O̱no̱zzo̱k 1:11 - Tennet

¹¹ azi ne, “Teher kaal cik acinni i̱nna̱ ko̱ waraga, kar zin i̱tto̱ni̱k ol wak a̱tu̱we̱ ke̱le̱ci̱a̱nya̱i̱ cik Ta̱mu̱ta̱dde̱no̱ e̱e̱ggi̱n turgerem ko̱: Ephesus, ki Smyrna, ki Pergamum, ki Thyatira, ki Sardis, ki Piladilpiya, ki Laodicea.”

O̱no̱zzo̱k 1:11 ပူးပေါင်းရင်းမြစ်များ

Buk wa To̱ni̱a̱u̱ 16:14

Ngaane ne̱k azikne ke̱, een imma zara Lydia ci orog ci een Thyatira, utene da̱ gon ru̱u̱ma̱ni̱ cik een lo̱ddi̱ng adak o̱ro̱bi̱ya̱ cik meelek. Een da̱ gon enne ngaa ci ala Ta̱mu̱ta̱dde̱n, oo Manyi zinin cinne abunna aziye zoz ci a̱du̱wa̱ Pa̱u̱lo̱.

Buk wa To̱ni̱a̱u̱ 18:24

Anyak zin da̱ e̱e̱t imma ci een Ya̱u̱do̱c, een zara Apollos, a̱rri̱ta̱i̱ enne o̱rge̱ ci een Alikzandria lo̱o̱ce̱ ci Masiro, a̱kku̱nna̱k enne Ephesus. Een enne e̱e̱t ci a̱gga̱ zoz oroot kar bo̱do̱k a̱gga̱ uwai Waraga ci Ta̱mu̱ta̱dde̱no̱ oroot.

Buk wa To̱ni̱a̱u̱ 20:17

Baling arawa Pa̱u̱lo̱ orog ci een zara Miletus, i̱tto̱ne̱k enne waraga lo̱ddi̱ki̱re̱ cik ke̱le̱ci̱a̱k o̱rge̱ ci Ephesusi.

1 Ko̱ri̱nto̱ 15:32

Kamuda anna nya baling kirinya koyok olli Ephesus ogon ki elegje wak mootik ko̱ ngati kuwaheke zoz ci Ta̱mu̱ta̱dde̱no̱? Ming iróng ol balik a̱da̱i̱to̱ ko̱ ingazi daiza kuruget, “Kadakto bak kaude, eci loza kovvo naga daiza.”

1 Ko̱ri̱nto̱ 16:8

Ma̱i̱je̱ arrak korongi ka̱vvu̱ ngatu Ephesusa zee ki̱ki̱ya̱ I̱i̱te̱ne̱ wa Pentakosi,

Evesos 1:1

Annita Pa̱u̱lo̱ wa ke̱e̱ni̱ to̱ni̱a̱t ci Ye̱su̱ Ki̱ri̱sto̱ zo̱ze̱ ci odola Ta̱mu̱ta̱dde̱n ci keheri warage cu ko̱. Keherik olli Ta̱mu̱ta̱dde̱no̱ ki ol wak a̱tu̱ zoz ci Ye̱su̱ Ki̱ri̱sto̱ ke̱le̱ci̱e̱ ci orog ci een Ephesus.

Kolosiya 2:1

Korongi anna abunna ming a̱gga̱yyu̱ ka̱li̱ngli̱ngi̱ anna kipira zo̱ze̱ cunno̱ng ki ol wak a̱tu̱we̱ abak lo̱o̱ce̱ ci een Laodicea, ki ol cik ngen anna kicin bu̱k.

1 Ti̱mo̱te̱yo̱ 1:3

Ki baling ka̱jji̱nni̱ la̱du̱n i̱i̱ bali kokkoye anna lo̱o̱ce̱ ci een Macedonia ke̱, aave i̱nna̱ o̱rge̱ ci een Ephesus kar gerenyek ol wak edemezek ol wak a̱tu̱we̱ zoz ci een volong.

O̱no̱zzo̱k 1:17

Baling kicina anna nonno, kuduwa lo̱o̱c zoone ciginnek kiwagon e̱e̱ti̱ ci a̱da̱ha̱. Kar zin enne katadeya annit a̱zzi̱t cinne a̱zzo̱ kar kize ne: “Ma o̱ngo̱o̱le̱ gi̱i̱ imma. Annit ci ke̱e̱ni̱ Oo ki Vu̱rru̱t.

O̱no̱zzo̱k 1:19

“Teher zin i̱yo̱ko̱ kaal cik icinnu i̱nna̱ ki kaal cik ogone i̱yo̱ko̱ niko, ki kaal cik atin ovvo ogone.

O̱no̱zzo̱k 1:2

u̱du̱wa̱ Joni kaal cik icin enne do̱o̱k, zoz ci Ta̱mu̱ta̱dde̱no̱ ki zoz ci obod ki Ye̱su̱ Ki̱ri̱sto̱.

O̱no̱zzo̱k 1:20

Icu zoz ci a̱lu̱gnye̱ zo̱ze̱ ci munyuny cik e̱e̱ggi̱n turgerem acinni i̱nna̱ a̱tte̱ cinanni a̱zzo̱ ko̱, ki kaal cik abilne tukulena ko̱: E̱e̱ggi̱n munyunya cik e̱e̱ggi̱n turgerem ko̱ anjilonya cik ke̱le̱ci̱a̱nya̱ cik een turgerem ko̱. Ovvo kaala cik e̱e̱ggi̱n turgerem abilne tukulena ko̱, e̱e̱ggi̱n ke̱le̱ci̱a̱nya̱ turgerem bu̱k.”

O̱no̱zzo̱k 1:4

Annita Jon ci keheri waraga necu, ki̱tto̱ni̱kku̱ng i̱ge̱t ke̱le̱ci̱a̱nya̱i̱ cik e̱e̱ggi̱n turgerem lo̱o̱ce̱ ci een Asia. Anyik deten ki gano ngati Manyi ci aave ba̱li̱ye̱ kar bo̱do̱k i̱yo̱ko̱ kar bo̱do̱k atin okko a̱kku̱, ngati aavtte vongizzowa cik e̱e̱ggi̱n turgerem ngu̱me̱ ci lecer cinne,

O̱no̱zzo̱k 1:8

Azi Manyi Ta̱mu̱ta̱dde̱n ne, “Ke̱e̱ni̱ anna Kananet ki Ṯurnenet, annit ci kaave i̱yo̱ko̱, annit ci kaave ba̱li̱ye̱, annit ci atin kokko ka̱kku̱ni̱, annit ci ke̱e̱ni̱ Ta̱mu̱ta̱dde̱n ci kanyai Komiz do̱o̱k.”

O̱no̱zzo̱k 10:4

Baling ovvo boroweta cik e̱e̱ggi̱n turgerem ko̱ ozoz, korongi zin anna kar keteher zoz cinne̱ng; abarik kiziya muluk ci a̱kku̱ ta̱mu̱-kenga ci a̱nne̱ka̱ ne, “Ma eheri zoz ci a̱du̱wa̱ boroweta cik e̱e̱ggi̱n turgerem ko̱, abarik lu̱gu̱ny zoz neci.”

O̱no̱zzo̱k 14:13

Kiziya zin anna muluk ci a̱kku̱ ta̱mu̱-kenga azi ne, “Teher zoz necu: A̱ma̱yu̱kte̱ ol balik a̱da̱i̱to̱ zo̱ze̱ ci anuwe nege Manyi, akane i̱yo̱ko̱ kuk.” Azi Vongizi ci Ta̱mu̱ta̱dde̱no̱ ne, “I̱i̱ny, i̱ye̱be̱z atin nege li̱ngli̱ngo̱ne̱ bali abunna u̱tu̱gu̱zzo̱ nege ke̱, annu atin nogo kaala cik u̱tu̱gu̱zzo̱ nege baize cinne̱ng.”

O̱no̱zzo̱k 19:9

A̱nne̱ka̱ zin anjilo ci Ta̱mu̱ta̱dde̱no̱ annit ne: “Teher zoz cu: ‘A̱mu̱yu̱k Ta̱mu̱ta̱dde̱n ol ne̱k aawak enne rucenet ci a̱ddi̱ki̱re̱ Nyoono!’” Kar bo̱do̱k enne kotorek, “E̱e̱ggi̱n ne̱ko̱ zo̱zzo̱k cik Ta̱mu̱ta̱dde̱no̱ de̱de̱.”

O̱no̱zzo̱k 2:1

Azi Manyi Ye̱su̱ Ki̱ri̱sto̱ ne, “Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Ephesus waraga cu: Een zoz icu ci e̱e̱t ci a̱gga̱m munyuny wak e̱e̱ggi̱n turgerem ko̱ a̱tte̱ ci a̱zzo̱, kar zin koto orgene ci kaal cik abilne tukulena ko̱.

O̱no̱zzo̱k 2:12

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Pergamum waraga cu: Een necu zoz ci a̱kku̱ ngati e̱e̱t ci anyak nya̱tu̱ba̱t ci lehedi oroot! Iziyyet zoz ci ka̱du̱wa̱ anna ko̱.

O̱no̱zzo̱k 2:18

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Thyatira waraga cu: E̱e̱ggi̱n ne̱ko̱ zo̱zzo̱k cik Ngerrti Ta̱mu̱ta̱dde̱no̱ wagon ogon ebere ciginnek kiwagon gwa̱a̱ ci alanyit ko̱, ovvo zoona ogon ki zu̱rte̱ne̱n wak gon apucan ol zee kataltalit.

O̱no̱zzo̱k 2:24

I̱yo̱ko̱ ka̱du̱wa̱kku̱ng, niga ol ne̱k aavtte Thyatira ko̱, niga ol wak iróng a̱gga̱m de̱mzi̱ne̱t ci ngaa ci aanyik ele kize a̱ri̱to̱i̱t ko̱, kar bo̱do̱k iróng niga a̱gga̱mnyu̱ kaal cik Sitano, iróng atin anna kedezzung.

O̱no̱zzo̱k 2:8

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Smyrna waraga cu: A̱vvu̱ zo̱zzo̱wa̱ ne̱ke̱ ngati e̱e̱t ci een Oo ki Vu̱rru̱t, bali a̱da̱k kar ki̱ki̱ya̱ kurug bo̱do̱k dee.

O̱no̱zzo̱k 21:5

Kar E̱e̱ti̱ bali aave lecera ke̱ kize ne, “Kogonni anna kaal do̱o̱k kizeto cik adimanai jor!” Kar zin enne bo̱do̱k kize ne, “Teherik zoz necu lo̱o̱c, eci zo̱zzo̱wa̱ e̱e̱ggi̱n de̱de̱ agano ki tu̱we̱ne̱t.”

O̱no̱zzo̱k 22:10

A̱nne̱ka̱ zin enne annit ne, “Ma orodi zo̱zzo̱k cik i̱ye̱le̱ki̱ Vongizi ci Ta̱mu̱ta̱dde̱no̱ buwe cu, eci ize ojon i̱i̱te̱ni̱ kar kaala ne̱ko̱ ku̱tu̱gu̱zze̱.

O̱no̱zzo̱k 22:16

“Anna Ye̱su̱, ki̱tto̱na̱kku̱ng anna anjilo cinanni kar ku̱du̱wa̱u̱ng i̱ge̱t ol wak a̱tu̱we̱ ke̱le̱ci̱a̱nya̱i̱ do̱o̱k kaal ne̱ko̱. Ke̱e̱ni̱ anna lolac kar kize do̱le̱c ci doolik Da̱vi̱de̱, kar bo̱do̱k kize dhu̱mo̱c ci nge̱rre̱ti̱nu̱ ko̱.”

O̱no̱zzo̱k 3:1

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Sardis waraga cu: E̱e̱ggi̱n ne̱ko̱ zo̱zzo̱k cik E̱e̱t ci anyak vongizzok cik e̱e̱ggi̱n turgerem Ta̱mu̱ta̱dde̱no̱ ki munyuny cik e̱e̱ggi̱n turgerem. Ka̱gga̱ anna li̱ngli̱ngo̱n cunno̱ng. I̱no̱nnu̱ niga a̱nnu̱ ne arugnu, abarik a̱da̱kttu̱.

O̱no̱zzo̱k 3:14

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ wa a̱ddi̱ki̱re̱ een zara Laodicea waraga cu: E̱e̱ggi̱n ne̱ko̱ zo̱zzo̱k cik E̱e̱t ci een De̱de̱, e̱e̱t ci abunna, ibbac zoz de̱de̱, nonno ci abal kaal cik Ta̱mu̱ta̱dde̱no̱ veelek.

O̱no̱zzo̱k 3:4

Anyakku niga ol cikidik Sardisa cik iróng ongonyek ru̱u̱ma̱ni̱ cigge̱k mu̱nye̱n. Ovvo atin nege owo ki annita ru̱u̱ma̱ni̱ne̱ cik voorik, eci nege e̱e̱ggi̱n ol cik abunna.

O̱no̱zzo̱k 3:7

“Teherik i̱nna̱ anjilo ci Ta̱mu̱ta̱dde̱no̱ kar anyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Piladilpiya waraga cu: E̱e̱ggi̱n ne̱ko̱ zo̱zzo̱k ciginnek ngati E̱e̱t ci a̱li̱le̱, een bo̱do̱k de̱de̱, nonno ci anyak jooron ci ce̱e̱z ci Da̱vi̱de̱ alaanzetu. Ming een gi̱i̱ ci oo enne, i̱llo̱i̱ e̱e̱t imma ci anyugi, kar ming unyuk enne, i̱llo̱i̱ e̱e̱t imma ci oo.