Ma̱te̱yo̱ 6:1 - Tennet

¹ “Zuute, ma ogoni kaal cik abunna kicinnet ebere do̱o̱k. Ming ogonnu niga kicinnet ebere do̱o̱k, iróng atin ngen amudannu bunnat ci Be̱e̱ti̱nno̱ng wa aave ta̱mu̱-kenga.

Ma̱te̱yo̱ 6:1 ပူးပေါင်းရင်းမြစ်များ

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 16:6

Kar zin Ye̱su̱ kizek nogo ne, “U̱zu̱tte̱ e̱le̱tti̱, zo̱ze̱ ci kidikidir ci adakku da̱i̱ne̱t cik anyak nyigit cik meertak olli Varacis ki Saddocis.”

Ma̱te̱yo̱ 23:13

“O̱lle̱ ciggo̱k ol wak een de̱me̱zzo̱k wak lo̱ti̱nno̱k wak Musesi ki olli Varacis ko̱, niga ol cik a̱ru̱kku̱ talaben! Unygtu niga ba̱a̱li̱ne̱t ci ta̱mu̱-kengo ngati acine ol cik diirik. Iróng atin niga bu̱k e̱le̱tti̱ne̱ cuggo̱k i̱zzo̱yu̱, icima anyikku ol ne̱k orong ki̱tto̱zo̱ ko̱.

Ma̱te̱yo̱ 23:5

“Imma kaala ne̱k ogon nege ko̱, ogone abunna ming acin ol. Aburccek gon nege ru̱u̱ma̱ni̱ cik u̱u̱ntti̱k lawinto, ecebek e̱le̱tti̱ kaal cikidik ogon ki a̱mi̱le̱ eheronik zo̱zo̱wa̱ cik Ta̱mu̱ta̱dde̱no̱, kar ol kicinnet;

Ma̱te̱yo̱ 25:40

“Kar zin alaani kabarizek nogo, azi ne, ‘Ka̱du̱wa̱kku̱ng zoz ci een de̱de̱, ming u̱tu̱gu̱we̱u̱ i̱nna̱ kaal ne̱ko̱ gotonogga icima ngonogga cik iróng ol edeconik ko̱, U̱tu̱gu̱we̱ya̱ i̱nna̱ annita!’

Ma̱te̱yo̱ 5:16

Ogon zin baizi ci ol cik diirik ki urez ci ataran ce̱e̱z, aanycik zin urezwa ciggo̱k katalanyit kataranit ol, kar nege kicinnet bunnat cunno̱ng, kar zin nege kinnatit Be̱e̱ti̱nno̱ng wa aave ta̱mu̱-kenga.

Ma̱te̱yo̱ 5:46

Ming irezzu niga ol wak irezzung i̱ge̱t do̱, amuccu̱ng wo̱ye̱ atin Ta̱mu̱ta̱dde̱n zo̱ze̱ necu? Amudannu atin niga nya ci abunna? Iróng ol wak gerzek a̱gga̱ma̱ ol mucuru ko̱ irez gonoggi do̱ niko?

Ma̱te̱yo̱ 5:48

Abarik zin abunna ming abakku baiz ci abunna ki Ta̱mu̱ta̱dde̱n cinno̱ng wa een Be̱e̱ti̱nno̱ng wa aave ta̱mu̱-kenga ko̱.

Ma̱te̱yo̱ 6:16

“Ming i̱ya̱yi̱nnu̱ niga, ma ogonnu ki ol wak a̱ru̱k talaben eci i̱ye̱li̱ne̱ nege ngu̱mti̱ cigge̱k ming i̱ya̱ye̱. Ka̱du̱wa̱kku̱ng zoz wa een de̱de̱, u̱mu̱dda̱ nege kaal cik orong nege lo̱o̱ta̱ ngatu do̱o̱k, iróng een ta̱mu̱-kenga.

Ma̱te̱yo̱ 6:9

“Gool zin ci kar niga alaye Ta̱mu̱ta̱dde̱n icu: “‘Be̱e̱ti̱nna̱ng wa aave ta̱mu̱-kenga, anyik zar cigunnek ki̱li̱le̱c,

Marko 8:15

A̱nne̱k Ye̱su̱ nogo ne, “U̱zu̱tte̱ e̱le̱tti̱, egenyyit ngati nyigit cik meertak Varacisi ki He̱ro̱d.”

Lu̱ka̱ 11:35

Cin nonno, kar zin, iróng tukuleci eliye cunne ko̱ een mu̱hu̱ri̱te̱n.

Lu̱ka̱ 12:1

Baling u̱lu̱tte̱ koole cik e̱e̱ggi̱n i̱bbo̱nge̱t cik meelek, oroco zin nege zoone oroot, akate zin Ye̱su̱ ozozik arrak nuyak ciginnek, “Ebeit e̱le̱tti̱ cuggo̱k ngati ol cik Varacisi e̱e̱ggi̱n volongnyok, ogon nege ki nyigita cik meertak.

Lu̱ka̱ 12:15

Kar enne kizek nogo ne, “Icinnet ju̱rru̱m! U̱zu̱tte̱ e̱le̱tti̱ ciggo̱k kar abunna iróng niga anyakku zi̱nze̱tti̱ cik a̱ppi̱nte̱k; riil rugeti ci e̱e̱t ci diiri kommog kaal cik meelek.”

Lu̱ka̱ 16:15

Kar zin enne kizek nogo ne, “Orongnyu niga i̱ye̱lta̱ e̱le̱tti̱ cuggo̱k izet ol cik abunnanu eberene cik ollu, ma̱i̱je̱ Ta̱mu̱ta̱dde̱n a̱gga̱ zi̱nze̱tti̱ ciggo̱k. Imma kaala cik irez ol cik lo̱o̱tu̱ oroot, e̱e̱ggi̱n kaal cik gerzek ngu̱me̱ ci Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 12:43

Orong nege rezinet ci ol cik diirik oroot, iróng orong rezinet ci Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 5:44

Elemnyyu wo̱ye̱ ku̱ ming a̱di̱ngdi̱nga̱nnu̱ niga e̱le̱tti̱ ciggo̱k ko̱, iróng abarik ngen orongnyu urubta di̱ngdi̱nga̱ni̱ne̱t wa a̱kku̱ ngati Ta̱mu̱ta̱dde̱n, wa o̱de̱ ṯok.

Buk wa To̱ni̱a̱u̱ 3:12

Baling icin Peturu ol u̱tu̱gu̱zzo̱ niko, uwahek zin enne nogo zoz ci Ta̱mu̱ta̱dde̱no̱, azi ne, “Olli Israilo, nya ming a̱ku̱le̱kku̱ zoz necu ko̱? Nya ming acinnetu ki ci een agit cik kanyakka doiz icima ka̱gga̱yya̱ Ta̱mu̱ta̱dde̱n, kar kanyikka e̱e̱t necu koto ko̱?

Ga̱la̱ti̱a̱ 6:12

Anyak ol cik orong kubunnta ngu̱me̱ ci ollu ommogkkung zo̱ze̱ ci ettede ol vi̱ca̱vi̱cce̱t. Ogon nege zoz neci niko gerza ming a̱gi̱d ol nogo zo̱ze̱ ci edemeze nege ol zoz ci azi ne, amuda ol ti̱ri̱ze̱ne̱t ngati a̱da̱kne̱ Ye̱su̱ Ki̱ri̱sto̱ ta̱la̱ke̱ca̱ do̱ niko.

I̱bu̱ru̱ 11:26

Abunna ming apirna Musesi zo̱ze̱ ci Ki̱ri̱sto̱, ngati go̱o̱le̱ ci a̱gga̱me̱ eezet ci Masiro do̱o̱k, eci enne ere ma̱yu̱we̱ne̱t ci atin a̱kku̱ ke̱.

I̱bu̱ru̱ 2:1

Eci kiziyet naga zoz ba̱li̱ye̱, abunna ming kazunne, gerza ming ka̱ti̱k tu̱.

I̱bu̱ru̱ 6:10

A̱gga̱m Ta̱mu̱ta̱dde̱n ol go̱o̱le̱ ci abunna, iróng enne erehek li̱ngli̱ngo̱ni̱ ci a̱li̱ngli̱nge̱kku̱ niga nonno ki rezinet ci irezzu niga nonno go̱o̱le̱ ci eelannu ol ciginnek ki ba̱li̱ye̱. A̱gga̱ zin enne niko ming emenannu ngati eelannu nogo.

2 Jon 1:8

U̱zu̱tte̱ li̱ngli̱ngo̱n bali a̱li̱ngli̱ngnyu̱ niga ke̱. Ming u̱zu̱ttu̱, kar abunna atin a̱ma̱yu̱kku̱ng Ta̱mu̱ta̱dde̱n kar ka̱a̱nyu̱ng kaal cik orong enne ka̱a̱nyu̱ng i̱ge̱ta̱.