Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ma̱te̱yo̱ 9:2 - Tennet

2 Anyakttak ol nonno ol cik nganynganyik zoona oogin kwaane. Baling icin Ye̱su̱ tu̱we̱ne̱t cinne̱ng, izek enne e̱e̱t neci ngooli ko̱ ne, “Goona, ma o̱ngo̱o̱le̱ gi̱i̱ imma, aartai i̱nne̱t mu̱nye̱na̱ cigunnek.”

အခန်းကိုကြည့်ပါ။ ကော်ပီ




Ma̱te̱yo̱ 9:2
32 ပူးပေါင်းရင်းမြစ်များ  

Ma̱i̱je̱ ataman niko, ozozik Ye̱su̱ nogo izek ne, “Anycik zi̱nze̱tti̱ kokkomit, annit Ye̱su̱ icu, ma o̱ngo̱o̱li̱nnu̱ lo̱o̱c gaganiko.”


Imma nginatu, uzuca zoz ci angaruwe Ye̱su̱ ol ko̱, lo̱o̱c ci ol wak iróng een Ya̱u̱d, Syria, anyakttak zin ol nonno ol wak anyak mo̱ri̱zzo̱k cik aavtte do̱ do̱. Anyak ol cik omori mo̱ri̱zzo̱k cik a̱u̱ce̱ oroot, ma̱i̱je̱ uggak anyak kuulo cik lo̱rye̱nta̱k, omori uggak lohunuhunu, anyak u̱gge̱ bu̱k cik nganynganyik zoona, anyahak ol do̱o̱k Ye̱su̱, kar enne kangaru nogo.


Laleit ba̱ci̱no̱we̱ ki i̱yo̱ko̱ ming kalalneka naga ol u̱gge̱ ko̱.


Baling izik Ye̱su̱ zoz neci niko, u̱ku̱le̱k je̱e̱n kar kizek koole cik annu nonno ko̱ ne, “Ka̱du̱wa̱kku̱ng zoz ci een de̱de̱, ngen kumuda e̱e̱t imma ci anyak tu̱we̱ne̱t ci okkomi lo̱o̱ce̱ ci Israilo ki e̱e̱ti̱ cu.


Baling ize yo̱mo̱n, anyakttak ol Ye̱su̱ ol cik meelek anyak kuulo cik lo̱rye̱nta̱k e̱le̱tti̱ne̱, kar enne kangaru nogo do̱o̱k kubunnta.


Utuhuwe Ye̱su̱ kar kicin ngaa necu kar kizek ne, “Ma o̱ngo̱o̱le̱, angaruwi tu̱we̱ne̱t cunne.” Imma nginati angaruwe ngaa necu kubunna.


Zoz jang ci obokce kar ku̱du̱kta̱, ‘Aartai i̱nne̱t mu̱nye̱na̱ cigunnek,’ icima kazi ne, ‘Tinga je̱e̱na̱ kar to’?


Abunna abarik ming a̱gga̱yyu̱ anyak Ngerrti E̱e̱to̱ doiz ci okkomi lo̱o̱ta̱ ngatu ci alalneke enne ol mu̱nye̱n.” Imma zin zo̱ze̱ neci, a̱nne̱k zin Ye̱su̱ e̱e̱t ci nganynganyi zoona ko̱ ne, “Tinga je̱e̱na̱, lut kwe̱e̱n cunne bit ce̱e̱za̱.”


Imma yo̱mo̱n neci ngati i̱to̱we̱ i̱i̱, anyakttak ol Ye̱su̱ ol cik omori mo̱ri̱zzo̱k cik aavtte do̱ do̱ ki wak anyak kuulo cik lo̱rye̱nta̱k.


Ibil zin Ye̱su̱ kar kize ne, “Du̱wa̱k nonno anyik ki̱ki̱ya̱ ngintu.” U̱tu̱ya̱ zin ol e̱e̱t neci ru̱be̱ni̱ ke̱, a̱nne̱k ne, “Eeh nimo, tinga je̱e̱na̱, i̱jja̱ awuyi Ye̱su̱.”


Izek zin Ye̱su̱ ngaa neci ne, “Buweenyanni, angaruwi i̱nne̱t tu̱we̱ne̱t cunne. Bit labak, iróng atin i̱nna̱ bo̱do̱k apirna.”


eci icinte nege do̱o̱k, a̱bba̱ri̱te̱t zin oroot. Ataman niko, ozozik Ye̱su̱ nogo, izek ne, “Aanycik zi̱nze̱tti̱ kokkomit, annita icu, ma o̱ngo̱o̱li̱nnu̱ lo̱o̱c gaganiko.”


“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”


Iróng enne orong zoz ci okko a̱du̱wa̱k nonno e̱e̱ti̱ gi̱i̱ ci obod ki e̱e̱t imma, ma̱rri̱t enne Ye̱su̱ eliya a̱gga̱ kaal wak anyak e̱e̱ti̱ ci diiri zinina.


Utu zin Ye̱su̱ nogo, izek ne, “Gonogga, ngen a̱gga̱mi̱t u̱lu̱g u̱gge̱?” O̱bo̱dde̱k nege Ye̱su̱, a̱nne̱k ne, “I̱i̱ny.”


Baling uwak Pa̱u̱lo̱ azikne da̱ enne. Baling icin Pa̱u̱lo̱ nonno een e̱e̱t ci anyak tu̱we̱ne̱t orong kangaruwe,


ming u̱u̱m ol cik omori ru̱u̱ma̱ni̱ cik Pa̱u̱lo̱, angaruyye nege niko, kar kuulo cik lo̱rye̱nta̱k kutungttek nogo lo̱o̱c.


Imma bali ba̱a̱li̱n ci reng, ibil Manyi abanyce ci Pa̱u̱lo̱ kar kize ne, “Anyik zinin cunne kokkom! Ki i̱yo̱ko̱ baling iize i̱nna̱ bbacait Jerusalema ke̱, abunna zin la̱du̱n ming e̱e̱ni̱ bbacait Roma.”


Katalninna zin oroot kaale do̱o̱k, eci Ta̱mu̱ta̱dde̱n i̱tto̱na̱i̱t Manyitinna Ye̱su̱ Ki̱ri̱sto̱ kar kanyait gano naga ol balik ke̱e̱ggi̱n mo̱ddo̱ cik Ta̱mu̱ta̱dde̱no̱ ke̱.


Ma̱i̱je̱ atin e̱e̱ti̱ imma azi ne, “Anyai i̱nna̱ tu̱we̱ne̱t; kabunna anna ki̱i̱rke̱.” Ye̱le̱ka̱ da̱ tu̱we̱ne̱t cunne ci i̱llo̱i̱ rok bunnat ki i̱rrke̱ne̱t, kar anna ki̱ye̱le̱i̱ tu̱we̱ne̱t cinanni go̱o̱le̱ ci kogonne anna kaal.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ