Ma̱te̱yo̱ 5:48 - Tennet

⁴⁸ Abarik zin abunna ming abakku baiz ci abunna ki Ta̱mu̱ta̱dde̱n cinno̱ng wa een Be̱e̱ti̱nno̱ng wa aave ta̱mu̱-kenga ko̱.

Ma̱te̱yo̱ 5:48 ပူးပေါင်းရင်းမြစ်များ

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Ma̱te̱yo̱ 5:16

Ogon zin baizi ci ol cik diirik ki urez ci ataran ce̱e̱z, aanycik zin urezwa ciggo̱k katalanyit kataranit ol, kar nege kicinnet bunnat cunno̱ng, kar zin nege kinnatit Be̱e̱ti̱nno̱ng wa aave ta̱mu̱-kenga.

Ma̱te̱yo̱ 5:45

kar izet dooli cik Be̱e̱ti̱nno̱ng wa aave ta̱mu̱-kenga. Anyike enne i̱i̱ kiyowa kar kataran ol wak abunna ki ol wak iróng a̱tu̱we̱, kar bo̱do̱k anyike ta̱mu̱ ol wak ogon kaal cik abunna ki cik ogon kaal cik gerzek.

Ma̱te̱yo̱ 5:47

Ming izayu niga gonoggu do̱ niko, nya ci abunna oroot zo̱ze̱ necu? Iróng zoz ci gon ogon ol wak iróng a̱tu̱ Ta̱mu̱ta̱dde̱n necu?

Lu̱ka̱ 6:36

Izet ol cik amanikku ol ki Be̱e̱ti̱nno̱ng wa aave ta̱mu̱-kenga.”

Lu̱ka̱ 6:40

Iróng do̱le̱c ci cu̱ku̱lo̱ ommog de̱me̱zo̱i̱t cinne, ma̱i̱je̱ e̱e̱ti̱ imma ci amuda de̱mzi̱ne̱t ju̱rru̱m ogon atin enne ki de̱me̱zo̱i̱ti̱ cinne.

2 Ko̱ri̱nto̱ 13:11

I̱yo̱ko̱ zin, Gotonogga ki ngonogga tu̱we̱nta̱, a̱vvu̱t labak. U̱tu̱gu̱z kaal ju̱rru̱m, u̱zu̱tte̱ zoz ci ku̱du̱wa̱ anna ko̱. Abait ki ol labak. Kala Ta̱mu̱ta̱dde̱n wa anyak rezinet ki gano kar ka̱vvu̱ ngatinno̱ng.

2 Ko̱ri̱nto̱ 13:9

Ming iróng naga kokkomi nu̱nu̱n, katalninna eci niga okkomnu, kalayya Ta̱mu̱ta̱dde̱n abunna ming ogonnu ju̱rru̱m kommog baiz necu.

2 Ko̱ri̱nto̱ 7:1

Gotonogga ki ngonogga wak kirezi anna ko̱, eci Ta̱mu̱ta̱dde̱n u̱du̱wa̱ zoz cinne kar kaanyyet kizet dooli ciginnek, abunna naga do̱o̱k kabiliz ba̱ci̱nno̱k vongize cinna. Gerza ming kogon kaal cik gerzek, gerza ming ki̱no̱n i̱no̱ni̱ ci gerze. Abunna ko̱ngo̱o̱le̱ Ta̱mu̱ta̱dde̱n, kabak baiz ci caale. Ming ku̱tu̱gu̱zzo̱ naga niko, irezet atin Manyi oroot.

Evesos 3:1

Ku̱tu̱gu̱ anna Pa̱u̱lo̱ ki e̱e̱ti̱ ci kecebje, eci atahala Ye̱su̱ Ki̱ri̱sto̱ annit abunna ming keela ol cik iróng een Ya̱u̱d kuwahek nogo zoz ci Ta̱mu̱ta̱dde̱no̱.

Kolosiya 1:28

Kuwaheka zin naga ol zoz ci Ki̱ri̱sto̱, ki̱lo̱tta̱ ol kar bo̱do̱k kedemezta nogo kaal cik aanyik nogo genyiz, kar atin ol cik meelek ka̱gga̱c Ta̱mu̱ta̱dde̱n ju̱rru̱m zo̱ze̱ ci Ki̱ri̱sto̱.

Kolosiya 4:12

I̱tto̱na̱kku̱ng zin bo̱do̱k e̱e̱ti̱ ci een zara Epaphras zawinet cinne i̱ge̱ta̱, een enne e̱e̱t ci orog cunno̱ng kar kize du̱ca̱i̱t ci a̱li̱ngli̱ng zoz ci Ye̱su̱ Ki̱ri̱sto̱. Alawekkung gon enne i̱ge̱t Ta̱mu̱ta̱dde̱n odohize kar ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱, ngati ogonnu zoz ci orong enne i̱ge̱t u̱tu̱gu̱z do̱o̱k.

Je̱mi̱s 1:4

Abunna nimenet no̱ngi̱tto̱n ming edeca li̱ngli̱ngo̱n cinne baize cunne kar atin i̱nna̱ a̱vvu̱ ju̱rru̱m, ize i̱nna̱ e̱e̱t ci anyai arizet baiza, i̱llo̱i̱ gi̱i̱ imma ci a̱zze̱ ngatunne to.

1 Jon 3:3

Imma e̱e̱ti̱ ci arike zinin zoz ci Ki̱ri̱sto̱, adiman ele cinne ki̱li̱li̱, ki i̱yo̱ko̱ Ki̱ri̱sto̱ ming a̱li̱le̱ ko̱.