Ma̱te̱yo̱ 8:16 - Tennet

¹⁶ Baling ize yo̱mo̱n, anyakttak ol Ye̱su̱ ol cik meelek anyak kuulo cik lo̱rye̱nta̱k e̱le̱tti̱ne̱, kar enne kangaru nogo do̱o̱k kubunnta.

Ma̱te̱yo̱ 8:16 ပူးပေါင်းရင်းမြစ်များ

Lu̱ge̱z 15:26

A̱nne̱k nogo ne, “Ming aziknnu niga ju̱rru̱m muluk ci Manyi Ta̱mu̱ta̱dde̱n cunno̱ng kar u̱tu̱gu̱z zoz ci een de̱de̱ ngu̱me̱ cinne, kar bo̱do̱k ming ogonnu kaal cik abunna orong Manyi, iróng atin kanyahakung zeret imma ci ogon ki bali zeret ci i̱i̱na̱k olli Masiro ke̱, eci anna ke̱e̱ni̱ Ta̱mu̱ta̱dde̱n ci kangaru ol mo̱ri̱zo̱we̱.”

Ma̱te̱yo̱ 12:22

Imma i̱i̱te̱n imma anyakttak ol Ye̱su̱ e̱e̱t ci anyak kuulo cik lo̱rye̱nta̱k kar bo̱do̱k kize ru̱be̱n, adite iina, angaru zin Ye̱su̱ nonno, kar enne kicine bak ozozi.

Ma̱te̱yo̱ 14:14

Baling okko Ye̱su̱ iyowa i̱ba̱ kar kicin koole, atamatek zin enne ol ne̱ke̱ kar kangaru nogo mo̱ri̱zo̱we̱.

Ma̱te̱yo̱ 8:15

Atadek Ye̱su̱ ngaa necu a̱zzi̱t, i̱zzi̱ a̱bu̱re̱zi̱ wanai niko. Itinga ngaa necu je̱e̱na̱ uk ere nonno.

Ma̱te̱yo̱ 8:33

Imma ol balik uuwa baataknya ke̱ i̱vi̱re̱ta̱, oot ikebit zoz necu o̱ro̱gjo̱we̱, ki zoz ci ol balik een ram anyak kuulo cik lo̱rye̱nta̱k ke̱.

Ma̱te̱yo̱ 9:2

Anyakttak ol nonno ol cik nganynganyik zoona oogin kwaane. Baling icin Ye̱su̱ tu̱we̱ne̱t cinne̱ng, izek enne e̱e̱t neci ngooli ko̱ ne, “Goona, ma o̱ngo̱o̱le̱ gi̱i̱ imma, aartai i̱nne̱t mu̱nye̱na̱ cigunnek.”

Marko 2:3

I̱vi̱ta̱ ol uggak, anyahak nonno e̱e̱t ci nganynganyik zoona, odonga ol cik een we̱c.

Marko 5:8

Izek zin Ye̱su̱ nonno ne, “Iyowa ngati e̱e̱t necu, i̱nna̱ kuuloci ci lo̱rye̱nto̱.”

Marko 9:25

Baling icin Ye̱su̱ koole ming a̱vi̱ra̱k nogo, itizik zin enne kuulo cik lo̱rye̱nta̱k. Izek ne, “I̱nna̱ kuuloci ci aditi iin ki utug ko̱, iyowa re̱e̱nu̱n ngati e̱e̱t necu, ma ngen a̱mi̱ro̱ni̱k nonno bo̱do̱k.”

Lu̱ka̱ 13:12

Baling icin Ye̱su̱ nonno, utu zin ngaa neci ngooli ke̱ kar kizek ne, “Ngaa cu, ogjai i̱nna̱ morize necu.”

Lu̱ka̱ 4:40

Baling okko i̱i̱ i̱i̱zo̱, anyakttak ol Ye̱su̱ ol cik anyak mo̱ri̱zzo̱k cik aavtte do̱ do̱, kar zin enne katadek nogo azzin e̱co̱de̱ e̱co̱de̱ do̱o̱k kubunnta.

Lu̱ka̱ 4:41

Iyokta zin kuulo cik lo̱rye̱nta̱k ngati ol cik meelek giir, kegerenyit, “E̱e̱ni̱ i̱nna̱ Ngerrti Ta̱mu̱ta̱dde̱no̱!” Ma̱i̱je̱ enne egerenyek nogo, iróng aanyik nogo kozozit, eci nege a̱gga̱ ming een enne Ki̱ri̱sto̱.

Buk wa To̱ni̱a̱u̱ 5:15

Imma zin zo̱ze̱ necu, anyakttak ol cik omori go̱o̱llo̱k kar abunna ri̱ri̱to̱ni̱ ci Peturu i̱i̱na̱k u̱gge̱ ming owo enne goola.