Ma̱te̱yo̱ 8:20 - Tennet

²⁰ O̱bo̱de̱k zin Ye̱su̱ nonno, a̱nne̱k ne, “Anyak i̱re̱e̱rwa̱na̱ lo̱o̱knya̱ cik aavtte, ovvo iballi anyak ce̱e̱zi̱ cik aavtte bu̱k. Ma̱i̱je̱ Ngerrti E̱e̱to̱ a̱kku̱ ta̱mu̱-kenga, iróng anyak nginti aave enne lo̱o̱ta̱ ngatu.”

Ma̱te̱yo̱ 8:20 ပူးပေါင်းရင်းမြစ်များ

Ma̱te̱yo̱ 12:32

Ming ozoz e̱e̱ti̱ imma gerzet zare cik Ngerrti E̱e̱to̱, alalnek atin Ta̱mu̱ta̱dde̱n nonno, ma̱i̱je̱ e̱e̱ti̱ ci ozoz gerzet zare cik Vongiz ci A̱li̱le̱, iróng atin Ta̱mu̱ta̱dde̱n alalnek nonno, bu̱u̱le̱ cu icima bu̱u̱le̱ ci a̱kku̱ ke̱.”

Ma̱te̱yo̱ 12:40

Aave bali Jonah kenge ci u̱lu̱gto̱ wazinnok i̱i̱yo̱ ki ba̱a̱li̱nno̱k i̱i̱yo̱. Ogon zin atin Ngerrti E̱e̱to̱ bu̱k niko, aave atin lo̱o̱ta̱ ecito wazinnok i̱i̱yo̱ ki ba̱a̱li̱nno̱k i̱i̱yo̱.

Ma̱te̱yo̱ 12:8

Eci Ngerrti E̱e̱to̱ ci een Manyi I̱i̱te̱n wa Yu̱bze̱nto̱.”

Ma̱te̱yo̱ 13:37

O̱bo̱de̱k zin Ye̱su̱ nogo, a̱nne̱k ne, “Een e̱e̱ti̱ ci azacek i̱nyo̱mo̱ cik abunna ma̱na̱ ko̱ Ngerrti E̱e̱to̱.

Ma̱te̱yo̱ 16:13

Baling i̱vi̱tta̱k Ye̱su̱ ki nuyak orog ci een Kesarea, Vilipia, i̱jji̱n zin enne to̱ni̱a̱k ciginnek, azi ne, “I̱no̱n ol azi ne, een Ngerrti E̱e̱to̱ ngene?”

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 17:9

Ma baling ovvo aluccai biya, i̱ti̱lo̱ zin Ye̱su̱ nogo, a̱nne̱k ne, “Ma a̱du̱wa̱kku̱ e̱e̱t imma zoz necu ming ngen Ngerrti E̱e̱to̱ kitinga daiza.”

Ma̱te̱yo̱ 19:28

O̱bo̱de̱k zin Ye̱su̱ nogo, “Ka̱du̱wa̱kku̱ng zoz ci een de̱de̱, ming kuwa anna Ngerrti E̱e̱to̱ ka̱vvu̱ lecere cinanni ba̱a̱li̱nte̱ ci Ta̱mu̱ta̱dde̱no̱ di̱ngdi̱ngo̱nta̱, ovvo niga ol balik e̱e̱ggi̱nnu̱ to̱ni̱a̱k wagannik ko̱ bu̱k kaavtte ki annit lecerete cik een omoto ki rama, ettedekku atin lo̱ki̱ko̱ booryyok wak Israilo e̱e̱ggi̱n omoto ki rama ko̱.

Marko 8:38

Ming adak e̱e̱ti̱ a̱li̱ya̱ni̱ zo̱ze̱ cinanni lo̱o̱ce̱ ci alawe ol kaal cik lo̱o̱tu̱ ko̱ ki bu̱u̱l cik mu̱nye̱nu̱ ko̱, adak atin a̱li̱ya̱ni̱ Ngerrti E̱e̱to̱ bu̱k zo̱ze̱ cinne ming okko enne a̱kku̱ di̱ngdi̱ngo̱nte̱ ci Baatinne ki anjilonya ciginnek a̱li̱le̱.”

Lu̱ka̱ 12:8

“Ka̱du̱wa̱kku̱ng anna i̱ge̱ta̱, imma e̱e̱ti̱ ci elemanna annit orgene ci ollu, okko atin Ngerrti E̱e̱to̱ elemna nonno orgene ci anjilonya cik Ta̱mu̱ta̱dde̱no̱.

Lu̱ka̱ 18:8

Ka̱du̱wa̱kku̱ng anna i̱ge̱ta̱, acin atin enne, orong lo̱ki̱ko̱ kettede ju̱rru̱m, kar bo̱do̱k ataman. Ma̱i̱je̱ ming okko Ngerrti E̱e̱to̱ a̱kku̱, okko atin enne amuda tu̱we̱ne̱t ming aave lo̱o̱ta̱ ngatu?”

Lu̱ka̱ 2:12

Een atin neci baayenit cinno̱ng: Amudannu atin niga do̱le̱c ci maci a̱lu̱ce̱ ru̱u̱ma̱ kar ka̱ta̱ngu̱ i̱bo̱wa̱.”

Lu̱ka̱ 2:16

I̱yi̱he̱t zin nege ataman kar kurubta Ma̱ri̱ya̱ ki Yosevo, ki do̱le̱c ci adunge i̱bo̱wa̱.

Lu̱ka̱ 2:7

kar zin enne ki̱ti̱ra̱ do̱le̱c ci een a̱bu̱, ci maci. U̱lu̱cce̱k nonno ru̱u̱ma̱ni̱ kar karik i̱bo̱, eci i̱llo̱i̱ ce̱e̱z ci adungne nege.

Lu̱ka̱ 21:36

Abunna ming azunnu niga e̱le̱tti̱ ju̱rru̱m, kar alac Ta̱mu̱ta̱dde̱n kar ka̱a̱nyu̱ng gool ci alittu kaal cik atin a̱vvu̱na̱k lo̱o̱c ko̱, kar atin ibilet ngu̱me̱ ci Ngerrti E̱e̱to̱.”

Lu̱ka̱ 8:3

ki Joanna, ngaa ci Cuza wa een karan ci ce̱e̱z ci He̱ro̱di̱; ki Susanna; ki bo̱do̱k ngaai u̱gge̱ cik meelek. Eela ngaai ne̱ko̱ nogo kaale cigge̱k.

Lu̱ka̱ 9:58

O̱bo̱de̱k zin Ye̱su̱ nonno, “Anyak i̱re̱e̱rwa̱na̱ ngintik abahe, kar bo̱do̱k iballi wak a̱ku̱l ta̱dde̱na̱ ko̱ kanyait ce̱e̱zi̱, ma̱i̱je̱ Ngerrti E̱e̱to̱ i̱llo̱i̱ nginti arike enne oo cinne.”

Kaviyak wak Abunna Ta̱mu̱ta̱dde̱no̱ eher Joni 1:51

Emena Ye̱su̱ zoza kar kizek nonno bo̱do̱k ne, “Ka̱du̱wa̱kku̱ng zoz ci een de̱de̱, acinnu atin ta̱mu̱-keng ming o̱o̱ye̱, imma anjilonya wak Ta̱mu̱ta̱dde̱no̱ ottod ne̱ke̱ ovvo uggak i̱i̱na̱k Ngerrti E̱e̱to̱.”

Kaviyak wak Abunna Ta̱mu̱ta̱dde̱no̱ eher Joni 12:34

O̱bo̱dde̱k zin koole nonno, izettek ne, “Kizikta ba̱li̱ye̱ lo̱ti̱nno̱we̱ azi ne okko atin Ki̱ri̱sto̱ aruge udut. Azi zin bo̱do̱k i̱nna̱ ne ‘Okko atin Ngerrti E̱e̱to̱ odongnye kuk ta̱mu̱-kenga ku̱’? Ma dim ngene ci een ‘Ngerrti E̱e̱to̱’?”

Kaviyak wak Abunna Ta̱mu̱ta̱dde̱no̱ eher Joni 13:31

Baling uk Judasi reena, ize zin Ye̱su̱ ne, “U̱bu̱lte̱ zara cik Ngerrti E̱e̱to̱, kar zin bo̱do̱k di̱ngdi̱ngo̱ni̱ ci Ta̱mu̱ta̱dde̱no̱ ki̱ye̱la̱i̱ ngatinne.

Kaviyak wak Abunna Ta̱mu̱ta̱dde̱no̱ eher Joni 3:13

Ngen e̱e̱ti̱ imma kuk ta̱mu̱-kenga kize Ngerrti E̱e̱to̱ do̱ niko bali a̱kku̱ ta̱mu̱-kenga.

Kaviyak wak Abunna Ta̱mu̱ta̱dde̱no̱ eher Joni 3:14

I̱i̱ri̱m ba̱li̱ye̱ Musesi balala keeta uwat ci adimanai zu̱rte̱nta̱, okko atin Ngerrti E̱e̱to̱ i̱i̱ri̱mze̱ keeta niko bu̱k,

Kaviyak wak Abunna Ta̱mu̱ta̱dde̱no̱ eher Joni 6:27

Ma a̱li̱ngli̱ngnyu̱ zo̱ze̱ ci da̱i̱ne̱t wak atin iróng abak udut, abarik i̱li̱ngli̱ngge̱t da̱i̱ne̱t cik gon aavtte baize wa aave udut, cik atin ka̱a̱nyu̱ng anna Ngerrti E̱e̱to̱, eci Baba Ta̱mu̱ta̱dde̱n arika annit komiz li̱ngli̱ngo̱nte̱ necu.”

Kaviyak wak Abunna Ta̱mu̱ta̱dde̱no̱ eher Joni 6:53

Izek zin Ye̱su̱ nogo ne, “Ka̱du̱wa̱kku̱ng anna zoz ci een de̱de̱, ming iróng niga adakku ele ci Ngerrti E̱e̱to̱ kar bo̱do̱k uudet bi̱ye̱ ciginnek, i̱llo̱i̱ ruget ngatinno̱ng udut.

Kaviyak wak Abunna Ta̱mu̱ta̱dde̱no̱ eher Joni 6:62

Ogon wo̱ye̱ ku̱ ming acinnu Ngerrti E̱e̱to̱ ming a̱mi̱re̱ okko ngin bali a̱kku̱nne̱ ke̱, ta̱mu̱-kenga!

Buk wa To̱ni̱a̱u̱ 7:56

Kar zin Stepheni ku̱du̱wa̱k nogo zoz ci icin enne, “Izikto da̱ ju̱rru̱m! Kicina ta̱mu̱-keng ming o̱o̱ye̱ kar zin Ngerrti E̱e̱to̱ abile a̱tte̱ ci a̱zzo̱ ngati Ta̱mu̱ta̱dde̱no̱.”

2 Ko̱ri̱nto̱ 8:9

A̱gga̱yyu̱ een ba̱li̱ye̱ Manyitinna Ye̱su̱ Ki̱ri̱sto̱ bunnatait oroot, utungek baiz ci abunna ta̱mu̱-kenga kar ki̱ki̱ya̱ katamat lo̱o̱ta̱ ngatu, abunna ming amuda e̱e̱ti̱ ci diiri baiz ci abunna Vongize ci A̱li̱le̱.