O̱no̱zzo̱k 1:1 - Tennet

¹ Een zoz ci Ye̱su̱ Ki̱ri̱sto̱ a̱lu̱gnye̱ ko̱ ci aanyik Ta̱mu̱ta̱dde̱n nonno kar ki̱ye̱le̱k du̱cca̱k ciginnek ka̱gga̱c kaal cik atin ovvo ogone. I̱ye̱la̱ enne zo̱zzo̱k ne̱ko̱ go̱o̱le̱ ci i̱tto̱na̱k enne anjilo Jon wa een du̱ca̱i̱t cinne ko̱,

O̱no̱zzo̱k 1:1 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 12:49

Een zin zoz necu de̱de̱, eci iróng anna kozozi oowe cinanni do̱, abarik Baba wa i̱tto̱na̱na̱ ci i̱lo̱ti̱ka̱ zoz ci ka̱du̱wa̱ ko̱ ki gool ci ka̱du̱wa̱ne̱.

Kaviyak wak Abunna Ta̱mu̱ta̱dde̱no̱ eher Joni 15:15

Iróng bo̱do̱k anna kawuyyung izet du̱cca̱k, eci du̱ca̱i̱ti̱ iróng a̱gga̱ li̱ngli̱ngo̱n ci ogon ddi̱ki̱ryo̱i̱ti̱ cinne. Kawuyyung abarik anna i̱ge̱t izet gonogga, eci kedemezung kaal do̱o̱k wak kedemeza anna ngati Baba.

Kaviyak wak Abunna Ta̱mu̱ta̱dde̱no̱ eher Joni 17:8

Ku̱du̱wa̱ha̱ nogo zo̱zzo̱k balik a̱du̱wa̱ka̱ i̱nna̱ annit ke̱, ma̱i̱je̱ nege elemtta no̱ngi̱tto̱n ne̱ke̱. A̱gga̱c nege la̱du̱n ka̱kku̱ni̱ anna ngatunne, kar zin ku̱tu̱we̱t ming een i̱nne̱t ci i̱tto̱na̱na̱n.

Kaviyak wak Abunna Ta̱mu̱ta̱dde̱no̱ eher Joni 3:32

A̱du̱wa̱ kaal cik icin enne ki wak izik enne, abarik i̱llo̱i̱ e̱e̱t ci elemi zoz cinne.

Kaviyak wak Abunna Ta̱mu̱ta̱dde̱no̱ eher Joni 8:26

Kar bo̱do̱k kize ne, “Kanyai anna zoz ci a̱ppwe̱ zo̱ze̱ cunno̱ng, ki zoz ci kettede lo̱ki̱ko̱ cunno̱ng. Imma e̱e̱ti̱ ci i̱tto̱na̱na̱ ko̱ een de̱de̱. Ma̱i̱je̱ enne e̱e̱ti̱ wa i̱tto̱na̱na̱ annit een de̱de̱, ka̱du̱wa̱k olli lo̱o̱tu̱ zoz ci kiziya anna ngatinne.”

Roma 16:25

Abunna kinnat Ta̱mu̱ta̱dde̱n kanyike zany, eci anyak enne komiz ci anyike zi̱nze̱tti̱ cuggo̱k kodoit tu̱we̱nte̱ ci kaviyak cik abunna, obod ki Ye̱su̱ Ki̱ri̱sto̱, zo̱ze̱ wa een de̱de̱ bali a̱lu̱gnye̱, ngen e̱e̱ti̱ imma ka̱gga̱ ngati bali akanane looci bu̱u̱llo̱we̱ balik reentik abak udut ke̱.

Ga̱la̱ti̱a̱ 1:12

Amire ki e̱e̱t ci diiri ci edemzeka annit kaviyak ne̱ko̱, abarik Ye̱su̱ Ki̱ri̱sto̱ ci aanya kaviyak ne̱ko̱.

Evesos 3:3

I̱ye̱le̱ya̱ Ta̱mu̱ta̱dde̱n annit zoz bali ninne a̱lu̱gnye̱ ke̱, ki bali ming kehera anna arrak do̱yo̱i̱t.

Ti̱to̱ 1:1

Annit Pa̱u̱lo̱ wa atahala Ta̱mu̱ta̱dde̱n kize du̱ca̱i̱t cinne kar zin bo̱do̱k kize to̱ni̱a̱t wa Ye̱su̱ Ki̱ri̱sto̱ bali atahalai ke̱. Ki̱tto̱nna̱i̱ kar ki̱ki̱ya̱ kanyahak tu̱we̱ne̱t ol wak engera Ta̱mu̱ta̱dde̱n, kar kedemez nogo ka̱gga̱c zoz wa een de̱de̱, kar ki̱ye̱le̱k nogo gool ci abahe nege ngati o̱ngo̱o̱li̱nne̱ Ta̱mu̱ta̱dde̱n.

O̱no̱zzo̱k 1:19

“Teher zin i̱yo̱ko̱ kaal cik icinnu i̱nna̱ ki kaal cik ogone i̱yo̱ko̱ niko, ki kaal cik atin ovvo ogone.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 17:1

I̱ki̱ya̱ zin annit anjilo co̱de̱ anjilonyai ne̱k e̱e̱ggi̱n turgerem anyak uduce turgerem ke̱, kar zin kize ne, “I̱jja̱ kar ki̱ye̱le̱i̱ de̱zi̱ne̱t ci okko Ta̱mu̱ta̱dde̱n edeze ngaa ci een a̱li̱ya̱i̱t ommog veelek, nonno ci aave maame cik meelek.

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”

O̱no̱zzo̱k 19:9

A̱nne̱ka̱ zin anjilo ci Ta̱mu̱ta̱dde̱no̱ annit ne: “Teher zoz cu: ‘A̱mu̱yu̱k Ta̱mu̱ta̱dde̱n ol ne̱k aawak enne rucenet ci a̱ddi̱ki̱re̱ Nyoono!’” Kar bo̱do̱k enne kotorek, “E̱e̱ggi̱n ne̱ko̱ zo̱zzo̱k cik Ta̱mu̱ta̱dde̱no̱ de̱de̱.”

O̱no̱zzo̱k 21:2

Kedenya orog ci A̱li̱le̱, een Jerusalem ci een jor, iyowa ta̱mu̱-kenga ngati Ta̱mu̱ta̱dde̱no̱, kar zin kidiman ele ogon ki nyatirani ci aime ki̱zi̱zi̱ kicin mac cinne.

O̱no̱zzo̱k 21:9

I̱ki̱ya̱ zin annit anjilo co̱de̱ anjilonyai cik e̱e̱ggi̱n turgerem ko̱, balik anyak uduce turgerem abbize zerenina kar kize ne, “I̱jja̱, ki̱ye̱le̱ki̱ atin nyatiran, ngaa ci Nyoono.”

O̱no̱zzo̱k 22:1

I̱ye̱le̱ya̱ zin anjilo liil wa a̱ri̱k maama cik rugeto cik caalek paz, a̱ri̱ya̱ lecere ci Ta̱mu̱ta̱dde̱no̱ ki ci Nyoono,

O̱no̱zzo̱k 22:16

“Anna Ye̱su̱, ki̱tto̱na̱kku̱ng anna anjilo cinanni kar ku̱du̱wa̱u̱ng i̱ge̱t ol wak a̱tu̱we̱ ke̱le̱ci̱a̱nya̱i̱ do̱o̱k kaal ne̱ko̱. Ke̱e̱ni̱ anna lolac kar kize do̱le̱c ci doolik Da̱vi̱de̱, kar bo̱do̱k kize dhu̱mo̱c ci nge̱rre̱ti̱nu̱ ko̱.”

O̱no̱zzo̱k 22:6

A̱nne̱ka̱ zin anjilo ne, “E̱e̱ggi̱n zo̱zzo̱wa̱ ne̱ke̱ de̱de̱. Okko Manyi Ta̱mu̱ta̱dde̱n wa a̱gga̱m vongizzok cik a̱ri̱tto̱u̱ ko̱ i̱tto̱na̱ anjilo cinne ki̱ye̱le̱k du̱cca̱k ciginnek kaal cik ovvo atin i̱i̱na̱ ataman.”

O̱no̱zzo̱k 22:8

Imma anna Joni, kiziya kar bo̱do̱k kicin kaal ne̱ke̱ do̱o̱k. Kar zin bali kaala cik kiziya anna kar bo̱do̱k kicina ko̱, kakateya u̱zu̱ngtti̱ lo̱o̱c zone cik anjilo bali i̱ye̱le̱ka̱ kaal ne̱ke̱ ke̱, ngati ka̱di̱ngdi̱nga̱ni̱ nonno.

O̱no̱zzo̱k 22:9

Ma̱i̱je̱ enne a̱nne̱ka̱ ne, “Ma ogoni zoz necu! Ke̱e̱ni̱ anna du̱ca̱i̱t ci Ta̱mu̱ta̱dde̱no̱ ki i̱nne̱ta̱ bu̱k, ki gotonogget wak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱ ki ol wak azunne zoz ci e̱he̱rye̱ buwe cu. Di̱ngdi̱nga̱n Ta̱mu̱ta̱dde̱n do̱ niko!”

O̱no̱zzo̱k 4:1

Kicina anna o̱no̱zo̱we̱ tatug ta̱mu̱-kenga ming o̱o̱ye̱. Kar mului ci kazi anna arrak oowa ozozikan oroi kiwagon ture ci abuwe, a̱nne̱ka̱ ne, “I̱jja̱ ta̱dde̱na̱ ngatu, kar anna ki̱ye̱le̱i̱ kaal cik atin ogone vu̱rrta̱.”

O̱no̱zzo̱k 5:7

I̱ki̱ya̱ zin Nyoon idima waraga ci aave a̱tte̱ ci a̱zzo̱ ngati E̱e̱t ci aave lecera ko̱.