O̱no̱zzo̱k 11:17 - Tennet

¹⁷ Azi nege ne: “Kanyikka zany i̱nne̱ta̱ Manyi Ta̱mu̱ta̱dde̱n wa anyak Komiz do̱o̱k, i̱nne̱t ci aave i̱yo̱ko̱ kar a̱vvu̱ bu̱k ba̱li̱ye̱, eci i̱nna̱ i̱ye̱la̱ doiz cunne a̱ddi̱ki̱re̱ kar kate ba̱a̱li̱ne̱t cunne.

O̱no̱zzo̱k 11:17 ပူးပေါင်းရင်းမြစ်များ

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Ma̱te̱yo̱ 11:25

Imma i̱i̱te̱ne̱ neci, ize Ye̱su̱ ne, “Baba ye̱i̱, Manyi ta̱mu̱-keng ki lo̱o̱c, kinnatin, eci i̱nna̱ iróng i̱ye̱le̱k kaviyak cigunnek ol wak egenyi ki ol wak a̱gga̱ te̱he̱ri̱ne̱t, i̱ye̱le̱k abarik ol wak een ngantulo kiwagon dooli kidik.

Lu̱ka̱ 10:21

Imma i̱i̱te̱n neci, anyak da̱ Ye̱su̱ talninet go̱o̱le̱ ci Vongiz ci A̱li̱le̱, kar kize ne, “Kinnatin, Baba, Manyi ta̱mu̱-keng ki lo̱o̱c, eci i̱nna̱ u̱lu̱gu̱nyu̱ kaal ciko ngati ol cik igenyi ki ol wak a̱gga̱ te̱he̱ri̱ne̱t, kar zin i̱nna̱ ye̱le̱k nogo dooli wak kidik. De̱de̱, Baba een necu gool ci abunna atalnine i̱nna̱.

Kaviyak wak Abunna Ta̱mu̱ta̱dde̱no̱ eher Joni 11:41

I̱pi̱ktta̱ zin ol bee neci ngi̱lo̱ma̱ utuga ke̱, icin zin Ye̱su̱ ta̱mu̱-keng, kar zin kize ne, “Baba kaanyi zany, iziyu i̱nna̱ zoz cinanni.

2 Ko̱ri̱nto̱ 2:14

Ming ngen ku̱du̱wa̱ zoz imma bo̱do̱k, korongi ku̱du̱wa̱u̱ng, katalne ngati Ta̱mu̱ta̱dde̱no̱ kanyike zany zo̱ze̱ ci ogon enne ko̱. Anyike ol wak a̱li̱ngli̱ng ki nonno komiz ci ommoge lo̱rye̱ni̱t, eci naga karume ki Ki̱ri̱sto̱. Kar kaanyyet ke̱de̱me̱zi̱t ol zoz cinne wa ongooli laala.

2 Ko̱ri̱nto̱ 9:15

Kanyikka Ta̱mu̱ta̱dde̱n zany eci enne i̱tto̱na̱i̱t muci ci a̱zi̱ze̱ oroot, iróng wo̱ye̱ kozozi.

1 Ti̱mo̱te̱yo̱ 1:12

Kanyik zin anna zany Manyitinna Ye̱su̱ Ki̱ri̱sto̱. Kanyik bo̱do̱k zany ngati a̱gga̱we̱ zinin cinanni ming karike nonno. Kar zin a̱gga̱ya̱ annit ke̱e̱ni̱ e̱e̱t ci kabunna kar kaanya komiz ci ka̱li̱ngli̱nge̱ li̱ngli̱ngo̱n wainne.

O̱no̱zzo̱k 1:4

Annita Jon ci keheri waraga necu, ki̱tto̱ni̱kku̱ng i̱ge̱t ke̱le̱ci̱a̱nya̱i̱ cik e̱e̱ggi̱n turgerem lo̱o̱ce̱ ci een Asia. Anyik deten ki gano ngati Manyi ci aave ba̱li̱ye̱ kar bo̱do̱k i̱yo̱ko̱ kar bo̱do̱k atin okko a̱kku̱, ngati aavtte vongizzowa cik e̱e̱ggi̱n turgerem ngu̱me̱ ci lecer cinne,

O̱no̱zzo̱k 1:8

Azi Manyi Ta̱mu̱ta̱dde̱n ne, “Ke̱e̱ni̱ anna Kananet ki Ṯurnenet, annit ci kaave i̱yo̱ko̱, annit ci kaave ba̱li̱ye̱, annit ci atin kokko ka̱kku̱ni̱, annit ci ke̱e̱ni̱ Ta̱mu̱ta̱dde̱n ci kanyai Komiz do̱o̱k.”

O̱no̱zzo̱k 11:15

Utubu zin anjilo wa een turgerem annu gonoggi ko̱ ture cinne, anyak zin ba̱li̱ye̱ mulukwa cik oroi ta̱mu̱-kenga, azi ne, “Ize i̱yo̱ko̱ alaanzet ci lo̱o̱tu̱ ko̱ alaanzet ci Manyitinna ki Ki̱ri̱sto̱ wainne, kar atin enne kabal lo̱o̱c udut.”

O̱no̱zzo̱k 15:3

kar zin ke̱be̱ni̱t lo̱ng ci Musesi du̱ca̱i̱t ci Ta̱mu̱ta̱dde̱no̱ ki lo̱ng ci Nyoono. Azi ne, “A̱ddi̱ki̱re̱ kar ki̱zi̱ze̱c kaala cigunnek do̱o̱k oroot, Manyi Ta̱mu̱ta̱dde̱n wa anyak Komiz do̱o̱k, een bunnati ki zoz ci een de̱de̱ kaal cigunnek ogoni i̱nna̱, Alaan ci lo̱o̱cco̱k do̱o̱k.

O̱no̱zzo̱k 16:14

E̱e̱ggi̱n ne̱ko̱ kuulo cik lo̱rye̱nta̱k ogon kaal cik a̱vu̱la̱, kar zin koot reena ngati alaat cik lo̱o̱tu̱ do̱o̱k, kar kuluta nogo koot koorit illa i̱i̱te̱ne̱ ci a̱ddi̱ki̱re̱ Ta̱mu̱ta̱dde̱no̱ wa anyak Komiz do̱o̱k.

O̱no̱zzo̱k 16:5

Kiziya zin anna anjilo wa abal maam ming azi ne, “Ettedi i̱nna̱ lo̱ki̱ko̱ cigunnek ju̱rru̱m, e̱e̱ni̱ i̱nna̱ wa A̱li̱le̱ O̱de̱ Ṯok, aave i̱nna̱ odohize, ilemi i̱nna̱ ming ettedi lo̱ki̱ko̱ go̱o̱le̱ necu ko̱;

O̱no̱zzo̱k 16:7

Kar zin anna kizik muluk ci iyowa i̱te̱la̱ ming abariz zoz neci: “I̱i̱ny, Manyi, Ta̱mu̱ta̱dde̱n ci anyak Komiz do̱o̱k, een lo̱ki̱ko̱ cunne de̱de̱, ettedi i̱nna̱ zoz ju̱rru̱m.”

O̱no̱zzo̱k 18:8

I̱yo̱ko̱ zin, okko atin i̱i̱te̱n co̱de̱ zerenina ommog nonno: daiz ki u̱lu̱wa̱ ki magiz. Adak atin gwa̱a̱ nonno ne lai, eci Manyi Ta̱mu̱ta̱dde̱n ci etteddek nonno lo̱ki̱ko̱ ko̱ ci anyak doiz.

O̱no̱zzo̱k 19:11

Kedenya anna ta̱mu̱-keng ming o̱o̱ye̱, kar zin anna kicin vartangec ci voori, imma E̱e̱ti̱ ci ottod vartangec ko̱ een e̱e̱t ci abunna kar kize de̱de̱. Etted enne lo̱ki̱ko̱ cinne ju̱rru̱m kar kuk illa.

O̱no̱zzo̱k 19:6

Kar zin anna kizik mulukwa cik ogon ki ol cik meelek giir, oroi kiwagon maama cik a̱ri̱i̱, a̱ju̱l kiwagon borowoci: “Kinnatit Ta̱mu̱ta̱dde̱n! Eci Manyitinna Ta̱mu̱ta̱dde̱n wa anyak Komiz do̱o̱k ci abal lo̱o̱c.