O̱no̱zzo̱k 1:9 - Tennet

⁹ Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 1:9 ပူးပေါင်းရင်းမြစ်များ

Ma̱te̱yo̱ 20:23

U̱du̱wa̱k zin Ye̱su̱ nogo, “Inimet de̱de̱ ki i̱yo̱ko̱ anna ming kanimi ko̱. Ma̱i̱je̱ zoz ci okko e̱e̱ti̱ imma ngatinno̱ng aave angeta icima a̱zza̱, iróng een annit ci ka̱du̱wa̱. Baba ci adiman zoz necu do̱o̱k.”

Marko 10:39

Kar zin nege ko̱bo̱dde̱k kizeto ne, “Kuula naga,” Izek zin Ye̱su̱ nogo ne, “Audenu atin niga uduce ci kaudene anna, ovvo bo̱do̱k a̱gga̱mnyu̱ ba̱ti̱ti̱mo̱ bali ka̱gga̱ma̱ anna ke̱,

Kaviyak wak Abunna Ta̱mu̱ta̱dde̱no̱ eher Joni 16:33

“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”

Buk wa To̱ni̱a̱u̱ 1:15

Imma bali i̱i̱nya̱we̱ ne̱ke̱, itinga Peturu je̱e̱na̱ orgene ci ol cik a̱tu̱we̱ ko̱. E̱e̱ggi̱n nege o̱bo̱n co̱de̱ ki moten rama (120).

Buk wa To̱ni̱a̱u̱ 14:22

edemez nuyak kar bo̱do̱k ku̱du̱kta̱k nogo kokkomit kak tu̱we̱nte̱ cinne̱ng. A̱nne̱k nege nuyak ne, “Abunna la̱du̱n ming kamuda pirnanet ci a̱ppwe̱ kar ki̱tto̱z ba̱a̱li̱ne̱t ci Ta̱mu̱ta̱dde̱no̱.”

Roma 8:17

A̱du̱wa̱kke̱t Vongizi cinne zoz bak ka̱gga̱ naga ki Ye̱su̱ Ki̱ri̱sto̱, aanyyet atin Ta̱mu̱ta̱dde̱n zoz ci u̱du̱wa̱ enne, kozol atin naga di̱ngdi̱ngo̱n ci Ye̱su̱, ming kipirta naga ki nonno.

Roma 8:25

I̱yo̱ko̱ zin, ming karikka naga zi̱nze̱tti̱ kaal cik ngen naga kicinnet, kere zin zi̱nze̱tti̱nne̱ cik alali.

2 Ko̱ri̱nto̱ 1:7

Karikku̱ng naga i̱ge̱t zi̱nze̱tti̱ cigga̱k oroot, eci ka̱gga̱ naga ozolu niga piryanzet cinna, kar zin bo̱do̱k ozolu talninet cinna.

Vilipia 1:7

Aavtiyyu niga odohize zinine cinanni, kirezung anna i̱ge̱t oroot, abunna zin ming kabai anna go̱o̱le̱ necu ngatinno̱ng. Ming kaave ngati kapirnane lagama ko̱ icima kuwahek ol kaviyak cik abunna, eeltau niga do̱o̱k li̱ngli̱ngo̱n ci kozol naga ki i̱ge̱t deten ci Ta̱mu̱ta̱dde̱no̱ ki annit bu̱k.

Vilipia 4:14

Abarik niga u̱tu̱gu̱zzu̱ zoz ci abunna eci ozoltu pirnanet cinanni.

2 Te̱se̱lo̱ni̱ka̱ 3:5

Kala Manyi ka̱a̱nyu̱ng kar a̱gga̱c rezinet ol ki Ta̱mu̱ta̱dde̱n, kar zin bo̱do̱k kalaltung zi̱nze̱tti̱ ki nimenet zoz ci Ki̱ri̱sto̱.

2 Ti̱mo̱te̱yo̱ 1:8

Ma zin anyike a̱li̱ya̱n kadayin ngati uwaheke ol zoz ci Manyi, icima a̱gga̱mnyi̱ a̱li̱ya̱ni̱ ngatinanni bali kecebine anna zo̱ze̱ cinne. Abarik nyak komiz ci aanyi Ta̱mu̱ta̱dde̱n ko̱, kar i̱jja̱ kipirta nga̱to̱de̱ ngati kuwahek ol kaviyak cik abunna.

I̱bu̱ru̱ 10:36

Abunna ming Animnyu no̱ngi̱tto̱n, kar u̱tu̱gu̱z kaal cik orong Ta̱mu̱ta̱dde̱n. Kar atin urubta kaal balik u̱du̱wa̱ enne ke̱.

1 Peturu 5:1

Niga ddi̱ki̱rze̱t ci ke̱le̱ci̱o̱, ki ming karume anna ki i̱ge̱t ko̱, kilalekkung ke̱e̱ni̱ bbacait ci Ki̱ri̱sto̱ wa bali a̱gi̱d ol lo̱o̱ta̱ ngatu ke̱ ka̱da̱k, kokko atin anna kozola imma nonno di̱ngdi̱ngo̱n ci okko atin i̱ye̱la̱i̱ ke̱.

O̱no̱zzo̱k 1:1

Een zoz ci Ye̱su̱ Ki̱ri̱sto̱ a̱lu̱gnye̱ ko̱ ci aanyik Ta̱mu̱ta̱dde̱n nonno kar ki̱ye̱le̱k du̱cca̱k ciginnek ka̱gga̱c kaal cik atin ovvo ogone. I̱ye̱la̱ enne zo̱zzo̱k ne̱ko̱ go̱o̱le̱ ci i̱tto̱na̱k enne anjilo Jon wa een du̱ca̱i̱t cinne ko̱,

O̱no̱zzo̱k 1:2

u̱du̱wa̱ Joni kaal cik icin enne do̱o̱k, zoz ci Ta̱mu̱ta̱dde̱no̱ ki zoz ci obod ki Ye̱su̱ Ki̱ri̱sto̱.

O̱no̱zzo̱k 1:4

Annita Jon ci keheri waraga necu, ki̱tto̱ni̱kku̱ng i̱ge̱t ke̱le̱ci̱a̱nya̱i̱ cik e̱e̱ggi̱n turgerem lo̱o̱ce̱ ci een Asia. Anyik deten ki gano ngati Manyi ci aave ba̱li̱ye̱ kar bo̱do̱k i̱yo̱ko̱ kar bo̱do̱k atin okko a̱kku̱, ngati aavtte vongizzowa cik e̱e̱ggi̱n turgerem ngu̱me̱ ci lecer cinne,

O̱no̱zzo̱k 1:6

kar kaanyyet kizet alaat ki olli wawaco abunna ka̱li̱ngli̱nge̱k Ta̱mu̱ta̱dde̱n Baatinne. Anyak Ye̱su̱ Ki̱ri̱sto̱ di̱ngdi̱ngo̱n ki doiz ci aave udut! Amen.

O̱no̱zzo̱k 11:7

Ming e̱de̱cca̱ nege uwai zoz ci Ta̱mu̱ta̱dde̱no̱, iyowa atin e̱le̱gi̱ti̱ ci mooti zaro a̱kku̱ lo̱o̱we̱ neci wu̱u̱ni̱ ke̱ kar atin kakat nogo, okko ommog nogo bak a̱ru̱k ka̱da̱i̱to̱.

O̱no̱zzo̱k 12:11

Ommogit nege lo̱rye̱ni̱t bi̱ye̱te̱ cik Nyoono ki zo̱ze̱ ci a̱du̱wa̱ nege; iróng nege irez e̱le̱tti̱ cigge̱k oroot abarik iróng ngen o̱ngo̱o̱le̱ daiz.

O̱no̱zzo̱k 12:17

Omoze zin u̱ggu̱li̱ ci a̱ddi̱ki̱re̱ oroot ngati ngaawo, kar zin kuk akate illa ci oore dooli cik dooli cik ngaa neci, eci nege e̱e̱ggi̱n ol cik o̱ngo̱o̱le̱ lo̱ti̱nno̱k cik Ta̱mu̱ta̱dde̱no̱, kar zin bo̱do̱k ku̱tu̱we̱t zoz ci u̱tu̱gu̱ Ye̱su̱ ki de̱mzi̱ne̱t cinne.

O̱no̱zzo̱k 13:10

Ming anyozik e̱e̱ti̱ imma kar atin ka̱gga̱me̱ illawa, okko atin enne a̱gga̱mnye̱ de̱de̱. Ming u̱du̱ya̱i̱ zoz ci e̱e̱to̱ okko enne a̱ru̱we̱ nya̱tu̱ba̱ta̱ ka̱da̱k, a̱ru̱we̱ atin enne nya̱tu̱ba̱ta̱ de̱de̱. Azi zoz necu ne, anyik ol wak Ta̱mu̱ta̱dde̱no̱ a̱li̱le̱ kinimet zo̱zzo̱k kanyait zi̱nze̱tti̱ cik alali.

O̱no̱zzo̱k 14:12

Azi zoz necu ne, anyik ol wak Ta̱mu̱ta̱dde̱no̱ a̱li̱le̱ kanyait zi̱nze̱tti̱ cik alali, anime no̱ngi̱tto̱n kar ko̱to̱ngo̱o̱ltte̱ lo̱ti̱nno̱k cik Ta̱mu̱ta̱dde̱no̱ kar ke̱me̱dda̱ odohize ngati a̱tu̱we̱ zoz ci Ye̱su̱.

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”

O̱no̱zzo̱k 20:4

Kedenya anna leceret cik aavtte ol cik anyonik komizi kar kettedit lo̱ki̱ko̱. Kar anna kicin vongizzok cik ol balik u̱ru̱kte̱ zo̱ze̱ ci edemze nege zoz ci Ye̱su̱ kar bo̱do̱k uwahek ol zoz ci Ta̱mu̱ta̱dde̱no̱. Iróng nege ba̱li̱ye̱ a̱di̱ngdi̱nga̱n e̱le̱gi̱t icima ri̱ri̱to̱n cinne, iróng bo̱do̱k nege anyak baayenit ci aave ngu̱mtti̱nne̱ icima azzine. I̱vi̱tta̱k nege ruget kar kabalit lo̱o̱c ki Ki̱ri̱sto̱ e̱rki̱nya̱ i̱bbo̱ng co̱de̱ (1,000).

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.

O̱no̱zzo̱k 6:9

Baling u̱du̱l enne mutulac ci een tu̱r ko̱, kicina i̱te̱le̱ lo̱o̱ta̱ vongizzok cik ol balik u̱ru̱kte̱ ke̱, eci a̱ru̱we̱ zo̱ze̱ ci Ta̱mu̱ta̱dde̱no̱ ki zoz ci ibbac nege.

O̱no̱zzo̱k 7:14

Kabariza zin anna, “Ddi̱ki̱ryo̱i̱t, a̱gga̱ i̱nna̱.” Kar enne kize ne, “E̱e̱ggi̱n zin nege ol balik a̱vvu̱ piryanzete ci a̱ppwe̱ oroot; utunyyet nege ru̱u̱ma̱ni̱ cigge̱k kar kizeto voore bi̱ye̱te̱ cik Nyoono.