O̱no̱zzo̱k 11:18 - Tennet

¹⁸ O̱mo̱zze̱ ol lo̱o̱co̱we̱ do̱o̱k; abarik i̱yo̱ko̱ i̱ki̱ya̱ mozinet cunne. I̱ki̱ya̱ i̱i̱te̱ni̱ ci ettedonik lo̱ki̱ko̱ ol balik a̱da̱i̱to̱, ki mucenet du̱cca̱k cigunnek ki a̱ri̱tto̱k cik zoz ci Ta̱mu̱ta̱dde̱no̱ ki ol cigunnek a̱li̱le̱ ki ol wak o̱ngo̱o̱le̱ zar cigunnek, ol cikidik ki ol wak a̱ddi̱ki̱re̱, kar atin Ta̱mu̱ta̱dde̱n kedez ol cik egerzanit lo̱o̱c.”

O̱no̱zzo̱k 11:18 ပူးပေါင်းရင်းမြစ်များ

Ma̱te̱yo̱ 5:12

Ataltto, eci atin Ta̱mu̱ta̱dde̱n amuccu̱ng i̱ge̱t ta̱mu̱-kenga, ogon ki bali ming a̱gi̱d ol a̱ri̱tto̱k balik a̱vvu̱ o̱o̱we̱ cunno̱ng ke̱.

Lu̱ka̱ 1:50

Okko deteni cinne rok ol wak o̱ngo̱o̱le̱ nonno, bu̱u̱llo̱k ki bu̱u̱llo̱k.

I̱bu̱ru̱ 9:27

Izikto da̱ ju̱rru̱m, ogon zin zoz necu ki ming a̱da̱i̱ e̱e̱ti̱ ci diiri arrak, kar vu̱rrta̱ Ta̱mu̱ta̱dde̱n ketted lo̱ki̱ko̱ kaale wak gerzek u̱tu̱gu̱ enne.

O̱no̱zzo̱k 10:7

Ma̱i̱je̱ i̱i̱te̱n ci okko anjilo ci een turgerem ko̱ abu ture cinne, okko atin Ta̱mu̱ta̱dde̱n a̱du̱wa̱k zoz cinne a̱lu̱gnye̱ ko̱ du̱cca̱k waginnek een a̱ri̱tto̱k.”

O̱no̱zzo̱k 11:2

Ma i̱ya̱bi̱ a̱lu̱wa̱ ci Ce̱e̱z wa Ta̱mu̱ta̱dde̱no̱ eci re̱e̱nu̱no̱, eci anyozik o̱to̱ni̱ neci ol wak iróng e̱e̱ggi̱n Ya̱u̱d. U̱la̱l atin nege Jerusalem ci a̱li̱le̱ ngati abale orog neci nyelowi moten we̱c ki rama.

O̱no̱zzo̱k 13:10

Ming anyozik e̱e̱ti̱ imma kar atin ka̱gga̱me̱ illawa, okko atin enne a̱gga̱mnye̱ de̱de̱. Ming u̱du̱ya̱i̱ zoz ci e̱e̱to̱ okko enne a̱ru̱we̱ nya̱tu̱ba̱ta̱ ka̱da̱k, a̱ru̱we̱ atin enne nya̱tu̱ba̱ta̱ de̱de̱. Azi zoz necu ne, anyik ol wak Ta̱mu̱ta̱dde̱no̱ a̱li̱le̱ kinimet zo̱zzo̱k kanyait zi̱nze̱tti̱ cik alali.

O̱no̱zzo̱k 13:16

Adangek zin enne bo̱do̱k ol do̱o̱k, cik kidik ki cik a̱ddi̱ki̱re̱, i̱to̱i̱t ki ngaalamit, du̱cca̱k ki cik iróng een du̱cca̱k abunna ming anyak baayenit a̱tte̱ ci a̱zzo̱ icima ngu̱ma̱,

O̱no̱zzo̱k 14:10

okko atin enne bu̱k aud merte ci atin aanyik Ta̱mu̱ta̱dde̱n komoze. A̱ddu̱to̱ni̱k merte neci uduc cinne mozinto kibbit ṯoc. Apirna atin enne oroot gwo̱o̱ya̱ kicinnet anjilonya cik a̱li̱le̱ ki Nyoon.

O̱no̱zzo̱k 15:1

Kicina zin bo̱do̱k anna ta̱mu̱-kenga anyak baayenit imma ci a̱ddi̱ki̱re̱ oroot aanya ki̱vi̱re̱t bi̱ye̱ta̱: anjilonya turgerem anyaha zerenin turgerem cik vu̱rrta̱k, eci zo̱ze̱ necu uk zin mozinet ci Ta̱mu̱ta̱dde̱no̱ edeccai.

O̱no̱zzo̱k 15:7

Anyak gi̱i̱ co̱de̱ kaale cik e̱e̱ggi̱n we̱c aruge ko̱ ngatinne̱ng, aanyik anjilonya cik e̱e̱ggi̱n turgerem ko̱ uduce turgerem cik e̱e̱ggi̱n dhahab, abbize mozinet ci Ta̱mu̱ta̱dde̱no̱. Abak atin Ta̱mu̱ta̱dde̱n udut.

O̱no̱zzo̱k 18:6

U̱tu̱gu̱zze̱k niga bu̱k ngaa neci gi̱i̱ ci u̱tu̱gu̱we̱k enne ol; Acaca kaal cik gerzek balik ogonekku̱ng enne i̱ge̱ta̱. Kar edezit nonno, aanycik nonno kuud lak rama kaal cik u̱tu̱gu̱we̱u̱ng enne i̱ge̱ta̱.

O̱no̱zzo̱k 19:15

Iyowa utuge cinne nya̱tu̱ba̱t ci lehedi kar ku̱ru̱we̱ enne ol cik lo̱o̱tu̱ veelek. “Abal atin enne nogo coole ci alaanzetu ci een zi̱i̱t.” Kar enne koroc ngin wagon amacane merte kar ki̱ye̱la̱ mozinet ci Ta̱mu̱ta̱dde̱no̱ wa A̱ddi̱ki̱re̱ anyak Komiz do̱o̱k.

O̱no̱zzo̱k 19:18

kar atin adait e̱le̱tti̱ cik alaatu, lo̱ddi̱ki̱re̱ cik aciiru ki ol cik okkomi, ki vartange ki ol wak ottod nogo ko̱, ki e̱le̱tti̱ cik ollu do̱o̱k, ma̱ci̱gi̱ ce̱e̱zi̱ ki du̱cca̱k, cikidik ki cik a̱ddi̱ki̱re̱.”

O̱no̱zzo̱k 19:5

I̱ki̱ya̱ zin mului lecere ci alaano, azi ne: “Kinnatit Ta̱mu̱ta̱dde̱n wanna, niga du̱cca̱ha̱ ciginnek do̱o̱k, niga ol wak o̱ngo̱o̱li̱nnu̱ nonno, ol cikidik ki ol wak a̱ddi̱ki̱re̱!”

O̱no̱zzo̱k 20:12

Kar zin anna kicin ol wak a̱da̱i̱to̱, cik a̱ddi̱ki̱re̱ ki cik kidik bu̱k, abile nege o̱o̱we̱ ci lecero, o̱o̱ye̱ zin buwani. Oowe zin bui imma, een neci buk ci rugeto. Ettedozik lo̱ki̱ko̱ ol wak a̱da̱i̱to̱ go̱o̱le̱ bali ogone nege kaal ki ming e̱he̱rye̱ buwanine.

O̱no̱zzo̱k 20:15

Ming iróng zara cik e̱e̱t imma e̱he̱rye̱ buwe ci rugeto, u̱ju̱ko̱zi̱k enne kuk gwo̱o̱ye̱ ci apadpadi oroot ke̱.

O̱no̱zzo̱k 22:12

A̱nne̱ka̱ zin bo̱do̱k Ye̱su̱ ne, “Aarta da̱ iin ju̱rru̱m, kokko anna ka̱kku̱ni̱ ataman! Kanyai anna muci cinanni, kanyike atin anna e̱e̱t imma go̱o̱le̱ ci u̱tu̱gu̱we̱ enne kaal baize cinne.