Ma̱te̱yo̱ 6:16 - Tennet

¹⁶ “Ming i̱ya̱yi̱nnu̱ niga, ma ogonnu ki ol wak a̱ru̱k talaben eci i̱ye̱li̱ne̱ nege ngu̱mti̱ cigge̱k ming i̱ya̱ye̱. Ka̱du̱wa̱kku̱ng zoz wa een de̱de̱, u̱mu̱dda̱ nege kaal cik orong nege lo̱o̱ta̱ ngatu do̱o̱k, iróng een ta̱mu̱-kenga.

Ma̱te̱yo̱ 6:16 ပူးပေါင်းရင်းမြစ်များ

Ma̱te̱yo̱ 6:1

“Zuute, ma ogoni kaal cik abunna kicinnet ebere do̱o̱k. Ming ogonnu niga kicinnet ebere do̱o̱k, iróng atin ngen amudannu bunnat ci Be̱e̱ti̱nno̱ng wa aave ta̱mu̱-kenga.

Ma̱te̱yo̱ 6:2

“Ming amuci i̱nna̱ e̱e̱t ci amati, ma ogonnu ki ol wak een nyamuttok ogon kiwagon ol wak a̱ru̱k talaben Ce̱e̱zi̱nne̱ wak Lawinto ko̱, ki bo̱do̱k go̱o̱lo̱we̱ abunna o̱ngo̱o̱le̱ ol nogo. Ka̱du̱wa̱kku̱ng zoz ci een de̱de̱, amuda atin nege rezinet ci ollu, iróng atin nege ngen amuda muci ci Ta̱mu̱ta̱dde̱no̱.

Ma̱te̱yo̱ 6:5

“Ming alayu niga Ta̱mu̱ta̱dde̱n, ma ogonnu kiwagon ol wak a̱ru̱k talaben, eci nege atali lawinet ci alawe Ta̱mu̱ta̱dde̱n ngati abilne Ce̱e̱zi̱nne̱ wak Lawinto kar bo̱do̱k go̱o̱lo̱we̱, kar ol kicinnet nogo. Ka̱du̱wa̱kku̱ng zoz wa een de̱de̱, irez wo̱ye̱ ol nogo lo̱o̱ta̱ ngatu, ma̱i̱je̱ ta̱mu̱-kenga, iróng zin atin nege amuda bunnat ci Ta̱mu̱ta̱dde̱no̱.

Marko 2:18

I̱yo̱ko̱ i̱ya̱ye̱ nuyaha cik Joni ki olli Varacisi. I̱vi̱ta̱ ol uggak i̱jji̱nne̱t Ye̱su̱, “Nya nuyaha cik Joni ki nuyak cik Varacisi ming i̱ya̱ye̱ ko̱, ma̱i̱je̱ cigunnek iróng i̱ya̱ye̱?”

Lu̱ka̱ 18:12

Ki̱ya̱ye̱ anna lak rama biranoca, kaanyi anna i̱nne̱ta̱ Ta̱mu̱ta̱dde̱n gi̱i̱ co̱de̱ kaale cik e̱e̱ggi̱n omoto kanyai anna do̱o̱k.’

Lu̱ka̱ 2:37

kar zin kize enne boya kizeto e̱rki̱nya̱ ciginnek moten tu̱rge̱ ki we̱c. Ngen enne kutungek Ce̱e̱z wa Ta̱mu̱ta̱dde̱no̱ lo̱o̱c i̱i̱te̱n imma, abarik ala Ta̱mu̱ta̱dde̱n kaal tu̱p, i̱ya̱ye̱ kar kalawo.

Buk wa To̱ni̱a̱u̱ 10:30

O̱bo̱de̱k zin Korneliosi nonno: “I̱i̱nya̱ balik een we̱c ovvo ke̱, kala bali anna Ta̱mu̱ta̱dde̱n ce̱e̱ze̱ cinanni koor cu, i̱i̱ i̱i̱yo̱ yo̱mo̱na̱. Ataman ne̱ko̱ ibil e̱e̱ti̱ imma ci ataltali ru̱u̱ma̱ni̱ ngu̱me̱ cinanni

Buk wa To̱ni̱a̱u̱ 14:23

Atahaltta Pa̱u̱lo̱ ki Barnabas lo̱ddi̱ki̱re̱ u̱gge̱ ke̱le̱ci̱a̱nya̱i̱ do̱o̱k kabalit gonoggi, kar zin nege kalayo ki̱ya̱yo̱ ngati alawek nogo Manyi ci aarik nege zi̱nze̱tti̱ cigge̱k ko̱.

1 Ko̱ri̱nto̱ 7:5

Ma aburnnu e̱le̱tti̱ ngati ooginu nga̱to̱de̱, abunna ming a̱ju̱ra̱nu̱ e̱le̱tti̱ ming ngen alayu Ta̱mu̱ta̱dde̱n arrak do̱yo̱i̱t. Kar zin vu̱rrta̱, urumte ki ngaa cunne, gerza ming okko sitani atimanin, eci iróng e̱e̱ti̱ ci diiri anyak komiz ci azunne ele cinne.

2 Ko̱ri̱nto̱ 11:27

Ka̱li̱ngli̱ngi̱ gon oroot kipira, ki̱zze̱c rok ungnyak. Kowo kodok keng kak i̱llo̱i̱ rok maam cik kaudi. Audda gon lajo oroot eci i̱llo̱i̱ ru̱u̱m ci kabungenne.

2 Ko̱ri̱nto̱ 6:5

i̱i̱te̱n imma a̱ru̱kke̱t ol, kokoltet lagam, kar koole ki̱gi̱dde̱tta̱, ka̱li̱ngli̱ngnya̱ naga oroot, i̱llo̱i̱ rok da̱i̱ne̱t ki ungnyak bu̱k.