Ma̱te̱yo̱ 9:8 - Tennet

⁸ Baling icinnet koole zoz necu, u̱ku̱lte̱k je̱e̱n, kar zin kinnatit Ta̱mu̱ta̱dde̱n eci anyike Ta̱mu̱ta̱dde̱n ol komiz.

Ma̱te̱yo̱ 9:8 ပူးပေါင်းရင်းမြစ်များ

Ma̱te̱yo̱ 12:23

U̱ku̱lte̱k zin ol do̱o̱k je̱e̱n, kar kizeto ne, “Een necu de̱de̱ Ngerrti Da̱vi̱de̱?”

Ma̱te̱yo̱ 15:31

U̱ku̱lte̱k ol je̱e̱n baling iziyyet ol balik adite iina ke̱ ming ozozi, ubunntta ol wak nganynganyik zoona, otozo ol balik ngooltik, icinte ol balik ru̱be̱ni̱k. Kar zin kinnatit Ta̱mu̱ta̱dde̱n wa ala olli Israilo.

Ma̱te̱yo̱ 28:18

I̱ki̱ya̱k Ye̱su̱ nogo, kar kize ne, “Aanya Ta̱mu̱ta̱dde̱n komiz do̱o̱k ta̱mu̱-kenga ki lo̱o̱ta̱ ngatu.

Ma̱te̱yo̱ 5:16

Ogon zin baizi ci ol cik diirik ki urez ci ataran ce̱e̱z, aanycik zin urezwa ciggo̱k katalanyit kataranit ol, kar nege kicinnet bunnat cunno̱ng, kar zin nege kinnatit Be̱e̱ti̱nno̱ng wa aave ta̱mu̱-kenga.

Ma̱te̱yo̱ 9:7

Itinga e̱e̱ti̱ necu je̱e̱na̱ uk zin ce̱e̱za̱.

Marko 2:12

Itinga e̱e̱ti̱ neci je̱e̱na̱ kar ku̱lu̱c kwe̱e̱n cinne kar koto kicinnet ebere do̱o̱k. A̱ma̱li̱ltte̱ ol ne̱ko̱ do̱o̱k o̱o̱tti̱ kar kinnatit Ta̱mu̱ta̱dde̱n, kizeto ne, “Ngen kicinnta gi̱i̱ imma ci ogon ki necu udut.”

Marko 7:37

U̱ku̱lte̱k ol je̱e̱n oroot zo̱ze̱ necu, kar kizeto ne, “U̱tu̱gu̱ enne kaal do̱o̱k ju̱rru̱m. Idiman e̱e̱t ci adite iina kiziyo, angaru e̱e̱t ci aavtte e̱le̱me̱tti̱ pad kozoz.”

Lu̱ka̱ 13:13

Kar zin enne katadek nonno azzin ciginnek, kar enne ataman niko kibil ṯop kar kitina Ta̱mu̱ta̱dde̱n.

Lu̱ka̱ 17:15

Baling icin e̱e̱ti̱ co̱de̱ ngatinne̱ng i̱zzi̱ dhovo eliye cinne to, obodak zin enne Ye̱su̱, kar kinnat Ta̱mu̱ta̱dde̱n muluwe ci a̱ppwe̱.

Lu̱ka̱ 17:18

I̱llo̱i̱ e̱e̱ti̱ imma ci oboda ki̱ki̱ya̱ kaanyik Ta̱mu̱ta̱dde̱n zany ize i̱do̱ngo̱je̱ni̱t cu do̱ niko?”

Lu̱ka̱ 18:43

Ataman niko, icinte zin ebere ciginnek lak co̱de̱ niko, kar zin enne kunu Ye̱su̱, innat Ta̱mu̱ta̱dde̱n. Baling icinnet ol do̱o̱k nonno, innatit zin nege bu̱k Ta̱mu̱ta̱dde̱n.

Lu̱ka̱ 2:20

I̱mi̱rrte̱ zin tuwayowa, a̱di̱ngdi̱nga̱n Ta̱mu̱ta̱dde̱n kaale cik iziyyet nege ki cik icinnet nege, ogon ki bali ming u̱du̱ya̱i̱ ke̱.

Lu̱ka̱ 23:47

Ma̱i̱je̱ ddi̱ki̱ryo̱i̱ti̱ ci aciiru da̱ aave nginati, icin kaal ne̱ko̱ do̱o̱k zee, kar zin kinnat Ta̱mu̱ta̱dde̱n kar kize ne, “De̱de̱ zin, een da̱ e̱e̱ti̱ necu e̱e̱t ci abunna.”

Lu̱ka̱ 7:16

O̱to̱ngo̱o̱ltte̱ zin nege do̱o̱k kar zin kinnatit Ta̱mu̱ta̱dde̱n, kizeto ne, “I̱ye̱la̱i̱ a̱ri̱to̱i̱ti̱ ci a̱ddi̱ki̱re̱ orgene cinna. I̱ki̱ya̱ Ta̱mu̱ta̱dde̱n eela ol ciginnek.”

Kaviyak wak Abunna Ta̱mu̱ta̱dde̱no̱ eher Joni 15:8

Abunna ming ogonnu ki alawo cik a̱bbi̱rna̱ o̱ya̱u̱ cik meelek, kar izet nuyak cigannik, kar zara cik Baba ki̱di̱ngdi̱nga̱nte̱.

Buk wa To̱ni̱a̱u̱ 11:18

Baling ming ovvo nege aziye zoz cu, iróng zin nege ngen adang Peturu, abarik innatit Ta̱mu̱ta̱dde̱n, kar kizeto ne, “Kar zin anyik Ta̱mu̱ta̱dde̱n ol cik e̱e̱ggi̱n i̱do̱ngi̱ kuturta mu̱nye̱n cigge̱k kar kanyait ruget ci aave udut ko̱ bu̱k.”

Buk wa To̱ni̱a̱u̱ 21:20

Baling iziyyet nege zoz necu, innatit nege Ta̱mu̱ta̱dde̱n. Kar zin kizettek Pa̱u̱lo̱ ne, “Gotonet acinni i̱nna̱, e̱e̱ggi̱n olli Ya̱u̱do̱ wak a̱tu̱ zoz ci Ye̱su̱ i̱bbo̱nge̱t cik meelek giir, annu zin nege lo̱ti̱nno̱k cik Musesi zi̱nze̱tti̱nne̱ cigge̱k do̱o̱k.

Buk wa To̱ni̱a̱u̱ 4:21

Ma baling u̱cu̱be̱t nege nogo oroot kar zin kaanycik nogo koot. Iróng nege odola kar ke̱de̱zi̱t nogo, eci ol do̱o̱k innat Ta̱mu̱ta̱dde̱n zo̱ze̱ bali u̱tu̱gu̱zzo̱ nege ke̱.

2 Ko̱ri̱nto̱ 9:13

Imma go̱o̱le̱ ci eelannu ollik Ta̱mu̱ta̱dde̱no̱ ko̱, ovvo atin nege innat Ta̱mu̱ta̱dde̱n. A̱tu̱yyu̱ niga zoz ci Ki̱ri̱sto̱, o̱ngo̱o̱li̱nnu̱ Manyi kar ozolit o̱ro̱bi̱ya̱ ki ol cik Ta̱mu̱ta̱dde̱no̱.

Ga̱la̱ti̱a̱ 1:24

Innatit zin nege Ta̱mu̱ta̱dde̱n zo̱ze̱ cinanni.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.