O̱no̱zzo̱k 1:18 - Tennet

¹⁸ Ke̱e̱ni̱ anna e̱e̱t ci karugi, ka̱da̱ha̱ ba̱li̱ye̱, i̱yo̱ko̱ karugi udut, kanyai a̱tte̱ cinanni jooro cik daizak ki nginti daizo.”

O̱no̱zzo̱k 1:18 ပူးပေါင်းရင်းမြစ်များ

Ma̱te̱yo̱ 11:23

Imma niga ol cik orog ci een Kapernaum, odongnyung atin Ta̱mu̱ta̱dde̱n okkoyyung ta̱mu̱-kenga? I̱llo̱i̱, i̱na̱kku̱ atin niga nginti gwo̱o̱ ci apadpadi udut. Ming u̱tu̱gu̱zze̱ kaala ne̱k a̱vu̱la̱ ngatinno̱ng ko̱ ol wak orog ci een Sodom, ngen weda orogi neci abile rok i̱yo̱ko̱.

Ma̱te̱yo̱ 16:19

Kaanyi atin jooro cik oowe i̱nna̱ ba̱a̱li̱ne̱t ci ta̱mu̱-kengo; ming ecebju niga zoz lo̱o̱ta̱ ngatu, e̱ce̱bje̱ ta̱mu̱-kenga bu̱k, ming oogju niga zoz lo̱o̱ta̱ ngatu, oogje ta̱mu̱-kenga bu̱k.”

Lu̱ka̱ 24:5

Kar ngati o̱ngo̱o̱li̱nne̱ ngaai ne̱ke̱ u̱lu̱le̱t nege o̱o̱tti̱ icinnet lo̱o̱c, ma̱i̱je̱ ol ne̱k e̱e̱ggi̱n rama ko̱ izettek nogo ne, “Nya ming orongnyu e̱e̱t ci aruge orgene ci ol cik a̱da̱i̱to̱ ko̱?

Kaviyak wak Abunna Ta̱mu̱ta̱dde̱no̱ eher Joni 11:25

Izek Ye̱su̱ nonno ne, “Annit ci kingane ol daiza kuruget. Ming a̱tu̱ya̱ e̱e̱ti̱ annita, ming a̱da̱k nu̱nu̱n, aruge atin.

Kaviyak wak Abunna Ta̱mu̱ta̱dde̱no̱ eher Joni 14:19

Iróng atin ol cik lo̱o̱tu̱ acinna annit arrak do̱yo̱i̱t, acinnang abarik atin niga do̱. Ma̱rri̱t ming kuruga bo̱do̱k anna, arugnu atin niga bu̱k.

Roma 6:9

Ka̱gga̱ ju̱rru̱m iróng daizi anyak komiz ngati ti̱ri̱zo̱i̱t Ki̱ri̱sto̱. A̱da̱k enne ba̱li̱ye̱ kar Ta̱mu̱ta̱dde̱n kitingawe nonno daiza, iróng atin enne a̱da̱i̱ dee udut.

2 Ko̱ri̱nto̱ 13:4

Ming alali enne nu̱nu̱n ngati odode ol nonno ta̱la̱ke̱ca̱, itinga daiza, abak komize ci Ta̱mu̱ta̱dde̱no̱. Kalali naga ki bali Ki̱ri̱sto̱ ke̱. Abarik atin kabaito naga doize ci Ta̱mu̱ta̱dde̱no̱, ki bali Ki̱ri̱sto̱ ke̱, abunna ka̱li̱ngli̱nge̱kku̱ng.

Ga̱la̱ti̱a̱ 2:20

Ogon baizi bali nanni reeni ke̱ ki ci ka̱da̱ha̱ ki bali Ye̱su̱ Ki̱ri̱sto̱ ta̱la̱ke̱ca̱. Iróng ngen kabai baiz ki bali reena, abarik Ki̱ri̱sto̱ ci abak ngatinanni. I̱yo̱ko̱ zin kabai baiz ci karike Ngerrti Ta̱mu̱ta̱dde̱no̱ zinin tu̱we̱nta̱, ci ireza annit kar kutungek lo̱o̱c baiz ci abunna ta̱mu̱-kenga kar ki̱ki̱ya̱ keelawan.

Kolosiya 3:3

Eci a̱da̱kttu̱ niga ba̱li̱ye̱, imma i̱yo̱ko̱ a̱lu̱gnye̱ baizi cunno̱ng ki Ki̱ri̱sto̱ ngati Ta̱mu̱ta̱dde̱no̱.

I̱bu̱ru̱ 1:3

I̱ye̱la̱ Ngerinne doiz ki di̱ngdi̱ngo̱n ci Ta̱mu̱ta̱dde̱no̱, ogon enne odohize ki Ta̱mu̱ta̱dde̱n. A̱gga̱m zin enne lo̱o̱c doize cinne. Baling utunya Ngerinne mu̱nye̱n cigga̱c do̱o̱k, a̱vvu̱ zin lo̱o̱ta̱ a̱tte̱ ci a̱zzo̱ di̱ngdi̱ngo̱nte̱ ci Ta̱mu̱ta̱dde̱no̱, ta̱mu̱-kenga.

I̱bu̱ru̱ 12:2

Abunna karike zi̱nze̱tti̱ do̱o̱k Ye̱su̱ wa anyahakket tu̱we̱ne̱t kar kidiman tu̱we̱ne̱t cinna kubunna ju̱rru̱m. Eci enne ere talninet ci okko enne a̱ti̱ri̱ze̱t agita, inim zin enne daiz keete ci een ta̱la̱ke̱c zo̱ze̱ ci talninet neci, iróng enne ngen o̱ngo̱o̱le̱ gi̱i̱ imma. I̱yo̱ko̱ aanyik Ta̱mu̱ta̱dde̱n nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 7:16

Een e̱e̱ti̱ ci wawaco ko̱, ci a̱li̱ngli̱ng Ce̱e̱ze̱ wa Ta̱mu̱ta̱dde̱no̱, ahala Manyi zo̱ze̱ ci een jor, iróng een zo̱ze̱ ci boor cinne, abarik eci bo̱do̱k anyak enne doiz ci abahe udut, i̱llo̱i̱ gi̱i̱ imma ci a̱ru̱k nonno.

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.

O̱no̱zzo̱k 10:6

Kar zin ki̱tto̱n zar cik Ta̱mu̱ta̱dde̱n wa aruge udut, wa bali eteehenya ta̱mu̱-keng ki kaal wak aavtte nginati do̱o̱k, eenyca lo̱o̱c ki kaal ne̱k aavtte nginati ke̱ do̱o̱k, eenyca nyatapar ci a̱ddi̱ki̱re̱ ki kaal ne̱k abak nginati ke̱ do̱o̱k. Ize zin ne, “Iróng atin ngen erewinnu u̱u̱mu̱c!

O̱no̱zzo̱k 15:7

Anyak gi̱i̱ co̱de̱ kaale cik e̱e̱ggi̱n we̱c aruge ko̱ ngatinne̱ng, aanyik anjilonya cik e̱e̱ggi̱n turgerem ko̱ uduce turgerem cik e̱e̱ggi̱n dhahab, abbize mozinet ci Ta̱mu̱ta̱dde̱no̱. Abak atin Ta̱mu̱ta̱dde̱n udut.

O̱no̱zzo̱k 2:8

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Smyrna waraga cu: A̱vvu̱ zo̱zzo̱wa̱ ne̱ke̱ ngati e̱e̱t ci een Oo ki Vu̱rru̱t, bali a̱da̱k kar ki̱ki̱ya̱ kurug bo̱do̱k dee.

O̱no̱zzo̱k 20:13

U̱ju̱ka̱ zin nyatapar ci a̱ddi̱ki̱re̱ ta̱dde̱n ol balik a̱da̱i̱to̱ ke̱, aanyik zin daizi ol balik a̱da̱i̱to̱ ke̱ ki ngati daizo ko̱ do̱o̱k ki̱ye̱lta̱i̱, kar ngenngene kettedozik lo̱ki̱ko̱ go̱o̱le̱ bali ogone enne kaal.

O̱no̱zzo̱k 20:14

Kar zin daizi ki nginti daizo ku̱ju̱kto̱zi̱k koot gwo̱o̱ye̱ ci apadpadi oroot. Een gwa̱a̱ neci ci apadpadi udut ke̱, daiz ci vu̱rrto̱.

O̱no̱zzo̱k 3:7

“Teherik i̱nna̱ anjilo ci Ta̱mu̱ta̱dde̱no̱ kar anyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Piladilpiya waraga cu: E̱e̱ggi̱n ne̱ko̱ zo̱zzo̱k ciginnek ngati E̱e̱t ci a̱li̱le̱, een bo̱do̱k de̱de̱, nonno ci anyak jooron ci ce̱e̱z ci Da̱vi̱de̱ alaanzetu. Ming een gi̱i̱ ci oo enne, i̱llo̱i̱ e̱e̱t imma ci anyugi, kar ming unyuk enne, i̱llo̱i̱ e̱e̱t imma ci oo.

O̱no̱zzo̱k 4:9

Gon ming ovvo kaala ne̱k aruge e̱e̱ggi̱n we̱c ko̱ ovvo aanyik di̱ngdi̱ngo̱n, bak o̱ngo̱o̱le̱ kar kanycik zany E̱e̱t ci aave lecere ci alaanzetinu ko̱, nonno ci abak udut,

O̱no̱zzo̱k 5:14

Izeto zin kaala cik aruge e̱e̱ggi̱n we̱c ko̱ ne, “Yo, anyik ku̱tu̱gu̱ niko.” Kar zin lo̱ddi̱ki̱re̱ kakatek u̱zu̱ngti̱nne̱ ki̱di̱ngdi̱nga̱ni̱t Ta̱mu̱ta̱dde̱n.

O̱no̱zzo̱k 6:8

Kicina zin anna o̱o̱we̱ cinanni vartangec ci culai ming a̱kku̱! Okko e̱e̱ti̱ ci ottod een zara Daiz ki nginti daizo ming annu nonno. Anyak nege doiz ci a̱ru̱we̱ ol lo̱lo̱i̱t co̱de̱ ngati e̱e̱ggi̱nne̱ we̱c cikidik illawa lo̱o̱ta̱ ngatu, ovvo a̱ru̱k u̱gge̱ go̱o̱le̱ ci anyahe nege magiz ki zeret, ki go̱o̱le̱ ci elegje cik zarak mootik lo̱o̱ta̱ ngatu.

O̱no̱zzo̱k 9:1

Utubu zin anjilo wa een tu̱r ko̱ ture cinne. Kedenya anna munyunyoc ming i̱i̱na̱ ta̱mu̱-kenga i̱i̱na̱k lo̱o̱c. Anyozik zin ba̱li̱ye̱ munyunyoc neci joroni ci oowe lo̱o̱k ci wu̱u̱ni̱ oroot ko̱.