O̱no̱zzo̱k 1:6 - Tennet

⁶ kar kaanyyet kizet alaat ki olli wawaco abunna ka̱li̱ngli̱nge̱k Ta̱mu̱ta̱dde̱n Baatinne. Anyak Ye̱su̱ Ki̱ri̱sto̱ di̱ngdi̱ngo̱n ki doiz ci aave udut! Amen.

O̱no̱zzo̱k 1:6 ပူးပေါင်းရင်းမြစ်များ

Lu̱ge̱z 19:6

ovvo atin e̱e̱ggi̱nnu̱ alaat cik wawaco kar bo̱do̱k izet zu̱we̱ ci a̱li̱le̱.’ E̱e̱ggi̱n ne̱ko̱ zoz ci a̱du̱wa̱k i̱nna̱ olli Israilo.”

Ma̱te̱yo̱ 6:13

Ma anyike ol kitimanteta, abarik eelawet lo̱rye̱nta̱.’

Kaviyak wak Abunna Ta̱mu̱ta̱dde̱no̱ eher Joni 5:23

Kar zin ol do̱o̱k ko̱to̱ngo̱o̱ltte̱ Ngerinne ki i̱yo̱ko̱ ming o̱ngo̱o̱le̱ nege Baba ko̱. Ming iróng e̱e̱ti̱ o̱ngo̱o̱le̱ Ngerinne, iróng o̱ngo̱o̱le̱ Baba bali i̱tto̱na̱na̱ ke̱.”

Roma 11:36

Ta̱mu̱ta̱dde̱n ci eenyca kaal do̱o̱k, kar kaanyik nogo do̱o̱k kuruget, azunne enne kaal ne̱ke̱ do̱o̱k komize cinne kizeto kaal ciginnek. Abunna zin ka̱di̱ngdi̱nga̱n naga do̱o̱k nonno udut. Nonno nenen.

Roma 15:6

kar zin zinine co̱de̱ inatit Ta̱mu̱ta̱dde̱n wa een be̱e̱ti̱ Manyitinna Ye̱su̱ Ki̱ri̱sto̱.

Vilipia 2:11

kar ol do̱o̱k u̱tu̱ge̱tti̱ne̱ cigge̱k kizeto ne, een Ye̱su̱ Ki̱ri̱sto̱ Manyi, imma zin zo̱ze̱ necu a̱di̱ngdi̱nga̱n nege Ta̱mu̱ta̱dde̱n Baba.

1 Ti̱mo̱te̱yo̱ 6:16

Ta̱mu̱ta̱dde̱n do̱ niko ci iróng a̱da̱i̱ udut. Abak enne vooritene ci ataltali, i̱llo̱i̱ rok e̱e̱t ci anime kuk ojonun, ngen e̱e̱ti̱ imma kicin nonno udut, i̱llo̱i̱ bo̱do̱k atin ol cik acin nonno. Anyak enne komiz, ki̱di̱ngdi̱nga̱ni̱t nonno udut. Anyik ku̱tu̱gu̱ niko (Amin).

I̱bu̱ru̱ 13:21

nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.

1 Peturu 4:11

Ming anyak e̱e̱ti̱ arizet zoza, aanyik nonno kuwahek ol zoz ci Ta̱mu̱ta̱dde̱no̱ wa een nonno ele. Ming anyak e̱e̱ti̱ zinin ci kar keela ol, anyik nonno keela ol doize bali aanyik nonno Ta̱mu̱ta̱dde̱n la̱du̱n ke̱. Kar ol kinnatit Ta̱mu̱ta̱dde̱n kaale do̱o̱k zo̱ze̱ ci Ye̱su̱ Ki̱ri̱sto̱. Imma zin zo̱ze̱ cinne aave di̱ngdi̱ngo̱ni̱ ki komiz atin udut. Amen.

1 Peturu 5:11

Okko ngatinne, aave atin doizi cinne udut. Amen.

2 Peturu 3:18

Abarik e̱me̱dda̱ niga abait baiz ci abunna gi̱i̱ye̱ wa a̱a̱nyu̱ng Manyitinna Ti̱ri̱zo̱i̱t Ye̱su̱ Ki̱ri̱sto̱ i̱ge̱t deten cinne ki zoz ci a̱gga̱yyu̱ nonno. Abunna ka̱di̱ngdi̱nga̱n zar cik Manyi udut. Nonno nenen.

Ju̱da̱ 1:25

Een enne Ta̱mu̱ta̱dde̱n co̱de̱ ṯok Ti̱ri̱zo̱i̱t cinna, anyak enne di̱ngdi̱ngo̱n, ki ddi̱ki̱rze̱t, ki doiz, ki alaanzet ngati Manyitinna Ye̱su̱ Ki̱ri̱sto̱ wa bali aave arrak oowa bu̱u̱llo̱we̱ do̱o̱k, ki i̱yo̱ko̱ udut. Nonno nenen.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 20:6

A̱mu̱yu̱k atin Ta̱mu̱ta̱dde̱n ol ciginnek a̱li̱le̱, ingazi daize ci o̱o̱wu̱. Okko daizi ci een vu̱rru̱t ko̱ iróng anyak komiz ngatinne̱ng, abarik ovvo atin nege e̱e̱ggi̱n olli wawaco Ta̱mu̱ta̱dde̱no̱ ki Ki̱ri̱sto̱ kar atin kabalit ki nonno lo̱o̱c e̱rki̱nya̱ i̱bbo̱ng co̱de̱ (1,000).

O̱no̱zzo̱k 4:11

“Elenonu i̱nna̱ ki di̱ngdi̱nga̱ni̱ne̱t Manyitinna Ta̱mu̱ta̱dde̱n, kar ruba di̱ngdi̱ngo̱n ki inatinet ki doiz, eci i̱nna̱ eteehenya kaal do̱o̱k, kar zin zo̱ze̱ cunne keteehenycai kaala do̱o̱k kar zin ka̱vvu̱to̱ to do̱o̱k.”

O̱no̱zzo̱k 5:10

Idimanu i̱nna̱ nogo kanyait alaanzet ki olli wawaco cik a̱li̱ngli̱nge̱k Ta̱mu̱ta̱dde̱n, kar zin kabalit ol lo̱o̱ta̱ ngatu.”