Ma̱te̱yo̱ 9:16 - Tennet

¹⁶ “I̱llo̱i̱ e̱e̱t imma ci adima ru̱u̱m ci een jor kar ku̱u̱be̱k ru̱u̱m ci unuwa. Imma ming u̱tu̱gu̱zzu̱ niko, okko nginti erece ko̱ ngapala oroot.

Ma̱te̱yo̱ 9:16 ပူးပေါင်းရင်းမြစ်များ

Kananet 33:14

Anyik ddi̱ki̱ryo̱i̱t cinanni kuk oowe ci du̱ca̱i̱t cinne, kokko anna kowo vu̱rrta̱ idic, kitto dooli zee bak kokko kamudaki Seir.”

Ma̱te̱yo̱ 9:15

O̱bo̱de̱k zin Ye̱su̱ nogo, “Iróng gon gonoggi e̱e̱t ci aruce jor ko̱ ovvo magizet ming aave enne to ki nogo. Abarik zin atin anyak i̱i̱te̱n ci atin ovvo ol ovvoye e̱e̱t ci een rucait ko̱, kar zin gonoggja ki̱ya̱yo̱ ci iróng adak á̱há̱t.

Ma̱te̱yo̱ 9:17

Iróng ol ongotan merte ci een jor ki i̱jjo̱ ci anyak merte ci een ti̱i̱lo̱k. Ming ongotanit, a̱li̱be̱ i̱jjo̱ ci unuk ko̱, a̱ddu̱ta̱i̱ atin merte lo̱o̱c veelek. Abarik zin ol adima merte ci een jor ko̱ a̱ddu̱te̱k i̱jjo̱ ci een jor, kar kaala ne̱ko̱ kubunnta.”

Marko 2:21

Izek bo̱do̱k Ye̱su̱ nogo ne, “I̱llo̱i̱ e̱e̱t ci aubek ru̱u̱m ci een jor ru̱u̱m ci unuk erece. Ming u̱tu̱gu̱ enne niko, ereca ucca ru̱u̱m ci een jor ko̱ ru̱u̱m ci unuk ko̱, kize gerza ru̱u̱m necu udut.

Lu̱ka̱ 5:36

U̱du̱wa̱k zin enne nogo yabzinet cu: “I̱llo̱i̱ e̱e̱t imma ci etted ru̱u̱m ci een jor kar ku̱u̱be̱k ru̱u̱m ci erece unuwa. Ming u̱tu̱gu̱ enne ki i̱yo̱ko̱, erece atin ru̱u̱m wa een jor ko̱, kar ru̱u̱m ci u̱u̱be̱k enne iróng agano ki ru̱u̱m ci erece ko̱.

Kaviyak wak Abunna Ta̱mu̱ta̱dde̱no̱ eher Joni 16:12

“Kanyai de̱mzi̱ne̱t cik meelek korongi ku̱du̱wa̱u̱ng, abarik bong wo̱ye̱ iróng ngen azunnu do̱o̱k.

1 Ko̱ri̱nto̱ 13:13

I̱yo̱ko̱ anyak zin tu̱we̱ne̱t, ki zinin ci erewe gi̱i̱ imma ngati Ta̱mu̱ta̱dde̱no̱ ki rezinet zinine cunne. Ma̱i̱je̱ kaale ne̱k e̱e̱ggi̱n i̱i̱yo̱ ko̱, rezinet ci a̱ddi̱ki̱re̱ kommog veelek.

2 Ko̱ri̱nto̱ 9:12

Abunna ming a̱gga̱yyu̱, ming amuci ol cik Ta̱mu̱ta̱dde̱no̱, iróng i̱nna̱ anyike kaal cik orong nege. Een necu gool ci ovvo ol cik meelek aanyik Ta̱mu̱ta̱dde̱n zany.