Ma̱te̱yo̱ 6:10 - Tennet

¹⁰ Anyik alaanzet cunne ki̱ki̱ya̱k lo̱o̱c, kar ol ki̱li̱ngli̱ngte̱ zoz cunne lo̱o̱co̱we̱ do̱o̱k ki i̱yo̱ko̱ ta̱mu̱-kenga ko̱.

Ma̱te̱yo̱ 6:10 ပူးပေါင်းရင်းမြစ်များ

Ma̱te̱yo̱ 12:50

Ming ogon e̱e̱ti̱ imma li̱ngli̱ngo̱n ci Baba wa aave ta̱mu̱-kenga ko̱, een enne gotona ki ngoona ki yaatanni.”

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Ma̱te̱yo̱ 26:42

Utungek bo̱do̱k nogo kar kuk kala Ta̱mu̱ta̱dde̱n, azi ne, “Baba! Ming iróng i̱nna̱ aara uduc ci piryanzeto ngatinanni, tu̱gu̱ ki ci orongi i̱nna̱.”

Ma̱te̱yo̱ 3:2

a̱nne̱k ol ne, “Uturtta mu̱nye̱n ciggo̱k eci ba̱a̱li̱ne̱t ci ta̱mu̱-kengo ize ojon.”

Ma̱te̱yo̱ 4:17

Imma i̱nya̱we̱ ne̱ke̱ akate Ye̱su̱ de̱mzi̱ne̱t azi ne, “Uturtta mu̱nye̱n, eci ize ojon ba̱a̱li̱ne̱t ci ta̱mu̱-kengo.”

Ma̱te̱yo̱ 7:21

“Iróng ol do̱o̱k wak a̱nne̱ka̱ ne, ‘Manyi, Manyi,’ i̱i̱zo̱ atin ba̱a̱li̱ne̱t ci ta̱mu̱-kengo, abarik i̱i̱zo̱ atin ol wak azunne ti̱lo̱wi̱ne̱t ci Baba wa aave ta̱mu̱-kenga.

Marko 11:10

“A̱mu̱yu̱we̱ alaanzet ci a̱kku̱ ngati be̱e̱ti̱nna̱ Da̱vi̱de̱!” “Kinnatit Ta̱mu̱ta̱dde̱n ta̱mu̱-kenga!”

Marko 3:35

Ming ogon e̱e̱ti̱ zoz ci orong Ta̱mu̱ta̱dde̱n, een enne gotona ki ngoona ki yaatanni.”

Lu̱ka̱ 19:11

Baling ngen ol wak owo ki Ye̱su̱ ko̱ aziye de̱mzi̱ne̱t cinne, u̱du̱wa̱k zin enne nogo bo̱do̱k tubzenet cu, eci enne ojongoz Jerusalem kar ol ki̱no̱ni̱t kizeto ne okko ba̱a̱li̱ne̱t ci Ta̱mu̱ta̱dde̱no̱ i̱ye̱la̱i̱ lak co̱de̱.

Lu̱ka̱ 19:38

“U̱mu̱yu̱k Ta̱mu̱ta̱dde̱n e̱e̱t ci a̱kku̱ zare cik Manyi!” “Aave gano ta̱mu̱-kenga ki di̱ngdi̱ngo̱n ci aave ta̱dde̱na̱!”

Lu̱ka̱ 22:42

“Baba, ming elemi i̱nna̱, dima uduc ci piryanzeto ko̱ ngatinanni; iróng zoz cinanni abarik aanyik zoz cunne ku̱tu̱gu̱we̱.”

Kaviyak wak Abunna Ta̱mu̱ta̱dde̱no̱ eher Joni 4:34

Ize Ye̱su̱ ne, “Een da̱i̱ne̱t cigannik li̱ngli̱ngo̱n ci e̱e̱t bali i̱tto̱na̱na̱ ke̱, kar ku̱tu̱gu̱ bak kedeca.

Kaviyak wak Abunna Ta̱mu̱ta̱dde̱no̱ eher Joni 6:40

Eci gi̱i̱ ci orong Baba icu, ming acin e̱e̱ti̱ imma Ngerinne, kar zin ku̱tu̱ zoz cinne, amuda ruget wa aave udut, kar atin anna kitingawe nonno i̱i̱te̱n ci okko looci aṯurneke.”

Kaviyak wak Abunna Ta̱mu̱ta̱dde̱no̱ eher Joni 7:17

Ming anyak e̱e̱t ci orong ki̱li̱ngli̱nge̱ de̱mzi̱ne̱t ci Ta̱mu̱ta̱dde̱no̱, amuda atin enne keng ci de̱mzi̱ne̱t necu a̱kku̱ ngati Ta̱mu̱ta̱dde̱no̱ icima kozozi de̱mzi̱ne̱t ci a̱kku̱ o̱o̱we̱ cinanni do̱.

Buk wa To̱ni̱a̱u̱ 13:22

Baling okko Ta̱mu̱ta̱dde̱n aara Saul alaanzeta, aragizek Da̱vi̱de̱ kize alaan cinne̱ng. U̱du̱wa̱k Ta̱mu̱ta̱dde̱n nogo zoz ci obod ki Da̱vi̱de̱: ‘Kumuda anna Da̱vi̱de̱ ngerrti Jesse, een e̱e̱t ci kirezi anna oroot; ogon atin kaal cik korongi anna nonno ku̱tu̱gu̱ do̱o̱k.’

Buk wa To̱ni̱a̱u̱ 21:14

Baling iróng enne ngen aziye zoz cinna̱ng, kutungteya naga nonno do̱, kar kizetta ne, “Manyi, anyik li̱ngli̱ngo̱n cunne ku̱tu̱gu̱we̱.”

Buk wa To̱ni̱a̱u̱ 22:14

“Kar enne kize ne: ‘Atahalai bali Ta̱mu̱ta̱dde̱n wa ji̱ji̱ti̱gga̱c i̱nne̱ta̱ kar gga̱ zoz cinne kar cin E̱e̱t wa O̱de̱ Abunna kar bo̱do̱k zik zoz utuge cinne.

Roma 12:2

Ma abakku baiz ci abahe ol cik lo̱o̱tu̱ ko̱, abarik aanycik Ta̱mu̱ta̱dde̱n kutuhu zi̱nze̱tti̱ ciggo̱k ki gool ci i̱no̱nnu̱ niga, kar izet ol cik ogon kaal cik abunna irez enne.

Evesos 6:6

Ma a̱li̱ngli̱nge̱kku̱ nogo ming aavtte nege to do̱, abarik i̱li̱ngli̱nge̱t kiwagon du̱cca̱ha̱ cik Ki̱ri̱sto̱, u̱tu̱gu̱z li̱ngli̱ngo̱n ci Ta̱mu̱ta̱dde̱no̱ zi̱nze̱tti̱nne̱ cuggo̱k do̱o̱k.

Kolosiya 1:13

Eci enne eelawet agit baize ci mu̱hu̱ri̱ kar kanyait ba̱a̱li̱ne̱t ci Ngerinne irez enne ko̱,

Kolosiya 1:9

Imma zin zo̱ze̱ necu, baling kizikta zoz cunno̱ng, ngen naga kibilizta lawinet Ta̱mu̱ta̱dde̱n zo̱ze̱ cunno̱ng kar ka̱a̱nyu̱ng genyiz ci Vongizo ki gga̱wa̱ne̱t zoz.

1 Te̱se̱lo̱ni̱ka̱ 4:3

Azi zin Ta̱mu̱ta̱dde̱n ne ma a̱u̱llu̱ e̱le̱tti̱ ngati orootonu ki ngaai, a̱gga̱mi̱t e̱le̱tti̱ ki̱li̱le̱c.

1 Te̱se̱lo̱ni̱ka̱ 5:18

aanycik Ta̱mu̱ta̱dde̱n odohize zany kaale do̱o̱k, eci een necu zoz ci odola Manyi kize cunno̱ng ngati a̱tu̱yyu̱ Ye̱su̱ Ki̱ri̱sto̱ wa atahalai.

I̱bu̱ru̱ 1:14

E̱e̱ggi̱n anjilonya cik Ta̱mu̱ta̱dde̱no̱ vongizzok cik i̱tto̱na̱ Ta̱mu̱ta̱dde̱n kar ki̱li̱ngli̱ngto̱zi̱k ol wak amuda ti̱ri̱ze̱ne̱t ci Ta̱mu̱ta̱dde̱no̱.

I̱bu̱ru̱ 10:36

Abunna ming Animnyu no̱ngi̱tto̱n, kar u̱tu̱gu̱z kaal cik orong Ta̱mu̱ta̱dde̱n. Kar atin urubta kaal balik u̱du̱wa̱ enne ke̱.

I̱bu̱ru̱ 10:7

Kar zin anna bo̱do̱k kize ne, ‘Ta̱mu̱ta̱dde̱n bai, ka̱kku̱ni̱ anna kar ki̱ki̱ya̱ ku̱tu̱gu̱ li̱ngli̱ngo̱n cunne, ki baling e̱he̱rye̱ buwe cunne ke̱.’”

I̱bu̱ru̱ 13:21

nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.

1 Peturu 2:15

Orong Ta̱mu̱ta̱dde̱n i̱ge̱ta̱ abunna ming ogonnu kaal cik abunna kar amarta ol wak a̱zze̱ o̱o̱tti̱ tarbalik ozozung i̱ge̱ta̱ go̱o̱le̱ ci gerze.

1 Peturu 4:2

I̱ye̱le̱kke̱t zin zoz necu zoz ci azi ne, utungteu niga kaal cik mu̱nye̱nu̱ amin zi̱nze̱tti̱ ciggo̱k ko̱ do̱o̱k lo̱o̱c, orongnyu u̱tu̱gu̱z zoz ci Ta̱mu̱ta̱dde̱no̱ baize cunno̱ng.

O̱no̱zzo̱k 11:15

Utubu zin anjilo wa een turgerem annu gonoggi ko̱ ture cinne, anyak zin ba̱li̱ye̱ mulukwa cik oroi ta̱mu̱-kenga, azi ne, “Ize i̱yo̱ko̱ alaanzet ci lo̱o̱tu̱ ko̱ alaanzet ci Manyitinna ki Ki̱ri̱sto̱ wainne, kar atin enne kabal lo̱o̱c udut.”

O̱no̱zzo̱k 12:10

Kar zin anna kizik muluk ci a̱ppwe̱ ta̱mu̱-kenga, azi ne, “I̱yo̱ko̱ i̱ki̱ya̱ ti̱ri̱ze̱ne̱t ki doiz ki ba̱a̱li̱ne̱t ci Ta̱mu̱ta̱dde̱no̱, ki alaanzet ci Ki̱ri̱sto̱ cinne. Eci e̱e̱ti̱ ci ovolonge ol wak a̱tu̱we̱, ci gon ovolonge nogo ngati Ta̱mu̱ta̱dde̱no̱ ba̱a̱li̱n ki wazin ko̱, u̱ju̱ko̱zi̱k lo̱o̱c.

O̱no̱zzo̱k 19:6

Kar zin anna kizik mulukwa cik ogon ki ol cik meelek giir, oroi kiwagon maama cik a̱ri̱i̱, a̱ju̱l kiwagon borowoci: “Kinnatit Ta̱mu̱ta̱dde̱n! Eci Manyitinna Ta̱mu̱ta̱dde̱n wa anyak Komiz do̱o̱k ci abal lo̱o̱c.

O̱no̱zzo̱k 20:4

Kedenya anna leceret cik aavtte ol cik anyonik komizi kar kettedit lo̱ki̱ko̱. Kar anna kicin vongizzok cik ol balik u̱ru̱kte̱ zo̱ze̱ ci edemze nege zoz ci Ye̱su̱ kar bo̱do̱k uwahek ol zoz ci Ta̱mu̱ta̱dde̱no̱. Iróng nege ba̱li̱ye̱ a̱di̱ngdi̱nga̱n e̱le̱gi̱t icima ri̱ri̱to̱n cinne, iróng bo̱do̱k nege anyak baayenit ci aave ngu̱mtti̱nne̱ icima azzine. I̱vi̱tta̱k nege ruget kar kabalit lo̱o̱c ki Ki̱ri̱sto̱ e̱rki̱nya̱ i̱bbo̱ng co̱de̱ (1,000).