱ta̱dde̱no̱; anyak bo̱do̱k nege doiz ci uhu maam kizeto bi̱ye̱, kar kanyaktak lo̱o̱c zerenin cik aavtte do̱ do̱ ming orong nege.

O̱no̱zzo̱k 12:6

I̱vi̱r zin ngaa neci uk balala nginti adimanek nonno Ta̱mu̱ta̱dde̱n, kar atin kuzute nonno nginati gwo̱o̱nya̱ i̱bbo̱ng co̱de̱ ki obet rama ki moten torkonom (1,260).

O̱no̱zzo̱k 13:5

Anyozik e̱le̱gi̱ti̱ gool ci kar kodonge ele kozoz kar kodom zar cik Ta̱mu̱ta̱dde̱no̱, kar kabal lo̱o̱c nyelowi moten we̱c ki rama.

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”

O̱no̱zzo̱k 20:4

Kedenya anna leceret cik aavtte ol cik anyonik komizi kar kettedit lo̱ki̱ko̱. Kar anna kicin vongizzok cik ol balik u̱ru̱kte̱ zo̱ze̱ ci edemze nege zoz ci Ye̱su̱ kar bo̱do̱k uwahek ol zoz ci Ta̱mu̱ta̱dde̱no̱. Iróng nege ba̱li̱ye̱ a̱di̱ngdi̱nga̱n e̱le̱gi̱t icima ri̱ri̱to̱n cinne, iróng bo̱do̱k nege anyak baayenit ci aave ngu̱mtti̱nne̱ icima azzine. I̱vi̱tta̱k nege ruget kar kabalit lo̱o̱c ki Ki̱ri̱sto̱ e̱rki̱nya̱ i̱bbo̱ng co̱de̱ (1,000).