O̱no̱zzo̱k 10:1 - Tennet

¹ Kicina zin bo̱do̱k anjilo imma ci okkomi a̱kku̱ ta̱mu̱-kenga a̱kku̱nna̱k lo̱o̱c. A̱bu̱ng di̱i̱z ele cinne do̱o̱k ki mauli ci aave oowe cinne ta̱dde̱na̱, ogon ngu̱m cinne kiwagon i̱i̱, ovvo zoona alanyit kiwagon a̱ha̱tti̱ cik gwo̱o̱ya̱k.

O̱no̱zzo̱k 10:1 ပူးပေါင်းရင်းမြစ်များ

Lu̱ge̱z 16:10

Baling ngen Aaroni ozozik zu̱we̱ ci Israilo do̱o̱k, egelemit zin nege o̱to̱n ci balalo, kar zin nginati i̱ye̱la̱i̱ di̱ngdi̱ngo̱ni̱ ci Manyi di̱i̱zo̱ca̱.

Ma̱te̱yo̱ 17:2

Utuhuwe zin ngu̱m cinne ngati acine nege do̱o̱k. Atalany ngu̱m cinne kiwagon koor, izeto ru̱u̱ma̱ni̱ ciginnek voore ne per kiwagon borowoci ci abadi.

Lu̱ka̱ 21:27

Imma i̱i̱te̱ne̱ neci ovvo atin nege acin Ngerrti E̱e̱to̱ a̱kku̱ di̱i̱za̱ ta̱mu̱-kenga komiza ki di̱ngdi̱ngo̱nte̱ ci a̱ddi̱ki̱re̱.

Buk wa To̱ni̱a̱u̱ 26:13

Ma̱i̱je̱ ngati okko ki yo̱mo̱n, Oh alaan, bali kaave goola, kicina tukulec ta̱mu̱-kenga, voora kommog i̱i̱, kedenya tukulec ci ataran ebere cigannik ki ol balik korkorya ke̱ bu̱k.

O̱no̱zzo̱k 1:7

Icinnet, orkora enne ki di̱i̱z, kar ebere do̱o̱k kicinnet atin nonno, acin rok ol balik akati nonno; anyak atin olli lo̱o̱tu̱ do̱o̱k u̱lu̱wa̱ zo̱ze̱ cinne. De̱de̱, ogone atin! Amen.

O̱no̱zzo̱k 18:1

Imma bali vu̱rrta̱ kicina anjilo imma ming a̱kku̱ ta̱mu̱-kenga. Anyak enne doiz ci a̱ddi̱ki̱re̱, kar zin looci katarane di̱ngdi̱ngo̱ne̱ cinne.

O̱no̱zzo̱k 18:21

Idima zin anjilo ci okkomi Ta̱mu̱ta̱dde̱no̱ ubunge ci a̱ddi̱ki̱re̱ kar ku̱ju̱ke̱k nyatapar ci a̱ddi̱ki̱re̱, kar kize ne: “Imma zo̱ze̱ ci jooro ko̱, a̱ju̱ko̱ni̱k atin orogi ci a̱ddi̱ki̱re̱ Babiloni ko̱ lo̱o̱c, iróng atin arubjai udut.

O̱no̱zzo̱k 20:1

Kicina anjilo ci Ta̱mu̱ta̱dde̱no̱ ming aluccai ta̱mu̱-kenga. Anyak jooro cik oowe enne lo̱o̱k neci wu̱u̱ni̱ ke̱ kar zin kanyak a̱tta̱ diditac ci a̱ddi̱ki̱re̱.

O̱no̱zzo̱k 4:3

Kar E̱e̱ti̱ ci aave lecere neci ogon ele cinne kiwagon biyena cik culaik ki cik ma̱ri̱k teed. Ogon kiwagon mauli ci anyak guulnya cik aavtte do̱ do̱, aburuk lecer neci ne riu.

O̱no̱zzo̱k 5:2

Kar kicin anjilo ci a̱ddi̱ki̱re̱ Ta̱mu̱ta̱dde̱no̱ uwak muluwe ci a̱ppwe̱ azi ne, “Ngene ci wo̱ye̱ abunna kar ku̱du̱l mutulac kar koo waraga?”

O̱no̱zzo̱k 8:13

Kicina zin anna o̱no̱zo̱we̱, kiziya zin anna u̱du̱va̱ni̱t ci a̱ku̱l ta̱dde̱na̱ awe muluwe ci a̱ppwe̱, ize ne, “Izeto nonga o̱lle̱, izeto nonga o̱lle̱! Izeto nonga o̱lle̱ ngati olli lo̱o̱tu̱, eci ovvo anjilonya cik e̱e̱ggi̱n i̱i̱yo̱ ko̱ ovvo abu turet cigge̱k.”