Ma̱te̱yo̱ 7:21 - Tennet

²¹ “Iróng ol do̱o̱k wak a̱nne̱ka̱ ne, ‘Manyi, Manyi,’ i̱i̱zo̱ atin ba̱a̱li̱ne̱t ci ta̱mu̱-kengo, abarik i̱i̱zo̱ atin ol wak azunne ti̱lo̱wi̱ne̱t ci Baba wa aave ta̱mu̱-kenga.

Ma̱te̱yo̱ 7:21 ပူးပေါင်းရင်းမြစ်များ

Ma̱te̱yo̱ 12:50

Ming ogon e̱e̱ti̱ imma li̱ngli̱ngo̱n ci Baba wa aave ta̱mu̱-kenga ko̱, een enne gotona ki ngoona ki yaatanni.”

Ma̱te̱yo̱ 16:17

O̱bo̱de̱k zin Ye̱su̱, a̱nne̱k ne, “A̱mu̱yu̱i̱ Ta̱mu̱ta̱dde̱n i̱nne̱ta̱ Si̱mo̱ne̱ ngerrti Jonah, eci iróng een e̱e̱t ci diiri ci a̱du̱wa̱ki̱ zoz neci, Baba ta̱mu̱-kenga ci i̱ye̱le̱i̱ i̱nne̱t zoz necu do̱o̱k.

Ma̱te̱yo̱ 18:10

“Ma zin ibbezzu do̱le̱c co̱de̱ ṯok doolinne ne̱ko̱. Ka̱du̱wa̱kku̱ng eci anjilonya cigge̱k acin ngu̱m ci Baatanni odohize wa aave ta̱mu̱-kenga.

Ma̱te̱yo̱ 18:19

“Ka̱du̱wa̱kku̱ng bo̱do̱k zoz cu dee, ming elemtta ol cik een rama zo̱ze̱ emani lo̱o̱ta̱ ngatu kaale cik a̱jji̱nnu̱, ogon atin Baba bu̱k ta̱mu̱-kenga.

Ma̱te̱yo̱ 18:3

Kar kize ne, “Ka̱du̱wa̱kku̱ng zoz ci een de̱de̱, abunna ming ungneku mu̱nye̱n cuggo̱k lo̱o̱c, kar u̱tu̱gu̱z ki i̱yo̱ko̱ dooli cikidik ko̱, iróng atin i̱zzo̱yu̱ ba̱a̱li̱ne̱t ci ta̱mu̱-kengo.

Ma̱te̱yo̱ 18:35

“Gool zin ci atin ogonekku̱ng atin Baba wa aave ta̱mu̱-kenga ko̱ necu, ming iróng niga alalnekku goonu zinine cunne.”

Ma̱te̱yo̱ 19:24

Ka̱du̱wa̱kku̱ng dee, abarik obokce ngati naganagawo ngati i̱zo̱we̱ orotenit wa een volongnyoit ko̱, okkomi zin ngati e̱e̱t ci een bo̱to̱ro̱c kar ki̱tto̱ ba̱a̱li̱ne̱t ci Ta̱mu̱ta̱dde̱no̱ ta̱mu̱-kenga.”

Ma̱te̱yo̱ 25:10

“Imma baling ovvo nege uuta maal dukana, i̱ki̱ya̱ zin rucaiti. Oot zin dooli balik e̱re̱ye̱ nginati ke̱ i̱tto̱zzo̱ ki nonno ce̱e̱z ci a̱ru̱we̱ ol eezen. Kar zin tatug kunyuge.

Ma̱te̱yo̱ 25:21

“O̱bo̱de̱k zin ddi̱ki̱ryo̱i̱ti̱ a̱nne̱k ne, ‘Abunna oroot, e̱e̱ni̱ i̱nna̱ du̱ca̱i̱t ci abunna, kar bo̱do̱k nyak zinin ci alali. A̱gga̱mu̱ i̱nna̱ lodet cik kidik ko̱ zinine ci alali, i̱yo̱ko̱ zin kaanyi atin gga̱m kaal cigannik meelek. I̱jja̱ ozolit talninet ki ddi̱ki̱ryo̱i̱t cunne.

Ma̱te̱yo̱ 26:39

Uk zin enne reena idic niko, kar ku̱lu̱le̱ kicin lo̱o̱c, ala Ta̱mu̱ta̱dde̱n, azi ne, “Baba! Ming elema i̱nna̱ aara uduc ci piryanzeto ngatinanni. Korongi anna zoz cunne ku̱tu̱gu̱we̱ iróng een cinanni.”

Ma̱te̱yo̱ 26:42

Utungek bo̱do̱k nogo kar kuk kala Ta̱mu̱ta̱dde̱n, azi ne, “Baba! Ming iróng i̱nna̱ aara uduc ci piryanzeto ngatinanni, tu̱gu̱ ki ci orongi i̱nna̱.”

Marko 3:35

Ming ogon e̱e̱ti̱ zoz ci orong Ta̱mu̱ta̱dde̱n, een enne gotona ki ngoona ki yaatanni.”

Marko 9:47

Ming aanyi e̱be̱re̱ci̱ cunne tu̱gu̱ mu̱nye̱n, aarak e̱be̱re̱c neci tu̱. Maya abarik ming i̱i̱zo̱ ba̱a̱li̱ne̱t ci Ta̱mu̱ta̱dde̱no̱ e̱be̱re̱ce̱ co̱de̱, ngati weete i̱zo̱we̱ eberene do̱o̱k a̱ju̱ko̱ni̱k nginti gwo̱o̱yo̱,

Lu̱ka̱ 11:28

O̱bo̱de̱k zin Ye̱su̱ nonno, “U̱mu̱yu̱kte̱ zin abarik ol wak aziye zoz ci Ta̱mu̱ta̱dde̱no̱ kar ko̱to̱ngo̱o̱ltte̱ zoz neci.”

Lu̱ka̱ 13:25

Ming okko manyi ce̱e̱z ingazi lak co̱de̱ kar kunyug tatug, abilnnu atin niga reena ilalu oṯokṯokwanu tatug, ‘Ddi̱ki̱ryo̱i̱t, oowikket agit tatug.’ “Ma̱i̱je̱ atin enne abarizi, ‘Iróng anna ka̱gga̱yyu̱ng icima a̱vvu̱nnu̱ niga nga.’

Lu̱ka̱ 18:25

De̱de̱, obokce abarik ngati naganaga kar ki̱tto̱ orotenit wa een volongnyoit eenycine ol ko̱, kommog i̱to̱i̱t, ngati kar ki̱tto̱ ba̱a̱li̱ne̱t ci Ta̱mu̱ta̱dde̱no̱.”

Lu̱ka̱ 6:46

“Nya ming awuyang odohize niga a̱nne̱kka̱ng ne, ‘Manyi, Manyi,’ kar ngatu iróng ogonnu kaal cik ka̱du̱wa̱ anna ko̱?

Kaviyak wak Abunna Ta̱mu̱ta̱dde̱no̱ eher Joni 14:7

Ming a̱gga̱yya̱ng, a̱gga̱yyu̱ Baba bu̱k. Akane i̱yo̱ko̱ niko kuk, a̱gga̱yyu̱ nonno kar bo̱do̱k icinntu nonno bu̱k.”

Kaviyak wak Abunna Ta̱mu̱ta̱dde̱no̱ eher Joni 15:23

Ming amarinna e̱e̱ti̱ annit, amarine e̱e̱ti̱ neci Baba bu̱k.

Kaviyak wak Abunna Ta̱mu̱ta̱dde̱no̱ eher Joni 3:5

O̱bo̱de̱k zin bo̱do̱k Ye̱su̱ nonno, a̱nne̱k ne, “Ka̱du̱wa̱ki̱ zoz de̱de̱, iróng e̱e̱ti̱ imma i̱i̱zo̱ ba̱a̱li̱ne̱t ci Ta̱mu̱ta̱dde̱no̱ ming ngen ki̱ti̱rra̱i̱ maame ki Vongiza.

Kaviyak wak Abunna Ta̱mu̱ta̱dde̱no̱ eher Joni 5:17

Izek zin abarik Ye̱su̱ nogo ne, “Ma̱rri̱t Baba a̱li̱ngli̱ngi̱ rok i̱yo̱ko̱, ka̱li̱ngli̱ngi̱ zin anna bu̱k.”

Kaviyak wak Abunna Ta̱mu̱ta̱dde̱no̱ eher Joni 6:40

Eci gi̱i̱ ci orong Baba icu, ming acin e̱e̱ti̱ imma Ngerinne, kar zin ku̱tu̱ zoz cinne, amuda ruget wa aave udut, kar atin anna kitingawe nonno i̱i̱te̱n ci okko looci aṯurneke.”

Kaviyak wak Abunna Ta̱mu̱ta̱dde̱no̱ eher Joni 7:17

Ming anyak e̱e̱t ci orong ki̱li̱ngli̱nge̱ de̱mzi̱ne̱t ci Ta̱mu̱ta̱dde̱no̱, amuda atin enne keng ci de̱mzi̱ne̱t necu a̱kku̱ ngati Ta̱mu̱ta̱dde̱no̱ icima kozozi de̱mzi̱ne̱t ci a̱kku̱ o̱o̱we̱ cinanni do̱.

Buk wa To̱ni̱a̱u̱ 14:22

edemez nuyak kar bo̱do̱k ku̱du̱kta̱k nogo kokkomit kak tu̱we̱nte̱ cinne̱ng. A̱nne̱k nege nuyak ne, “Abunna la̱du̱n ming kamuda pirnanet ci a̱ppwe̱ kar ki̱tto̱z ba̱a̱li̱ne̱t ci Ta̱mu̱ta̱dde̱no̱.”

Roma 12:2

Ma abakku baiz ci abahe ol cik lo̱o̱tu̱ ko̱, abarik aanycik Ta̱mu̱ta̱dde̱n kutuhu zi̱nze̱tti̱ ciggo̱k ki gool ci i̱no̱nnu̱ niga, kar izet ol cik ogon kaal cik abunna irez enne.

Roma 2:13

Elemi Ta̱mu̱ta̱dde̱n ol wak o̱ngo̱o̱le̱ lo̱ti̱nno̱k ciginnek, iróng enne elemi ol wak aziye gaganiko.

Evesos 6:6

Ma a̱li̱ngli̱nge̱kku̱ nogo ming aavtte nege to do̱, abarik i̱li̱ngli̱nge̱t kiwagon du̱cca̱ha̱ cik Ki̱ri̱sto̱, u̱tu̱gu̱z li̱ngli̱ngo̱n ci Ta̱mu̱ta̱dde̱no̱ zi̱nze̱tti̱nne̱ cuggo̱k do̱o̱k.

Kolosiya 4:12

I̱tto̱na̱kku̱ng zin bo̱do̱k e̱e̱ti̱ ci een zara Epaphras zawinet cinne i̱ge̱ta̱, een enne e̱e̱t ci orog cunno̱ng kar kize du̱ca̱i̱t ci a̱li̱ngli̱ng zoz ci Ye̱su̱ Ki̱ri̱sto̱. Alawekkung gon enne i̱ge̱t Ta̱mu̱ta̱dde̱n odohize kar ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱, ngati ogonnu zoz ci orong enne i̱ge̱t u̱tu̱gu̱z do̱o̱k.

1 Te̱se̱lo̱ni̱ka̱ 4:3

Azi zin Ta̱mu̱ta̱dde̱n ne ma a̱u̱llu̱ e̱le̱tti̱ ngati orootonu ki ngaai, a̱gga̱mi̱t e̱le̱tti̱ ki̱li̱le̱c.

1 Te̱se̱lo̱ni̱ka̱ 5:18

aanycik Ta̱mu̱ta̱dde̱n odohize zany kaale do̱o̱k, eci een necu zoz ci odola Manyi kize cunno̱ng ngati a̱tu̱yyu̱ Ye̱su̱ Ki̱ri̱sto̱ wa atahalai.

Ti̱to̱ 1:16

A̱du̱wa̱k nyakanganeta ne̱k volongak ol zoz ci azi ne ka̱gga̱yya̱ Ta̱mu̱ta̱dde̱n, ma̱i̱je̱ abarik abure Ta̱mu̱ta̱dde̱n go̱o̱le̱ ci abahe nege. Ogon kaal cik gerzek.

I̱bu̱ru̱ 13:21

nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.

I̱bu̱ru̱ 4:6

Ngen zin atin ol uggak i̱i̱zo̱ lo̱o̱c cinne i̱ye̱be̱ze̱ ko̱, imma ol balik iziyyet kaviyak cik abunna, iróng atin nege i̱i̱zo̱ lo̱o̱c cinne i̱ye̱be̱ze̱ eci nege utuburet zoz ci Ta̱mu̱ta̱dde̱no̱.

Je̱mi̱s 1:22

Ma aziknnu zoz ci Ta̱mu̱ta̱dde̱no̱ gaganiko, kar zin u̱lu̱te̱t e̱le̱tti̱ cuggo̱k. U̱tu̱gu̱z zoz ci a̱du̱wa̱ zoz neci.

1 Peturu 2:15

Orong Ta̱mu̱ta̱dde̱n i̱ge̱ta̱ abunna ming ogonnu kaal cik abunna kar amarta ol wak a̱zze̱ o̱o̱tti̱ tarbalik ozozung i̱ge̱ta̱ go̱o̱le̱ ci gerze.

1 Peturu 4:2

I̱ye̱le̱kke̱t zin zoz necu zoz ci azi ne, utungteu niga kaal cik mu̱nye̱nu̱ amin zi̱nze̱tti̱ ciggo̱k ko̱ do̱o̱k lo̱o̱c, orongnyu u̱tu̱gu̱z zoz ci Ta̱mu̱ta̱dde̱no̱ baize cunno̱ng.

O̱no̱zzo̱k 2:27

‘Abal atin enne nogo coole ci alaanzetu ci een zi̱i̱t; azan atin enne ol lo̱o̱co̱we̱ kiwagon i̱jjo̱ ci a̱li̱be̱’ Ki ming kumuda anna alaanzet ngati Baba ko̱.

O̱no̱zzo̱k 22:14

“A̱ma̱yu̱kte̱ ol wak uuny ru̱u̱ma̱ni̱ cigge̱k, agano atin nege ki keet ci rugeto kar ki̱tto̱zzo̱ arana koot o̱rge̱ ci a̱ddi̱ki̱re̱ ecito.

O̱no̱zzo̱k 3:5

Ming anime e̱e̱ti̱ imma no̱ngi̱tto̱n ki nege, abunna ming aim ru̱u̱ma̱ni̱ cik voorik. Iróng atin anna kaara zar ciginnek warage ci rugeto, abarik atin ka̱du̱wa̱ zar ciginnek ngati aave Baba ki anjilonya ciginnek do̱o̱k bu̱k.