Ma̱te̱yo̱ 6:13 - Tennet

¹³ Ma anyike ol kitimanteta, abarik eelawet lo̱rye̱nta̱.’

Ma̱te̱yo̱ 6:13 ပူးပေါင်းရင်းမြစ်များ

Kananet 22:1

Baling abak Aburahami e̱rki̱to̱k u̱gge̱ lo̱o̱ce̱ neci, itiman zin Ta̱mu̱ta̱dde̱n Aburaham. A̱nne̱k nonno ne, “Aburaham!” Awe zin enne azi ne, “Annit icu.”

Lu̱ge̱z 15:18

Abal atin Manyi lo̱o̱c udut kuṯurei looci.”

Ma̱te̱yo̱ 26:41

“Cinno kar la Ta̱mu̱ta̱dde̱n gerza ming i̱i̱na̱k timaninet. Elemi vongizi cunne, imma ele iróng uule.”

Ma̱te̱yo̱ 28:20

Edemezit nogo abunna ming o̱ngo̱o̱le̱ kaal cik ka̱du̱wa̱kku̱ng anna i̱ge̱t ko̱ do̱o̱k. Kaave atin ngati een i̱ge̱t odohize, rok nginti aṯurneke looci.”

Ma̱te̱yo̱ 5:37

Ming elema i̱nna̱ zoz neci, lema, ming aburi, tuburo, ming anyak zoz imma ci ommog necu, a̱kku̱ lo̱rye̱nta̱.

Ma̱te̱yo̱ 6:10

Anyik alaanzet cunne ki̱ki̱ya̱k lo̱o̱c, kar ol ki̱li̱ngli̱ngte̱ zoz cunne lo̱o̱co̱we̱ do̱o̱k ki i̱yo̱ko̱ ta̱mu̱-kenga ko̱.

Kaviyak wak Abunna Ta̱mu̱ta̱dde̱no̱ eher Joni 17:15

Iróng zin i̱yo̱ko̱ kalayi kar eenyek demezyak wagannik lo̱o̱ta̱ ngatu, abarik kalayi kar zuute nogo lo̱rye̱nta̱.

1 Ko̱ri̱nto̱ 10:13

Imma timaninet ci a̱kku̱na̱kku̱ng ko̱, a̱kku̱nna̱k gon ol do̱o̱k. Abarik zin gon Ta̱mu̱ta̱dde̱n azunne zoz ci u̱du̱wa̱ enne ngatinna, iróng anyike gi̱i̱ imma kitimannung kommog doiz cunno̱ng, abarik a̱a̱nyu̱ng i̱ge̱t doiz ci ommogju timaninet neci.

1 Ko̱ri̱nto̱ 14:16

Ming inati i̱nna̱ Ta̱mu̱ta̱dde̱n vongize cunne, iróng wo̱ye̱ e̱e̱ti̱ ci aavtiyyu ki i̱nne̱t ojonun ko̱ a̱gga̱ gool kar kize ne, “Amen” eci enne iróng a̱gga̱ inati i̱nna̱ Ta̱mu̱ta̱dde̱n zo̱ze̱ ci niyo.

2 Ko̱ri̱nto̱ 1:20

U̱du̱wa̱ Ye̱su̱ zo̱zzo̱k cik Ta̱mu̱ta̱dde̱no̱ do̱o̱k een de̱de̱. Ka̱di̱ngdi̱nga̱n zin gon naga nonno ngati ka̱nne̱ke̱ ne Amin.

Ga̱la̱ti̱a̱ 1:4

A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱.

1 Te̱se̱lo̱ni̱ka̱ 1:10

ngati e̱re̱yyu̱ Ye̱su̱ Ngerinne, wa atin obodak lo̱o̱c ta̱mu̱-kenga, bali ingane enne daiza. Eelannet atin agit do̱o̱k kar kilittet mozinet ci Ta̱mu̱ta̱dde̱no̱ ci atin okko enne edeze ol cik abure iróng a̱tu̱ zoz ci Ye̱su̱.

2 Te̱se̱lo̱ni̱ka̱ 3:3

Ma̱i̱je̱ Manyi abunna, ka̱gga̱yya̱ niko ming a̱a̱nyu̱ng komiz kar zin bo̱do̱k kebeung ngati lo̱rye̱nto̱.

1 Ti̱mo̱te̱yo̱ 1:17

Kala alaan kar bo̱do̱k ki̱di̱ngdi̱nga̱n nonno wa abak udut, wa iróng a̱da̱i̱, wa iróng kacin eberene, nonno Ta̱mu̱ta̱dde̱n o̱de̱ ṯok! Ko̱to̱ngo̱o̱ltte̱ nonno udut. I̱i̱ny.

I̱bu̱ru̱ 11:36

Atararte ol u̱gge̱ kar ki̱bi̱cce̱t bo̱i̱ci̱ a̱lle̱ne̱. Eceb u̱gge̱ zo̱o̱ lagama.

1 Peturu 5:8

U̱zu̱tte̱ e̱le̱tti̱ ciggo̱k eci lo̱rye̱nti̱ wa een mo̱dde̱ni̱t cunno̱ng e̱re̱ye̱ goola kiwagon maa wa a̱rru̱k ngati orong kar kadaho.

2 Peturu 2:9

Ming een zoz necu de̱de̱, a̱gga̱ Manyi gool ci eelanne enne ol wak a̱tu̱ nonno, ngati amudanne nege no̱ngi̱tto̱n kar ka̱gga̱m olli mu̱nye̱nu̱ kar kedez nogo, ere ki̱ki̱ya̱ i̱i̱te̱ni̱ ci ettede enne lo̱ki̱ko̱.

1 Jon 3:8

Imma e̱e̱ti̱ ci ogon mu̱nye̱n ko̱, een enne e̱e̱t ci lo̱rye̱nto̱, eci lo̱rye̱nti̱ u̱tu̱gu̱ mu̱nye̱n arrak oowa kanante ci lo̱o̱tu̱. A̱kku̱ zin Ngerrti Ta̱mu̱ta̱dde̱no̱ kar ki̱ki̱ya̱ kidita li̱ngli̱ngo̱n ci lo̱rye̱nto̱.

O̱no̱zzo̱k 1:18

Ke̱e̱ni̱ anna e̱e̱t ci karugi, ka̱da̱ha̱ ba̱li̱ye̱, i̱yo̱ko̱ karugi udut, kanyai a̱tte̱ cinanni jooro cik daizak ki nginti daizo.”

O̱no̱zzo̱k 19:1

Ma bali vu̱rrta̱ kiziya muluk ci oroi oroot ta̱mu̱-kenga kiwagon koole ming awalwali: “Kinnatit Ta̱mu̱ta̱dde̱n! A̱kku̱ ti̱ri̱ze̱ne̱t ki di̱ngdi̱ngo̱n ki doiz ngati Ta̱mu̱ta̱dde̱n cinna,

O̱no̱zzo̱k 19:4

Imma bali vu̱rrta̱, a̱ka̱tte̱k zin lo̱ddi̱ki̱re̱ cik e̱e̱ggi̱n moten rama ki we̱c ki kaal cik aruge e̱e̱ggi̱n we̱c u̱zu̱ngti̱nne̱ kar ki̱di̱ngdi̱nga̱ni̱t Ta̱mu̱ta̱dde̱n ngati aave enne lecera. Kar nege kizeto ne, “Een de̱de̱, kinnatit Ta̱mu̱ta̱dde̱n!”

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.

O̱no̱zzo̱k 21:4

A̱vi̱la̱ atin enne ti̱la̱lo̱ eberene cigge̱k. I̱zzi̱ atin bo̱do̱k daizi to icima mozinet icima u̱lu̱wa̱ icima u̱u̱ce̱z, eci kaala balik reentik ke̱ i̱zze̱c to ne dakdak.”

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.

O̱no̱zzo̱k 3:14

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ wa a̱ddi̱ki̱re̱ een zara Laodicea waraga cu: E̱e̱ggi̱n ne̱ko̱ zo̱zzo̱k cik E̱e̱t ci een De̱de̱, e̱e̱t ci abunna, ibbac zoz de̱de̱, nonno ci abal kaal cik Ta̱mu̱ta̱dde̱no̱ veelek.

O̱no̱zzo̱k 5:13

Kiziya zin kaal wak aruge e̱e̱ggi̱n we̱c do̱o̱k ta̱mu̱-kenga, lo̱o̱ta̱ ki lo̱o̱c todowai ecito nyatapare ci a̱ddi̱ki̱re̱, ki kaal cik aruge lo̱o̱ta̱ do̱o̱k ming e̱be̱ne̱: “Kanyikka inatinet ki ngo̱li̱ne̱t, ki di̱ngdi̱ngo̱n e̱e̱t ci aave lecera ko̱ ki Nyoon kinnatit nonno kar ko̱to̱ngo̱o̱ltte̱ nonno kar i̱di̱ngdi̱nga̱nni̱t nonno wa anyak komiz ci abale enne ol udut!”