Ma̱te̱yo̱ 5:46 - Tennet

⁴⁶ Ming irezzu niga ol wak irezzung i̱ge̱t do̱, amuccu̱ng wo̱ye̱ atin Ta̱mu̱ta̱dde̱n zo̱ze̱ necu? Amudannu atin niga nya ci abunna? Iróng ol wak gerzek a̱gga̱ma̱ ol mucuru ko̱ irez gonoggi do̱ niko?

Ma̱te̱yo̱ 5:46 ပူးပေါင်းရင်းမြစ်များ

Ma̱te̱yo̱ 11:19

Imma anna Ngerrti E̱e̱to̱, kadakce, kaude ki ol do̱o̱k, kar ol kizeto ne, ‘Een e̱e̱ti̱ cu elemnyoit kar bo̱do̱k kize bba̱kco̱i̱t, een gonen ki ol wak aluta mucuru ki olli mu̱nye̱nu̱.’ A̱gga̱ ol genyiz de̱de̱ go̱o̱le̱ ci ogone enne kaal.”

Ma̱te̱yo̱ 18:17

Ka̱du̱wa̱kku̱ng zin zoz cu: Ming abure e̱e̱ti̱ neci iróng aziye zoz cinne̱ng, bite zin zoz neci ke̱le̱ci̱a̱; kar ming abure zoz ci olli ke̱le̱ci̱o̱, dotek nonno lo̱o̱c, ma ngen edeconik nonno, cin nonno kiwagon e̱e̱ti̱ ci iróng a̱gga̱ Ta̱mu̱ta̱dde̱no̱ icima ki e̱e̱ti̱ ci a̱gga̱ma̱ ol mucuru.

Ma̱te̱yo̱ 5:47

Ming izayu niga gonoggu do̱ niko, nya ci abunna oroot zo̱ze̱ necu? Iróng zoz ci gon ogon ol wak iróng a̱tu̱ Ta̱mu̱ta̱dde̱n necu?

Ma̱te̱yo̱ 6:1

“Zuute, ma ogoni kaal cik abunna kicinnet ebere do̱o̱k. Ming ogonnu niga kicinnet ebere do̱o̱k, iróng atin ngen amudannu bunnat ci Be̱e̱ti̱nno̱ng wa aave ta̱mu̱-kenga.

Marko 2:15

Baling ngen Ye̱su̱ adak á̱há̱t ci yo̱mo̱no̱ ce̱e̱ze̱ ci Le̱vi̱, adakce da̱ enne ki nuyak waginnek ki ol wak aluta mucuru olle ki ol wak mu̱nye̱nu̱, eci anyak ol cik meelek giir bali annu nonno.

Marko 2:16

Baling icinnet de̱me̱zzo̱wa̱ wak lo̱ti̱nno̱u̱ wak een Varacis Ye̱su̱ ming adakce ki olli mu̱nye̱nu̱ ki bo̱do̱k ol wak aluta ol mucuru, i̱jji̱nne̱t zin nege nuyak cik Ye̱su̱, “Nya ming adakce enne ki ol wak mu̱nye̱nu̱ ki bo̱do̱k ol wak alut mucuru ko̱?”

Lu̱ka̱ 15:1

Imma i̱i̱te̱n imma u̱lu̱tte̱ ol wak a̱gga̱ma̱ ol mucuru ki olli mu̱nye̱nu̱ do̱o̱k, kar kuburuktek Ye̱su̱ orgen.

Lu̱ka̱ 18:13

“Ma̱i̱je̱ e̱e̱ti̱ wa aluta mucuru olle ko̱, ibil reena. Iróng enne bu̱k acin ta̱mu̱-keng, abarik akati culum kar kize ne, ‘Ta̱mu̱ta̱dde̱n, inya annit deten, e̱e̱t ci mu̱nye̱nu̱.’

Lu̱ka̱ 19:2

Anyak da̱ e̱e̱t imma o̱rge̱ neci ci een zara Zakayos; een da̱ enne ddi̱ki̱ryo̱i̱t ci ol wak aluta mucuru olle kar enne kize i̱to̱i̱t oroot.

Lu̱ka̱ 19:7

Imma ol balik icinnet zoz neci do̱o̱k kar zin kungungunet, “Okko enne een e̱re̱nno̱i̱t ce̱e̱ze̱ ci e̱e̱t ci ‘mu̱nye̱nu̱.’”

Lu̱ka̱ 3:12

I̱vi̱ta̱ ol wak alut mucuru olle orong ka̱gga̱mi̱t ba̱ti̱ti̱mo̱. I̱jji̱nto̱ zin nege, “De̱me̱zo̱i̱t, ku̱tu̱gu̱zza̱ wo̱ye̱ naga nya?”

Lu̱ka̱ 5:29

Idimanek zin Le̱vi̱ Ye̱su̱ da̱i̱ne̱t ce̱e̱ze̱ cinne, kar koole ci a̱ddi̱ki̱re̱ olle wak a̱gga̱ma̱ ol mucuru ki ol u̱gge̱ kadakto ki nogo nga̱to̱de̱.

Lu̱ka̱ 5:30

Imma Varacisi ki de̱me̱zzo̱k wak lo̱ti̱nno̱u̱ balik arume ki nogo ko̱ ku̱du̱kta̱k demezyak ciginnek, “Nya ming ozolu niga da̱i̱ne̱t ki ol wak aluta mucuru ki ol cik mu̱nye̱nu̱ ko̱?”

Lu̱ka̱ 7:29

Baling iziyyet ol do̱o̱k, rok ol wak a̱gga̱ma̱ mucuru olle ko̱ zoz ci Ye̱su̱, elemtta de̱de̱ ming ilem gool ci Ta̱mu̱ta̱dde̱no̱, eci Jon Ba̱ti̱ti̱mo̱ ba̱li̱ye̱ ci a̱gga̱me̱k nogo ba̱ti̱ti̱mo̱.

Lu̱ka̱ 7:34

A̱kku̱ Ngerrti E̱e̱to̱ adakce, aude, kar niga izet ne, ‘Een enne elemnyoit kar bo̱do̱k kize bba̱kco̱i̱t, een enne gonen ki ol wak aluta mucuru olle ki olli mu̱nye̱nu̱.’