Ma̱te̱yo̱ 6:2 - Tennet

² “Ming amuci i̱nna̱ e̱e̱t ci amati, ma ogonnu ki ol wak een nyamuttok ogon kiwagon ol wak a̱ru̱k talaben Ce̱e̱zi̱nne̱ wak Lawinto ko̱, ki bo̱do̱k go̱o̱lo̱we̱ abunna o̱ngo̱o̱le̱ ol nogo. Ka̱du̱wa̱kku̱ng zoz ci een de̱de̱, amuda atin nege rezinet ci ollu, iróng atin nege ngen amuda muci ci Ta̱mu̱ta̱dde̱no̱.

Ma̱te̱yo̱ 6:2 ပူးပေါင်းရင်းမြစ်များ

Ma̱te̱yo̱ 15:7

Niga ol wak a̱ru̱kku̱ talaben ko̱! Ilem a̱ri̱to̱i̱ti̱ ci zoz ci Ta̱mu̱ta̱dde̱no̱ wa een zara Isaya baling u̱du̱wa̱ zoz cunno̱ng ke̱:

Ma̱te̱yo̱ 16:3

imma ming ma̱ri̱k di̱i̱z nge̱rre̱t, een looci i̱do̱ye̱ wazin do̱o̱k.’ Aganiku niga cinenet kaal cik aavtte ta̱mu̱-kenga, iróng zin niga ikebju kaal cik a̱vu̱la̱ odohize ngati acinnu.

Ma̱te̱yo̱ 22:18

Ma̱i̱je̱ Ye̱su̱ a̱gga̱ zoz ci gerze anyak nege zi̱nze̱tti̱nne̱. Ize zin ne, “Niga ol wak a̱ru̱kku̱ talaben, nya ming orongnyu annit ku̱yu̱we̱ ko̱?

Ma̱te̱yo̱ 23:5

“Imma kaala ne̱k ogon nege ko̱, ogone abunna ming acin ol. Aburccek gon nege ru̱u̱ma̱ni̱ cik u̱u̱ntti̱k lawinto, ecebek e̱le̱tti̱ kaal cikidik ogon ki a̱mi̱le̱ eheronik zo̱zo̱wa̱ cik Ta̱mu̱ta̱dde̱no̱, kar ol kicinnet;

Ma̱te̱yo̱ 23:6

atali nege ka̱vvu̱to̱ olle oowa lecerete cik ommog cik ollu ngati adahe ol kwo̱o̱r, kar bo̱do̱k Ce̱e̱zi̱nne̱ wak Lawinto.

Ma̱te̱yo̱ 24:51

A̱kku̱ atin manyi ce̱e̱z neci, okko a̱ru̱k du̱ca̱i̱t neci oroot kar kotowek du̱cca̱k wak a̱ru̱k talaben, nginti a̱lu̱we̱ atin nege nyigite cik lo̱o̱tu̱.”

Ma̱te̱yo̱ 5:18

Ka̱du̱wa̱kku̱ng zoz wa een de̱de̱ okko atin ta̱mu̱-kengi ki lo̱o̱c a̱zze̱. Ku̱du̱wa̱ anna iróng atin gi̱i̱ imma a̱zze̱ lo̱ti̱nno̱we̱ ne̱ko̱. Abarik akati atin lo̱ti̱nno̱wa̱ wak e̱he̱rye̱ Buwe ci Ta̱mu̱ta̱dde̱no̱ ko̱ mo̱o̱le̱t.

Ma̱te̱yo̱ 6:16

“Ming i̱ya̱yi̱nnu̱ niga, ma ogonnu ki ol wak a̱ru̱k talaben eci i̱ye̱li̱ne̱ nege ngu̱mti̱ cigge̱k ming i̱ya̱ye̱. Ka̱du̱wa̱kku̱ng zoz wa een de̱de̱, u̱mu̱dda̱ nege kaal cik orong nege lo̱o̱ta̱ ngatu do̱o̱k, iróng een ta̱mu̱-kenga.

Ma̱te̱yo̱ 6:3

Abarik ming anyike e̱e̱t ci amati gi̱i̱ imma, ma anyike e̱e̱t imma ka̱gga̱,

Ma̱te̱yo̱ 6:5

“Ming alayu niga Ta̱mu̱ta̱dde̱n, ma ogonnu kiwagon ol wak a̱ru̱k talaben, eci nege atali lawinet ci alawe Ta̱mu̱ta̱dde̱n ngati abilne Ce̱e̱zi̱nne̱ wak Lawinto kar bo̱do̱k go̱o̱lo̱we̱, kar ol kicinnet nogo. Ka̱du̱wa̱kku̱ng zoz wa een de̱de̱, irez wo̱ye̱ ol nogo lo̱o̱ta̱ ngatu, ma̱i̱je̱ ta̱mu̱-kenga, iróng zin atin nege amuda bunnat ci Ta̱mu̱ta̱dde̱no̱.

Ma̱te̱yo̱ 7:5

E̱e̱ni̱ i̱nna̱ e̱e̱t ci a̱ru̱wa̱ talaben, aara arrak keet ci a̱ddi̱ki̱re̱ e̱be̱re̱ce̱ cunne, kar zin cinno ju̱rru̱m kar aara artenit cidicilim e̱be̱re̱ce̱ ci gononu ko̱.

Marko 12:39

Orong nege katahalta lecerit cik a̱zi̱ze̱ Ce̱e̱zi̱nne̱ wak Lawinto, kar bo̱do̱k koronggit ka̱vvu̱to̱ ngati riili ngati adahe ol kwo̱o̱r.

Marko 7:6

O̱bo̱de̱k zin Ye̱su̱ nogo, “Ilem bali a̱ri̱to̱i̱ti̱ ci zoz ci Ta̱mu̱ta̱dde̱no̱ een Isaya baling a̱du̱wa̱ zoz ci obod ki i̱ge̱t ol wak a̱ru̱kku̱ talaben zo̱ze̱ ci a̱gga̱yyu̱ Ta̱mu̱ta̱dde̱n; e̱he̱rye̱ buwe ci Ta̱mu̱ta̱dde̱no̱, azi ne, “‘Ireza ol ne̱ke̱ annit u̱tu̱ge̱tti̱ne̱, ma̱i̱je̱ zi̱nze̱tti̱nne̱ cigge̱k aavtte reena ngatinanni.

Lu̱ka̱ 11:41

Abarik anycik kaal ne̱k ecito ko̱ ol cik amati, ovvo atin kaala do̱o̱k a̱zi̱ze̱ ngatunne.

Lu̱ka̱ 11:43

“O̱lle̱ bai ciggo̱k olli Varacisi ke̱, eci niga irezzu leceret cik riilik Ce̱e̱zi̱nne̱ wak Lawinto ki zawinet ol cuwa.

Lu̱ka̱ 12:33

U̱tu̱yye̱k kaal cik anyakku niga ko̱, kar anycik o̱ro̱bi̱ya̱ ol cik amati. Idimantek e̱le̱tti̱ cuggo̱k de̱he̱rwa̱ cik iróng egerzanne, eezet ci aave ta̱mu̱-kenga ci iróng atin edeccai, nginti iróng anyak ogoryak cik a̱vvu̱ ojonun kar bo̱do̱k i̱llo̱i̱ ngazengaze cik egerzanni.

Lu̱ka̱ 12:56

Niga ol wak a̱ru̱kku̱ talaben ko̱! A̱gga̱yyu̱ niga ming a̱du̱wa̱nnu̱ kaal cik i̱ye̱la̱i̱ lo̱o̱ta̱ ngatu ki cik aavtte ta̱mu̱-kenga. Ogon zin ku̱ ci iróng niga a̱gga̱yyu̱ kar u̱du̱kta̱ kaal cik i̱i̱nya̱ ciko ko̱?”

Lu̱ka̱ 13:15

O̱bo̱de̱k zin Manyi nonno, “Niga ol cik a̱ru̱kku̱ talaben ko̱! Iróng gon niga do̱o̱k I̱i̱te̱ne̱ wa Yu̱bze̱nto̱ owanu tiin icima zi̱gi̱re̱ boora kar aanycik maam?

Lu̱ka̱ 20:46

“U̱zu̱tte̱ de̱me̱zzo̱k wak lo̱ti̱nno̱u̱! Eci nege owo aim ru̱u̱ma̱ni̱ cik u̱u̱ntti̱k kar kirezit ming izza ol nogo cuwa, kar kanyait lecerit cik riilik Ce̱e̱zi̱nne̱ wak Lawinto ki ngintik adahe ol kwo̱o̱r.

Lu̱ka̱ 6:24

“Abarik o̱lle̱ cuggo̱k ol wak e̱e̱ggi̱n bo̱to̱ro̱, eci niga a̱gga̱mta̱u̱ kaal cik a̱a̱nyu̱ng talninet.

Lu̱ka̱ 6:42

A̱nne̱k wo̱ye̱ i̱nna̱ goonu ne, ‘Ja keelawi kaara lojilingoc ci anyai i̱nna̱ e̱be̱re̱ca̱ ko̱,’ imma ngatu i̱nna̱ anyai keet ci a̱ddi̱ki̱re̱ e̱be̱re̱ce̱ cunne ci ommog veelek, iróng wo̱ye̱ i̱nna̱ a̱a̱dda̱ bu̱k? A̱ru̱i̱ i̱nna̱ talaben. Aara arrak keet ci a̱ddi̱ki̱re̱ e̱be̱re̱ce̱ cunne, kar zin cin lojilingoc cidici e̱be̱re̱ce̱ ci gononu ju̱rru̱m.”

Kaviyak wak Abunna Ta̱mu̱ta̱dde̱no̱ eher Joni 13:29

I̱no̱n uggak ngatinne̱ng eci Judasi a̱gga̱m o̱bo̱n ci o̱ro̱bi̱ya̱u̱, a̱nne̱k i̱yo̱ko̱ Ye̱su̱ nonno ne, “Tuwa da̱i̱ne̱t cik kwo̱o̱ra̱k,” icima anyik kanyik o̱ro̱bi̱ya̱ u̱gge̱ ol cik amati.

Kaviyak wak Abunna Ta̱mu̱ta̱dde̱no̱ eher Joni 5:41

Ozoz Ye̱su̱ dee, azi ne, “Iróng anna korongi e̱e̱t ci diiri ki̱di̱ngdi̱nga̱na̱n.

Kaviyak wak Abunna Ta̱mu̱ta̱dde̱no̱ eher Joni 5:44

Elemnyyu wo̱ye̱ ku̱ ming a̱di̱ngdi̱nga̱nnu̱ niga e̱le̱tti̱ ciggo̱k ko̱, iróng abarik ngen orongnyu urubta di̱ngdi̱nga̱ni̱ne̱t wa a̱kku̱ ngati Ta̱mu̱ta̱dde̱n, wa o̱de̱ ṯok.

Kaviyak wak Abunna Ta̱mu̱ta̱dde̱no̱ eher Joni 7:18

Imma e̱e̱ti̱ ci ozoz zoz o̱o̱we̱ cinne do̱, orong ki̱di̱ngdi̱nga̱ni̱t ol nonno, abarik e̱e̱ti̱ wa ozoz zoz ci e̱e̱t wa i̱tto̱na̱na̱ ko̱, a̱di̱ngdi̱nga̱n nonno, een e̱e̱t ci ozoz zoz ci een de̱de̱, iróng enne anyak volong.

Buk wa To̱ni̱a̱u̱ 10:2

Een Korneliosi ki ollinne do̱o̱k ol cik o̱ngo̱o̱le̱ Ta̱mu̱ta̱dde̱n, eela enne ol cik apirna kar gon kala Ta̱mu̱ta̱dde̱n odohize.

Buk wa To̱ni̱a̱u̱ 10:31

kar kize ne, ‘Kornelio, izik Ta̱mu̱ta̱dde̱n lawinet cunne ki muci wak eelanne i̱nna̱ ol wak amati ko̱.

Buk wa To̱ni̱a̱u̱ 10:4

Egelem zin Kornelio nonno bba̱ri̱to̱na̱. Kar zin ki̱jji̱no̱, “Nya, ddi̱ki̱ryo̱i̱t?” O̱bo̱de̱k zin anjilo nonno, a̱nne̱k ne, “Uzucca lawinet cunne ki muci wak eelanne i̱nna̱ ol wak amati ko̱ Ta̱mu̱ta̱dde̱n.

Buk wa To̱ni̱a̱u̱ 11:29

Kar zin nuyaha, nege do̱o̱k arizete cinne̱ng, orongit kar keelta gotonogget wak a̱tu̱we̱ aavtte lo̱o̱ce̱ ci Ju̱de̱ya̱.

Buk wa To̱ni̱a̱u̱ 24:17

“Baling ka̱vvu̱ e̱rki̱nya̱ cik meelek oroot reena, ka̱ku̱nni̱ zin anna Jerusalem, kar ki̱ki̱ya̱ kanyahak ol cigannik amati muci kar kapahek wawac Ta̱mu̱ta̱dde̱n.

Buk wa To̱ni̱a̱u̱ 9:36

Anyak nuyait imma ci nga̱a̱ye̱ een zara Tabita, azi keng cik zar ciginnek ne Dorkas, a̱kku̱ enne o̱rge̱ ci een zara Joppa, ogon da̱ gon kaal cik abunna kar bo̱do̱k keela ol wak amati.

Roma 12:8

Ming anyak e̱e̱ti̱ arizet ci i̱lo̱te̱ ol, abunna ming i̱lo̱t ol ju̱rru̱m. Ming anyak e̱e̱ti̱ arizet ci amuce enne ol, anyik kumuc ol ju̱rru̱m. Ming anyak e̱e̱ti̱ arizet ci abale ol, abunna ming abal ol ju̱rru̱m. Ming anyak e̱e̱ti̱ zinin ci a̱ti̱ri̱ze̱ ol, abunna ming a̱ti̱ri̱z ol ju̱rru̱m.

1 Ko̱ri̱nto̱ 13:3

Ma wo̱ye̱ nu̱nu̱n kanyike kaal cigannik ol wak amati ko̱ do̱o̱k, icima ka̱da̱i̱ ngati katuzene gwo̱o̱ya̱ kar keelai e̱e̱t imma, imma ngatu i̱llo̱i̱ rezinet ci kireze ol, i̱llo̱i̱ atin gi̱i̱ ci karuba anna. Maya ming kirezi ol.

Ga̱la̱ti̱a̱ 2:10

A̱jji̱nne̱t abunna keelanna ol wak amati, zoz zin ci aalna zinine cinanni kar ku̱tu̱gu̱ ko̱ necu.

Evesos 4:28

Anyik e̱e̱t ci bali gon een ogoryait kutungek ogor lo̱o̱c, abunna akane li̱ngli̱ngo̱n eliye cinne kar kumuda kaal cik orong enne go̱o̱le̱ ci abunna, kar gon enne kumuc ol u̱gge̱ bu̱k.

1 Te̱se̱lo̱ni̱ka̱ 2:6

Iróng ba̱li̱ye̱ naga korongnya ol u̱gge̱ icima i̱ge̱t kecebtet ceremi. Ming nu̱nu̱n ke̱e̱ggi̱nna̱ to̱ni̱a̱k cik Ki̱ri̱sto̱, iróng korongnya kaanycung nga̱bo̱lo̱ ci e̱le̱me̱tti̱ cigga̱k.

1 Ti̱mo̱te̱yo̱ 6:18

Du̱wa̱k nogo ku̱tu̱gu̱zzo̱ kaal cik abunna, kar kizeto itok zo̱ze̱ ci abunna kar kizeto ol cik i̱i̱rke̱ orong kar kozolit kaal ki ol.

Vilomene 1:7

Gotona tu̱we̱nta̱, aanya rezinet cunne talninet oroot ki zoz ci abunna, eci i̱nna̱ anyike zi̱nze̱tti̱ cik ol wak a̱tu̱we̱ katalto.

I̱bu̱ru̱ 13:16

Abunna ming ogonnu kaal cik abunna, kar ozolit kaal ki ol wak amati. Een necu muci ci elemi Ta̱mu̱ta̱dde̱n.

1 Peturu 4:11

Ming anyak e̱e̱ti̱ arizet zoza, aanyik nonno kuwahek ol zoz ci Ta̱mu̱ta̱dde̱no̱ wa een nonno ele. Ming anyak e̱e̱ti̱ zinin ci kar keela ol, anyik nonno keela ol doize bali aanyik nonno Ta̱mu̱ta̱dde̱n la̱du̱n ke̱. Kar ol kinnatit Ta̱mu̱ta̱dde̱n kaale do̱o̱k zo̱ze̱ ci Ye̱su̱ Ki̱ri̱sto̱. Imma zin zo̱ze̱ cinne aave di̱ngdi̱ngo̱ni̱ ki komiz atin udut. Amen.