Ma̱te̱yo̱ 8:10 - Tennet

¹⁰ Baling izik Ye̱su̱ zoz neci niko, u̱ku̱le̱k je̱e̱n kar kizek koole cik annu nonno ko̱ ne, “Ka̱du̱wa̱kku̱ng zoz ci een de̱de̱, ngen kumuda e̱e̱t imma ci anyak tu̱we̱ne̱t ci okkomi lo̱o̱ce̱ ci Israilo ki e̱e̱ti̱ cu.

Ma̱te̱yo̱ 8:10 ပူးပေါင်းရင်းမြစ်များ

Kananet 43:33

Aavtte ol ne̱ke̱ ojonun ki nonno ki baling a̱rri̱ta̱i̱ nege ke̱, akane ngati e̱e̱t ci een a̱bu̱ kuk rok wa vu̱rrto̱; egelem nege e̱le̱tti̱ cigge̱k ka̱ma̱li̱ltte̱ o̱o̱tti̱.

Ma̱te̱yo̱ 15:28

Abarizek zin Ye̱su̱ nonno, “Ngaa cu, anyai i̱nna̱ tu̱we̱ne̱t ci a̱ppwe̱. Kelema zin anna zoz cunne.” Kar zin buweenyinne kubunna i̱i̱ neci ele niko.

Ma̱te̱yo̱ 8:11

Ka̱nne̱kku̱ng ne, a̱vvu̱ atin ol cik meelek o̱to̱ne̱ ci je̱e̱ni̱ ki nyigja, ovvo atin nege adak kwo̱o̱r ozol ki ciko Aburaham ki I̱sa̱ko̱ ki Ya̱ko̱bo̱ ba̱a̱li̱nte̱ ci ta̱mu̱-kengo.

Ma̱te̱yo̱ 8:9

Kanyai anna aciir cik a̱ddi̱ki̱re̱ ngatinanni, anyak bo̱do̱k aciir cik ka̱ddi̱ki̱rne̱ anna nogo. Ming ka̱nne̱k co̱de̱ ne, ‘Bito,’ okko enne de̱de̱. Ka̱nne̱k bo̱do̱k co̱de̱ ne, ‘I̱jja̱,’ a̱kku̱ zin. Ka̱nne̱i̱ du̱ca̱i̱t cinanni ‘Tu̱gu̱ gi̱i̱ cu,’ ogon enne de̱de̱.”

Marko 6:6

A̱ku̱le̱k enne nogo zo̱ze̱ ci iróng nege anyak tu̱we̱ne̱t. Oto zin Ye̱su̱ u̱lu̱c o̱ro̱gjo̱k edemez ol o̱ro̱gjo̱we̱.

Lu̱ka̱ 5:20

Baling icin Ye̱su̱ tu̱we̱ne̱t cinne̱ng, ize zin ne, “Goona, kalaleya anna i̱nne̱t mu̱nye̱n cigunnek.”

Lu̱ka̱ 7:50

U̱du̱wa̱k zin Ye̱su̱ ngaa, “I̱ti̱ri̱zi̱ i̱nne̱t tu̱we̱ne̱t cunne; bit yahe.”

Lu̱ka̱ 7:9

Baling izik Ye̱su̱ zoz necu, u̱ku̱le̱k enne nonno, kar zin kutuhuwe kicin zu̱we̱ ne̱k annu nonno ke̱, kar kize ne, “Ka̱du̱wa̱kku̱ng, ngen anna kumuda tu̱we̱ne̱t ci ogon niko udut Israila.”

Buk wa To̱ni̱a̱u̱ 2:7

A̱ma̱li̱ltte̱ ol o̱o̱tti̱ kar bo̱do̱k ku̱ku̱lte̱k je̱e̱n oroot, i̱jji̱nto̱ zin nege, “Ma dim ol ciko do̱o̱k iróng een olli Ga̱li̱li̱?