O̱no̱zzo̱k 1:10 - Tennet

¹⁰ Imma i̱i̱te̱ne̱ ci alawe ol cik a̱tu̱we̱ Manyi Ye̱su̱, i̱ki̱ya̱ha̱ Vongizi ci Ta̱mu̱ta̱dde̱no̱ o̱no̱zo̱we̱, kar anna kizik vu̱rrte̱ cinanni muluk ci a̱ppwe̱ oroi ki ture ci abuwe,

O̱no̱zzo̱k 1:10 ပူးပေါင်းရင်းမြစ်များ

Ma̱te̱yo̱ 22:43

O̱bo̱de̱k zin Ye̱su̱ nogo, “Nya zin ba̱li̱ye̱ Da̱vi̱de̱ ozoz komize ci Vongiz ci A̱li̱le̱ awu nonno azi ne, ‘Manyi’? Eci azi Da̱vi̱de̱ ne,

Kaviyak wak Abunna Ta̱mu̱ta̱dde̱no̱ eher Joni 20:19

Ize da̱ looci yo̱mo̱n, i̱i̱te̱ne̱ wa een Dominika, alute nuyaha ce̱e̱za̱ ecito, eci nege o̱ngo̱o̱le̱ lo̱ddi̱ki̱re̱ cik Ya̱u̱do̱. I̱ki̱ya̱ zin Ye̱su̱ ibil orgene cinne̱ng, kar kizzawo kize ne, “A̱vvu̱t labak!”

Kaviyak wak Abunna Ta̱mu̱ta̱dde̱no̱ eher Joni 20:26

Baling edeccai i̱i̱nya̱ cik e̱e̱ggi̱n turgerem, a̱vvu̱to̱ nuyaha ce̱e̱za̱ ecito, aavtte da̱ Tomasi ki nogo. Anyuge ba̱li̱ye̱ tatugeta, abarik Ye̱su̱ i̱tto̱ orgen cinne̱ng ca̱a̱to̱ kibil kar zin kizek nogo ne, “A̱vvu̱t labak!”

Buk wa To̱ni̱a̱u̱ 20:7

Imma i̱i̱te̱ne̱ wa een Dominika, ka̱vvu̱ta̱ naga do̱o̱k nga̱to̱de̱ kar kadakta umune wa ka̱a̱da̱nna̱ daiz bali Ye̱su̱ ke̱. Uwak Pa̱u̱lo̱ zee kize ba̱a̱li̱n keng, eci bali orong kar koto nge̱rre̱ti̱n ci reng.

1 Ko̱ri̱nto̱ 12:3

Korongi zin ku̱du̱wa̱u̱ng, i̱llo̱i̱ e̱e̱t imma ci ozoz Vongize ci Ta̱mu̱ta̱dde̱no̱ azi ne, “Anyik Ye̱su̱ kotore,” i̱llo̱i̱ zin e̱e̱t imma ci azi ne, “Een Ye̱su̱ Manyi,” Vongiz ci A̱li̱le̱ do̱ niko ci ozoz niko.

1 Ko̱ri̱nto̱ 16:2

Imma i̱i̱te̱ne̱ wa een Dominika, abunna e̱e̱ti̱ ming aarik o̱ro̱bi̱ya̱ u̱gge̱ cik agano ki nonno, kar karik abanyit kize ja̱mi̱te̱n, adaz zee ming kokko anna ka̱kku̱ni̱, karuba o̱ro̱bi̱ya̱ ne̱ko̱ ulutai, i̱llo̱i̱ o̱ro̱bi̱ya̱ u̱gge̱ bo̱do̱k cik oowanu niga.

O̱no̱zzo̱k 17:3

Kar zin anjilo kodonga annit Vongize ci Ta̱mu̱ta̱dde̱no̱ rok balal. Imma nginati kicina ngaa neci aave e̱le̱gte̱ ci ma̱ri̱ tet, a̱di̱le̱ ele do̱o̱k zare cik odome enne Ta̱mu̱ta̱dde̱n, kar kanyak o̱o̱tti̱ turgerem ki o̱to̱ omoto.

O̱no̱zzo̱k 21:10

Kar zin enne kodonga annit Vongize ci Ta̱mu̱ta̱dde̱no̱ o̱no̱zo̱we̱ okkoyya biye ci a̱ddi̱ki̱re̱ wu̱u̱ni̱ oroot, kar ki̱ye̱le̱ya̱ orog ci A̱li̱le̱, wa een Jerusalem, a̱kku̱ ta̱mu̱-kenga ngati Ta̱mu̱ta̱dde̱no̱ alucak lo̱o̱c.