O̱no̱zzo̱k 1:8 - Tennet

⁸ Azi Manyi Ta̱mu̱ta̱dde̱n ne, “Ke̱e̱ni̱ anna Kananet ki Ṯurnenet, annit ci kaave i̱yo̱ko̱, annit ci kaave ba̱li̱ye̱, annit ci atin kokko ka̱kku̱ni̱, annit ci ke̱e̱ni̱ Ta̱mu̱ta̱dde̱n ci kanyai Komiz do̱o̱k.”

O̱no̱zzo̱k 1:8 ပူးပေါင်းရင်းမြစ်များ

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Kananet 28:3

Anyik Ta̱mu̱ta̱dde̱n wa anyak Komiz do̱o̱k ka̱mu̱yu̱ki̱n kar kaanyi ti̱ra̱ dooli cik meelek kizeto zu̱we̱n cik meelek.

Kananet 35:11

Kar zin Ta̱mu̱ta̱dde̱n kizek nonno ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k; ti̱ro̱ kar otorte izet meele. Iyowa zu̱we̱ cik o̱ro̱gjo̱k cik meelek ngatunne, ovvo atin alaata iyowa eliye cunne.

Kananet 43:14

Anyik bai Ta̱mu̱ta̱dde̱n wa anyak Komiz do̱o̱k ka̱a̱nyu̱ng deten ngati e̱e̱t neci kar atin enne ka̱a̱nyu̱ng obodai gotonnu cunno̱ng co̱de̱ ke̱ ki Benjamin bu̱k. Imma ngatinanni ming kokko anna ka̱lu̱ u̱lu̱wa̱, ka̱lu̱ zin anna de̱de̱.”

Kananet 48:3

Izek zin Ya̱ko̱bo̱ Yosevo ne, “I̱ye̱le̱ya̱ Ta̱mu̱ta̱dde̱n wa anyak Komiz do̱o̱k ele cinne ngati een Luz, lo̱o̱ce̱ ci Kanaani, kar enne ku̱mu̱yu̱wa̱ annit nginati,

Kananet 49:25

eci zo̱ze̱ ci Ta̱mu̱ta̱dde̱n ci baatunne, ci eelanni i̱nne̱ta̱, eci zo̱ze̱ ci Manyi wa anyak Komiz do̱o̱k, nonno ci a̱mu̱yu̱ki̱ ma̱yu̱we̱nte̱ ci a̱kku̱ ta̱mu̱-kenga, ki ma̱yu̱we̱ne̱t ci aave lo̱o̱ta̱ ecito, ki ma̱yu̱we̱ne̱t ci eezit ki momu.

Lu̱ge̱z 3:14

Izek Ta̱mu̱ta̱dde̱n Muses ne, “Du̱wa̱k nogo ke̱e̱ni̱ anna Ta̱mu̱ta̱dde̱n wa een zara annita. Icu zoz ci a̱du̱wa̱k i̱nna̱ olli Israilo, ‘Annit ci i̱tto̱na̱na̱ annit rok i̱ge̱ta̱.’”

Lu̱ge̱z 6:3

Ki̱ye̱le̱ya̱ anna ba̱li̱ye̱ ele Aburaham, ki I̱sa̱ko̱ ki Ya̱ko̱bo̱, ke̱e̱ni̱ Ta̱mu̱ta̱dde̱n wa anyak Komiz do̱o̱k, ma̱i̱je̱ zara cigannik een Manyi. Ngen anna ku̱du̱wa̱k nogo zar cigannik.

2 Ko̱ri̱nto̱ 6:18

Kiize anna be̱e̱ti̱nno̱ng, kar zin niga e̱e̱ggi̱nnu̱ atin dooli cigannik, ka̱du̱wa̱ anna Manyi Ta̱mu̱ta̱dde̱n wa anyak Komiz do̱o̱k.”

O̱no̱zzo̱k 1:11

azi ne, “Teher kaal cik acinni i̱nna̱ ko̱ waraga, kar zin i̱tto̱ni̱k ol wak a̱tu̱we̱ ke̱le̱ci̱a̱nya̱i̱ cik Ta̱mu̱ta̱dde̱no̱ e̱e̱ggi̱n turgerem ko̱: Ephesus, ki Smyrna, ki Pergamum, ki Thyatira, ki Sardis, ki Piladilpiya, ki Laodicea.”

O̱no̱zzo̱k 1:17

Baling kicina anna nonno, kuduwa lo̱o̱c zoone ciginnek kiwagon e̱e̱ti̱ ci a̱da̱ha̱. Kar zin enne katadeya annit a̱zzi̱t cinne a̱zzo̱ kar kize ne: “Ma o̱ngo̱o̱le̱ gi̱i̱ imma. Annit ci ke̱e̱ni̱ Oo ki Vu̱rru̱t.

O̱no̱zzo̱k 1:4

Annita Jon ci keheri waraga necu, ki̱tto̱ni̱kku̱ng i̱ge̱t ke̱le̱ci̱a̱nya̱i̱ cik e̱e̱ggi̱n turgerem lo̱o̱ce̱ ci een Asia. Anyik deten ki gano ngati Manyi ci aave ba̱li̱ye̱ kar bo̱do̱k i̱yo̱ko̱ kar bo̱do̱k atin okko a̱kku̱, ngati aavtte vongizzowa cik e̱e̱ggi̱n turgerem ngu̱me̱ ci lecer cinne,

O̱no̱zzo̱k 11:17

Azi nege ne: “Kanyikka zany i̱nne̱ta̱ Manyi Ta̱mu̱ta̱dde̱n wa anyak Komiz do̱o̱k, i̱nne̱t ci aave i̱yo̱ko̱ kar a̱vvu̱ bu̱k ba̱li̱ye̱, eci i̱nna̱ i̱ye̱la̱ doiz cunne a̱ddi̱ki̱re̱ kar kate ba̱a̱li̱ne̱t cunne.

O̱no̱zzo̱k 15:3

kar zin ke̱be̱ni̱t lo̱ng ci Musesi du̱ca̱i̱t ci Ta̱mu̱ta̱dde̱no̱ ki lo̱ng ci Nyoono. Azi ne, “A̱ddi̱ki̱re̱ kar ki̱zi̱ze̱c kaala cigunnek do̱o̱k oroot, Manyi Ta̱mu̱ta̱dde̱n wa anyak Komiz do̱o̱k, een bunnati ki zoz ci een de̱de̱ kaal cigunnek ogoni i̱nna̱, Alaan ci lo̱o̱cco̱k do̱o̱k.

O̱no̱zzo̱k 16:14

E̱e̱ggi̱n ne̱ko̱ kuulo cik lo̱rye̱nta̱k ogon kaal cik a̱vu̱la̱, kar zin koot reena ngati alaat cik lo̱o̱tu̱ do̱o̱k, kar kuluta nogo koot koorit illa i̱i̱te̱ne̱ ci a̱ddi̱ki̱re̱ Ta̱mu̱ta̱dde̱no̱ wa anyak Komiz do̱o̱k.

O̱no̱zzo̱k 16:7

Kar zin anna kizik muluk ci iyowa i̱te̱la̱ ming abariz zoz neci: “I̱i̱ny, Manyi, Ta̱mu̱ta̱dde̱n ci anyak Komiz do̱o̱k, een lo̱ki̱ko̱ cunne de̱de̱, ettedi i̱nna̱ zoz ju̱rru̱m.”

O̱no̱zzo̱k 19:15

Iyowa utuge cinne nya̱tu̱ba̱t ci lehedi kar ku̱ru̱we̱ enne ol cik lo̱o̱tu̱ veelek. “Abal atin enne nogo coole ci alaanzetu ci een zi̱i̱t.” Kar enne koroc ngin wagon amacane merte kar ki̱ye̱la̱ mozinet ci Ta̱mu̱ta̱dde̱no̱ wa A̱ddi̱ki̱re̱ anyak Komiz do̱o̱k.

O̱no̱zzo̱k 19:6

Kar zin anna kizik mulukwa cik ogon ki ol cik meelek giir, oroi kiwagon maama cik a̱ri̱i̱, a̱ju̱l kiwagon borowoci: “Kinnatit Ta̱mu̱ta̱dde̱n! Eci Manyitinna Ta̱mu̱ta̱dde̱n wa anyak Komiz do̱o̱k ci abal lo̱o̱c.

O̱no̱zzo̱k 2:8

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Smyrna waraga cu: A̱vvu̱ zo̱zzo̱wa̱ ne̱ke̱ ngati e̱e̱t ci een Oo ki Vu̱rru̱t, bali a̱da̱k kar ki̱ki̱ya̱ kurug bo̱do̱k dee.

O̱no̱zzo̱k 21:22

Ngen anna kicin Ce̱e̱z wa Ta̱mu̱ta̱dde̱no̱ orgato, ma̱rri̱t Manyi Ta̱mu̱ta̱dde̱n wa anyak Komiz do̱o̱k ki Nyoon nogo cik e̱e̱ggi̱n Ce̱e̱z wa Ta̱mu̱ta̱dde̱no̱.

O̱no̱zzo̱k 21:6

Ize zin enne ne, “Ubunntta kaala do̱o̱k. Ke̱e̱ni̱ anna Kananet ki Ṯurnenet, kakane anna kar kedecak. Imma ngati e̱e̱t ci a̱ru̱k koor, kanyike atin anna maam ollin e̱be̱re̱ce̱ ci maam cik rugeto.

O̱no̱zzo̱k 22:13

Ke̱e̱ni̱ anna Kananet ki Ṯurnenet, oo ki vu̱rru̱t, kakane kar kedecak.

O̱no̱zzo̱k 4:8

Ovvo kaala ne̱k e̱e̱ggi̱n we̱c aruge ko̱, anyak ngenngene ṯaabani torkonom, anyak bo̱do̱k ebere ṯaabete do̱o̱k rok ecito. E̱be̱ne̱ nege wazin ki ba̱a̱li̱n kaal azi ne: “A̱li̱le̱, a̱li̱le̱, a̱li̱le̱ nonno ci een Manyi Ta̱mu̱ta̱dde̱n ci anyak Komiz do̱o̱k, wa bali aave, kar i̱yo̱ko̱, kar atin okko a̱kku̱.”