Ma̱te̱yo̱ 9:37 - Tennet

³⁷ U̱du̱wa̱k zin Ye̱su̱ nuyak waginnek zoz ci azi ne, “Meele labina, orong kettedai, ogon ki ol cik orong kiziyet zoz cinanni, ma̱i̱je̱ ngatu, idice zin ol wak etted labi.

Ma̱te̱yo̱ 9:37 ပူးပေါင်းရင်းမြစ်များ

Ma̱te̱yo̱ 20:1

A̱du̱wa̱k Ye̱su̱ nuyak ciginnek a̱nne̱k ne, “Ogon ba̱a̱li̱ne̱t ci ta̱mu̱-kengo ki e̱e̱ti̱ ci een manyi ma̱na̱, okko orong ol cik a̱li̱ngli̱ng ma̱ne̱ cinne.

Ma̱te̱yo̱ 28:19

I̱yo̱ko̱, oot ngati ol cik lo̱o̱tu̱ do̱o̱k komize cinanni, aanycik booryyok do̱o̱k kizeto nuyak, a̱gga̱mte̱k nogo ba̱ti̱ti̱mo̱ zare cik Baba ki cik Ngerinne ki Vongiz ci A̱li̱le̱,

Ma̱te̱yo̱ 9:38

Alac Manyi wa een Manyi kaal do̱o̱k, abunna ming anyaha ol cik meelek kettedit labi.”

Marko 16:15

A̱nne̱k zin Ye̱su̱ nogo ne, “Oot lo̱o̱co̱we̱ do̱o̱k uwaktek ol veelek kaviyak cik abunna.

Lu̱ka̱ 10:2

U̱du̱wa̱k zin enne nogo, “A̱ppwa̱ li̱ngli̱ngo̱ni̱ ci kettede labi, imma ngatu idice ol cik a̱li̱ngli̱ngi̱. I̱jji̱nne̱t Ta̱mu̱ta̱dde̱n wa een Manyi, kar ki̱tto̱na̱ ol cik ovvo a̱li̱ngli̱ng kettedit labi ma̱ne̱ cinne.

Lu̱ka̱ 24:47

kar zoz ci uurtane ol mu̱nye̱n ki zoz ci alalneke Ta̱mu̱ta̱dde̱n nogo mu̱nye̱n kuwaktozik ol ciginnek lo̱o̱cco̱k do̱o̱k, akane Jerusalema.

Buk wa To̱ni̱a̱u̱ 16:9

Imma bali ba̱a̱l, acin Pa̱u̱lo̱ o̱no̱zo̱we̱ e̱e̱t ci lo̱o̱c ci een zara Macedonia, ilalek nonno, a̱nne̱k ne, “I̱jja̱k Macedonia kar eelaweta.”

Buk wa To̱ni̱a̱u̱ 18:10

Kaave anna ngatunne, i̱llo̱i̱ e̱e̱t imma ci kar ku̱ru̱wi̱n, eci kanyai anna ol cik meelek o̱rge̱ cu.”

1 Ko̱ri̱nto̱ 3:9

Ke̱e̱ggi̱nna̱ naga ol cik ka̱li̱ngli̱nge̱ka̱ Ta̱mu̱ta̱dde̱n; ovvo niga e̱e̱ggi̱nnu̱ ma̱na̱ ci Ta̱mu̱ta̱dde̱no̱ ki ce̱e̱z cinne.

2 Ko̱ri̱nto̱ 6:1

Imma gi̱i̱ye̱ wa ka̱li̱ngli̱ngo̱ni̱kka̱ naga Ta̱mu̱ta̱dde̱n, kilalekkung zin zo̱ze̱ cu: Abunna ming a̱li̱ngli̱ngnyu̱ bunnate ci Ta̱mu̱ta̱dde̱no̱ ju̱rru̱m.

Kolosiya 4:11

I̱tto̱na̱ e̱e̱ti̱ ci een zara Ye̱su̱ wa azi zar u̱gge̱ bo̱do̱k ne Justus ko̱, zawinet cinne. E̱e̱ggi̱n ol ne̱k izayung ko̱ Ya̱u̱d wak a̱tu̱ zoz ci Ye̱su̱, ka̱li̱ngli̱ngnya̱ zin bu̱k zo̱ze̱ ci ba̱a̱li̱ne̱t ci Ta̱mu̱ta̱dde̱no̱, nogo do̱ cik eelanna annit oroot.

1 Ti̱mo̱te̱yo̱ 5:17

Anyik ol cik a̱tu̱we̱ ki̱ti̱ri̱ze̱t lo̱ddi̱ki̱re̱ cik a̱li̱ngli̱ng Ce̱e̱ze̱ wa Ta̱mu̱ta̱dde̱no̱ ju̱rru̱m eci nege a̱li̱ngli̱ng ju̱rru̱m. Ommogje ming uwahek ol kar ke̱de̱me̱zi̱t zoz ci Ta̱mu̱ta̱dde̱no̱.

Je̱mi̱s 5:4

Icinnet da̱! Iróng niga a̱ru̱we̱kku̱ ol balik a̱li̱ngli̱ng ma̱ne̱ne̱ cuggo̱k ko̱ o̱ro̱bi̱ya̱, a̱lu̱ nege zare cuggo̱k. Uzuca u̱lu̱wa̱ ci ol balik ettedde ma̱ne̱ne̱ cuggo̱k ko̱ iin cik Manyi wa A̱ddi̱ki̱re̱ veelek.