Ma̱te̱yo̱ 6:25 - Tennet

²⁵ “I̱yo̱ko̱ zin ka̱du̱wa̱kku̱ng, ma o̱ngo̱o̱li̱nnu̱ zoz ci obod ki ruget cunno̱ng, icima i̱no̱nnu̱ nya ci adakku icima ci auddu; icima zoz ci e̱le̱tti̱ cuggo̱k, aimnyu atin nya. Ma dim rugeti iróng riil kommog da̱i̱ne̱t, okko ele riil kommog ru̱u̱ma̱ni̱?

Ma̱te̱yo̱ 6:25 ပူးပေါင်းရင်းမြစ်များ

Ma̱te̱yo̱ 10:19

Abarik ming arikkung e̱e̱ti̱ imma lagam, ma o̱ngo̱o̱li̱nnu̱ gi̱i̱ imma, icima anyakku i̱no̱ni̱ zo̱ze̱ ci ovvo atin a̱du̱wa̱nnu̱. Imma i̱i̱te̱ne̱ neci, anyonikkung zoz ci ovvo atin niga a̱du̱wa̱nnu̱.

Ma̱te̱yo̱ 13:22

Imma i̱nyo̱mo̱na̱ cik i̱i̱na̱k biila ko̱, ogon ki ol cik aziye kaviyak cik abunna. Kar zi̱nze̱tti̱ cigge̱k kibilet je̱e̱na̱ kaale cik orong nege baiza, acin i̱to̱kze̱t ci lo̱o̱tu̱, kar kutungttek kaviyak ne̱ke̱ lo̱o̱c.

Ma̱te̱yo̱ 6:31

“Ma zin anyikku zi̱nze̱tti̱ kibilet je̱e̱na̱, a̱nnu̱ ne ‘Kadak atidic naga nya?’ Icima ‘Kaud atidic naga nya?’ Icima ‘Kaimnya atin naga nya?’

Ma̱te̱yo̱ 6:34

I̱yo̱ko̱ zin, ma anyikku zi̱nze̱tti̱ kibilet zo̱ze̱ ci lo̱ze̱ti̱nu̱, okko atin zoz ci lo̱ze̱ti̱nu̱ edeca ele manyi. Anyak i̱i̱te̱ni̱ do̱o̱k kaal cigge̱k.

Marko 13:11

Ming a̱gga̱mnyu̱ng ol kar zin kanyaktaung lo̱ki̱ko̱, ma o̱ngo̱o̱li̱nnu̱ zoz ci a̱du̱wa̱nnu̱. Du̱wa̱ zoz ci a̱jji̱n nege i̱i̱te̱n neci, eci amire ki i̱ge̱t cik ozozu, abarik ozoz Vongizi ci A̱li̱le̱.

Marko 4:19

ma̱i̱je̱ ming i̱no̱n nege kaal wak baizak, ki lu̱te̱ne̱t wa oronge e̱e̱ti̱ kize jaitot, okko zoz necu adudut zoz bali izik e̱e̱ti̱ ke̱, kar zoz neci iróng ngen anyaha zoz ci abunna.

Lu̱ka̱ 12:11

“Ming anyaktaung ol i̱ge̱t Ce̱e̱zi̱ cik Lawinto, ngati aavtte alaata ki lo̱ddi̱ki̱re̱ cik gaalau, ma o̱ngo̱o̱li̱nnu̱ zoz ci ovvo atin niga a̱du̱wa̱nnu̱ eelannu e̱le̱tti̱ cuggo̱k,

Lu̱ka̱ 8:14

Imma i̱nyo̱mo̱na̱ ne̱k i̱i̱na̱k biila ko̱, atubo ki ol wak aziye zoz ci Ta̱mu̱ta̱dde̱no̱ kar ming ovvo nege ovvo gool cinne̱ng, adal nogo no̱ngi̱tto̱na̱ cik baizo, i̱tto̱kze̱t ki zoz ci adahe ol botorzet, iróng nege ngen anyaha o̱ya̱u̱ cik abunna.

Roma 8:32

Aanyyet Ta̱mu̱ta̱dde̱n Ngerinne agit kize wawac. Baling aanyyet enne muci ci a̱ddi̱ki̱re̱ ko̱, ma i̱yo̱ko̱ naga ming ki̱no̱n do̱o̱k, iróng wo̱ye̱ enne aanyyet gi̱i̱ imma ci korong naga?

1 Ko̱ri̱nto̱ 7:32

Korongnyung anna i̱ge̱t a̱vvu̱t labak ki̱zze̱c rok kaal cik i̱no̱nnu̱ niga zi̱nze̱tti̱nne̱ cuggo̱k. Imma e̱e̱ti̱ ci ngen kuruco, arik zinin li̱ngli̱ngo̱n ci Manyi, eci ogon enne li̱ngli̱ngo̱n lo̱o̱ta̱ ngatu aanyik Manyi katalo zo̱ze̱ cinne.

Vilipia 4:6

Ma anyikku zi̱nze̱tti̱ kibilet je̱e̱na̱ zo̱ze̱ ci kaalu, abarik alac Ta̱mu̱ta̱dde̱n kaale do̱o̱k zi̱nze̱tti̱nne̱ cik alali ngati anyikku nonno zany.

2 Ti̱mo̱te̱yo̱ 2:4

Iróng e̱e̱ti̱ ci ogon ki aciiroci a̱li̱ngli̱nge̱k Ye̱su̱ ko̱ i̱i̱zo̱ li̱ngli̱ngo̱n ci aave do̱. Ogon enne li̱ngli̱ngo̱n neci ju̱rru̱m abunna ming atali Manyi.

1 Peturu 5:7

Kodongtek Ta̱mu̱ta̱dde̱n kaal wak gerzek ogonekku̱ng ol ko̱ do̱o̱k, eci enne een e̱e̱t ci azunnung.