Ma̱te̱yo̱ 5:32 - Tennet

³² Abarik zin ka̱nne̱kku̱ng ne, ming oog e̱e̱ti̱ ngaa gaganiko, aanyik enne ngaa kize a̱li̱ya̱i̱t, ma oogi ngaa, oog zin ngaa zo̱ze̱ ci a̱li̱ya̱kze̱ti̱nu̱ do̱ niko, eci anyike enne ele cinne ol. Ming a̱ti̱k e̱e̱ti̱ imma ngaa ci ogon niko, orooto enne bu̱k ki ngaa neci, abac enne bu̱k.

Ma̱te̱yo̱ 5:32 ပူးပေါင်းရင်းမြစ်များ

Ma̱te̱yo̱ 5:28

Ka̱nne̱kku̱ng ne, ming acin e̱e̱ti̱ ngaa eberene cik oronge ele cinne, u̱tu̱gu̱ e̱e̱ti̱ neci mu̱nye̱n.

Lu̱ka̱ 16:18

“Ming oog e̱e̱ti̱ imma ngaa cinne kar zin kuruca ngaa imma, a̱wu̱l enne ngaa cinne, kar bo̱do̱k e̱e̱ti̱ ci a̱ti̱k ngaa ci oog mac cinne, a̱wu̱l enne mac cinne.

Lu̱ka̱ 9:30

Iyokta zin di̱ngdi̱ngo̱nta̱, ol cik e̱e̱ggi̱n rama, Muses ki E̱li̱ja̱, kar kozozzo ki Ye̱su̱. Ozozit nege zoz ci obod ki daiz ki ngazi cinne, ci ize ojon kar ku̱tu̱gu̱we̱ kar ki̱ki̱ya̱ kakat mo̱o̱le̱t Jerusalema.

Lu̱ka̱ 9:35

Iyowa zin mului di̱i̱za̱ ci azi ne, “Een necu Ngeranni, nonno ci katahala anna; iziyyet zoz cinne.”

Roma 7:3

Ming okko enne arume ki e̱e̱t imma ming ngen e̱e̱ti̱ cinne aruge, orooto enne ki e̱e̱t neci. Abarik ming a̱da̱k mac, iróng wo̱ye̱ lo̱ti̱nno̱wa̱ alam nonno, a̱ti̱k wo̱ye̱ e̱e̱ti̱ imma nonno labak.

1 Ko̱ri̱nto̱ 7:4

Iróng ele ci ngaawo een cinne do̱, een ci e̱e̱t cinne bu̱k. Ogon bo̱do̱k ci maci niko, iróng ele ci e̱e̱t ci maci een ele cinne do̱, een ci ngaa cinne bu̱k.