Ma̱te̱yo̱ 6:24 - Tennet

²⁴ “Iróng zin e̱e̱ti̱ co̱de̱ a̱li̱ngli̱nge̱k ol rama lak co̱de̱. Ogon ki i̱yo̱ko̱, icima abure co̱de̱ kar kirez co̱de̱. Arike wo̱ye̱ enne co̱de̱ zinin, kar kebezbezan co̱de̱. Iróng wo̱ye̱ niga a̱li̱ngli̱ngnyu̱ kaal rama, Ta̱mu̱ta̱dde̱n ki zoz ci o̱ro̱bi̱ya̱u̱.

Ma̱te̱yo̱ 6:24 ပူးပေါင်းရင်းမြစ်များ

Kananet 47:17

Anyakttak zin nege kaal cigge̱k Yosevo, kar enne kaanyik nogo labi, atal vartange ngatinne̱ng, ki a̱zza̱ ki eeza, ki tiin ki zi̱gi̱re̱. Kar enne keela nogo e̱rki̱t neci ngati ataline kaal cigge̱k labine.

Ma̱te̱yo̱ 4:10

Obodike Ye̱su̱ nonno, “Nyehe ngatinanni, Sitan, e̱he̱rye̱ buwe ci Ta̱mu̱ta̱dde̱no̱ azi ne, ‘Di̱ngdi̱nga̱n Manyi Ta̱mu̱ta̱dde̱n kar li̱ngli̱ngo̱zi̱k nonno do̱.’”

Lu̱ka̱ 16:11

Ming iróng niga a̱gga̱yyu̱ gga̱mi̱ne̱t i̱to̱kze̱t ci lo̱o̱tu̱ ngatu, ngene atin ci a̱a̱nyu̱ng a̱gga̱mi̱t i̱to̱kze̱t wa een de̱de̱?

Lu̱ka̱ 16:13

“I̱llo̱i̱ du̱ca̱i̱t imma ci a̱li̱ngli̱nge̱k ddi̱ki̱ryyo̱k rama. A̱li̱ngli̱ng atin enne ngati ddi̱ki̱ryo̱i̱t co̱de̱ kar kamaroi co̱de̱, icima a̱li̱ngli̱nge̱k enne co̱de̱ kar kutubur co̱de̱. Iróng wo̱ye̱ niga a̱li̱ngli̱nge̱kku̱ Ta̱mu̱ta̱dde̱n ki o̱ro̱bi̱ya̱.”

Lu̱ka̱ 16:9

Ka̱du̱wa̱kku̱ng anna i̱ge̱ta̱, i̱li̱ngli̱ngte̱ i̱to̱kze̱t ci lo̱o̱tu̱ abunna ming amudannu gonogget, ming okko i̱to̱kze̱t neci edeccai, kar atin ol kelemtaung i̱ge̱ta̱ baize ci abakku udut.

Ga̱la̱ti̱a̱ 1:10

Iróng anna ke̱e̱ni̱ e̱e̱t ci ka̱ru̱we̱k ol do̱ldo̱l. Korongi ki̱li̱ngli̱nge̱k Ta̱mu̱ta̱dde̱n do̱ niko. Ming kuwahek ol kaviyak cik orong nege do̱ niko, iróng wo̱ye̱ anna ke̱e̱ni̱ du̱ca̱i̱t ci Ki̱ri̱sto̱.

1 Ti̱mo̱te̱yo̱ 6:17

Ti̱lo̱ ol wak e̱e̱ggi̱n bo̱to̱ro̱ lo̱o̱ta̱ ko̱, gerza ming aarik zi̱nze̱tti̱ kaal ne̱k anyak nege ke̱. Abarik du̱wa̱k nogo kartik zi̱nze̱tti̱ Ta̱mu̱ta̱dde̱n wa een bo̱to̱ro̱c aanyyet kaal do̱o̱k kar naga katalte baiz.

2 Ti̱mo̱te̱yo̱ 4:10

ma̱rri̱t e̱e̱ti̱ ci een zara Demasi irez kaal cik lo̱o̱tu̱, utungeya lo̱o̱c, kar ki̱mi̱re̱ kuk o̱rge̱ ci een Te̱se̱lo̱ni̱ka̱. Okko Cresceni lo̱o̱ce̱ ci een zara Ga̱la̱ti̱a̱, ma̱i̱je̱ Ti̱to̱ okko lo̱o̱ce̱ ci een zara Dalamatiya.

Je̱mi̱s 4:4

Niga ol cik iróng o̱ngo̱o̱le̱ Ta̱mu̱ta̱dde̱n ko̱, iróng niga a̱gga̱yyu̱ rezinet ci kaal cik lo̱o̱tu̱ ming anyaha marnonet ki Ta̱mu̱ta̱dde̱n? Ming orong e̱e̱ti̱ imma kirez kaal cik lo̱o̱tu̱, ize enne mo̱dde̱ni̱t ci Ta̱mu̱ta̱dde̱no̱.