O̱no̱zzo̱k 1:7 - Tennet

⁷ Icinnet, orkora enne ki di̱i̱z, kar ebere do̱o̱k kicinnet atin nonno, acin rok ol balik akati nonno; anyak atin olli lo̱o̱tu̱ do̱o̱k u̱lu̱wa̱ zo̱ze̱ cinne. De̱de̱, ogone atin! Amen.

O̱no̱zzo̱k 1:7 ပူးပေါင်းရင်းမြစ်များ

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Ma̱te̱yo̱ 24:30

“Kar zin vu̱rrta̱, i̱ye̱la̱i̱ zin gool ci a̱kku̱nne̱ Ngerrti E̱e̱to̱ ta̱mu̱-kenga, kar atin ol cik lo̱o̱tu̱ do̱o̱k ku̱tu̱lu̱zzo̱. Kar atin kicinnet Ngerrti E̱e̱to̱ a̱kku̱ di̱i̱za̱ ta̱mu̱-kenga komiza ki di̱ngdi̱ngo̱nte̱ ci a̱ddi̱ki̱re̱.

Ma̱te̱yo̱ 25:31

“Ming okko Ngerrti E̱e̱to̱ a̱kku̱ di̱ngdi̱ngo̱nte̱ cinne ki anjilonya cik Ta̱mu̱ta̱dde̱no̱ do̱o̱k, okko atin enne aave lecere wa alaanzetinu, di̱ngdi̱ngo̱nte̱ ci a̱kku̱ ta̱mu̱-kenga.

Ma̱te̱yo̱ 26:64

O̱bo̱de̱k zin Ye̱su̱ nonno, a̱nne̱k ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱. Abarik ka̱du̱wa̱kku̱ng, acinnang atin annita Ngerrti E̱e̱to̱ aave a̱tte̱ ci a̱zzo̱ Ta̱mu̱ta̱dde̱no̱, nginti anyak doiz, kar koboda di̱i̱za̱ ta̱mu̱-kenga.”

Marko 13:26

“Kar zin i̱i̱te̱n neci acin atin ol Ngerrti E̱e̱to̱ ming a̱kku̱ di̱i̱zo̱ca̱ komize ci a̱ddi̱ki̱re̱ ki di̱ngdi̱ngo̱n.

Marko 14:62

O̱bo̱de̱k zin Ye̱su̱ nonno, a̱nne̱k ne, “I̱i̱ny, Ke̱e̱ni̱, acinni atin Ngerrti E̱e̱to̱ ming aave a̱tte̱ ci a̱zzo̱ Ta̱mu̱ta̱dde̱no̱, kar atin ki̱ki̱ya̱ di̱i̱zo̱ca̱ ta̱mu̱-kenga.”

Lu̱ka̱ 21:27

Imma i̱i̱te̱ne̱ neci ovvo atin nege acin Ngerrti E̱e̱to̱ a̱kku̱ di̱i̱za̱ ta̱mu̱-kenga komiza ki di̱ngdi̱ngo̱nte̱ ci a̱ddi̱ki̱re̱.

Kaviyak wak Abunna Ta̱mu̱ta̱dde̱no̱ eher Joni 19:34

Akat zin aciiroci co̱de̱ Ye̱su̱ onyit illawa, kar zin ele cinne ketera bi̱ye̱ ki maam.

Kaviyak wak Abunna Ta̱mu̱ta̱dde̱no̱ eher Joni 19:37

Azi bo̱do̱k zoz imma Warage ci Ta̱mu̱ta̱dde̱no̱ ne, “Acin atin nege e̱e̱t bali akati nege onyit illawa ke̱.”

1 Te̱se̱lo̱ni̱ka̱ 1:10

ngati e̱re̱yyu̱ Ye̱su̱ Ngerinne, wa atin obodak lo̱o̱c ta̱mu̱-kenga, bali ingane enne daiza. Eelannet atin agit do̱o̱k kar kilittet mozinet ci Ta̱mu̱ta̱dde̱no̱ ci atin okko enne edeze ol cik abure iróng a̱tu̱ zoz ci Ye̱su̱.

1 Te̱se̱lo̱ni̱ka̱ 4:17

Imma naga ol ne̱k ngen karuge ko̱, i̱rra̱ne̱t atin gi̱i̱ imma lo̱o̱ta̱ koot kurumto ki Ye̱su̱ di̱i̱zo̱ca̱. Kar koot kabait ki Manyi udut.

I̱bu̱ru̱ 10:29

I̱no̱ni̱t lo̱ki̱ko̱ ci okkomi okko Ta̱mu̱ta̱dde̱n etteddek ol wak ibbez zoz ci Ngerrti Ta̱mu̱ta̱dde̱no̱, adima bo̱do̱k bi̱ye̱ cik Ye̱su̱ anyaha olomi ci een jor, wa eela nonno mu̱nye̱ne̱ ko̱ kize gi̱i̱ ci labak, kar bo̱do̱k kodom Vongiz ci A̱li̱le̱ Ta̱mu̱ta̱dde̱no̱ ci aanyik nonno de̱ti̱ne̱t ko̱.

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.

Ju̱da̱ 1:14

Imma e̱e̱ti̱ ci een zara Enok wa een do̱le̱c ci do̱le̱c ci Adami, u̱du̱wa̱ zoz ci ol ne̱ko̱: “Icinnet, a̱kku̱ Manyi ki ol ciginnek a̱li̱le̱ meelek giir,

O̱no̱zzo̱k 22:20

Okko e̱e̱ti̱ ci ibbac kaal ne̱ko̱, azi ne, “I̱i̱ny, ka̱kku̱ni̱ anna ataman.” Nonno nenen, i̱jja̱, Manyi Ye̱su̱.

O̱no̱zzo̱k 22:4

Acin atin nege ngu̱m cinne ele, kar zin atin zara ciginnek keteherte ngu̱mtti̱nne̱ cigge̱k.