Ma̱te̱yo̱ 5:30 - Tennet

³⁰ Kar bo̱do̱k ming amaraki a̱zzi̱ti̱ ci a̱zzo̱ mu̱nye̱n, agano abarik ming ettedak tu̱, gerza abarik ming a̱ju̱ko̱ni̱k ele do̱o̱k gwo̱o̱ wa alanyit udut.”

Ma̱te̱yo̱ 5:30 ပူးပေါင်းရင်းမြစ်များ

Ma̱te̱yo̱ 11:6

U̱mu̱yu̱k Ta̱mu̱ta̱dde̱n e̱e̱t ci iróng odoi zinin aziye zoz cinanni.”

Ma̱te̱yo̱ 13:21

Iróng zin egero cigge̱k i̱i̱zo̱ lo̱o̱c oroot, iróng bo̱do̱k abak u̱u̱mu̱c. Ming ize gerza baizi icima amuda no̱ngi̱tto̱n kaviyahe ne̱ke̱, iróng anime, ungnek zin kaviyak ne̱ke̱ lo̱o̱c.

Ma̱te̱yo̱ 16:23

Egelem Ye̱su̱, Peturu kar kize ne, “A̱vvu̱ reena ngatinanni, Sitan! E̱e̱ni̱ i̱nna̱ e̱e̱t ci acazan zoza; iróng i̱nna̱ anyai zoz ci Ta̱mu̱ta̱dde̱no̱ zinina, abarik anyai i̱nna̱ zoz ci e̱e̱t ci diiri.”

Ma̱te̱yo̱ 17:27

Abarik, iróng zin naga korongnya kodomta nogo, luce zin i̱nna̱ bit nyatapara kar ju̱ke̱k agolo maam. Ming a̱gga̱mu̱ u̱lu̱gi̱t, oo utug ci u̱lu̱gi̱t neci a̱gga̱mi̱ i̱nna̱ oowa ko̱, aruba atidic i̱nna̱ o̱ro̱bi̱ya̱c wa a̱ddi̱ki̱re̱ een zi̱i̱t. Dima o̱ro̱bi̱ya̱c kar zin ru̱we̱k Ce̱e̱z wa Ta̱mu̱ta̱dde̱no̱ mucuru cigannik ki cigunnek.”

Ma̱te̱yo̱ 18:8

Ming aanyi a̱zzi̱ti̱ icima zoc cunne ba̱ci̱, ettedak tu̱. Abunna ming aave baiza ngati e̱e̱ni̱ ngool, gerza ming aave baiza ngati anyahe azzin ki zo̱o̱ do̱o̱k ming a̱tu̱be̱ kar bit gwo̱o̱ye̱ ci iróng adite udut.

Ma̱te̱yo̱ 22:13

“Iizek zin alaani du̱cca̱k ciginnek ne, ‘A̱gga̱mi̱t e̱e̱t necu e̱ce̱bi̱t zo̱o̱ ki azzin kar zin u̱ju̱ktte̱k re̱e̱nu̱n, nginti mu̱hu̱ri̱ ke̱, nginti okko enne a̱lu̱we̱ nyigite cik lo̱o̱tu̱.’

Ma̱te̱yo̱ 25:20

Ize zin du̱ca̱i̱ti̱ bali aanyik enne lodet cik e̱e̱ggi̱n dhahab tu̱r ke̱ ne ‘Ddi̱ki̱ryo̱i̱t, aanya ba̱li̱ye̱ i̱nna̱ annit lodet tu̱r, i̱yo̱ko̱ zin izeto lodetta do̱o̱k omoto.’

Ma̱te̱yo̱ 26:31

U̱du̱wa̱k zin Ye̱su̱ to̱ni̱a̱k ciginnek zoz cu: “Aburnang atija niga do̱o̱k annit, eci e̱he̱rye̱ Warage ci Ta̱mu̱ta̱dde̱no̱ azi ne: “‘Ka̱ru̱i̱ atin tuwayoit, kar atin a̱zza̱ kazante.’

Ma̱te̱yo̱ 5:22

Abarik ku̱du̱wa̱u̱ng zin anna ka̱nne̱kku̱ng ne, ming aburnek e̱e̱ti̱ imma gooni nong, ettedik atin Ta̱mu̱ta̱dde̱n nonno lo̱ki̱ko̱. Ming odom e̱e̱ti̱ imma gooni azi ne, ‘A̱zze̱ni̱ zinin,’ ovvoyi atin ol lo̱ki̱ka̱. Ming a̱nne̱k e̱e̱ti̱ imma gooni ne, ‘Gi̱i̱tareng,’ okko atin enne a̱ju̱ko̱ni̱k nginti gwo̱o̱ wa apadpadi udut.

Ma̱te̱yo̱ 5:29

Ming aanyi e̱be̱re̱ci̱ ci a̱zzo̱ ko̱ mu̱nye̱n, agano abarik ming otokcak e̱be̱re̱c co̱de̱ tu̱, gerza ming a̱ju̱ko̱ni̱k ele do̱o̱k gwo̱o̱ ci alanyit udut.

Marko 9:43

Ming okkoyyi a̱zzi̱ti̱ cunne kar tu̱gu̱ ba̱ci̱, tedak tu̱. Abunna zin ming i̱i̱zo̱ nginti baizo a̱tte̱ co̱de̱, ngati wo̱ye̱ i̱i̱zo̱ nginti baizo azzine do̱o̱k, okko gwo̱o̱ya̱, ngati iróng gwa̱a̱ adite.

Lu̱ka̱ 12:5

Abarik atin anna ki̱ye̱le̱ku̱ng i̱ge̱ta̱ ngene ci abunna ming o̱ngo̱o̱li̱nnu̱ niga: O̱to̱ngo̱o̱ltte̱ e̱e̱t ci ming u̱ru̱k ele, kar kanyak doiz ci a̱ju̱ke̱k ele neci gwo̱o̱ ci apadpadi udut. De̱de̱ ka̱du̱wa̱kku̱ng anna i̱ge̱ta̱, o̱to̱ngo̱o̱ltte̱ nonno.

Lu̱ka̱ 17:2

Maya oroot ming a̱ju̱ko̱ni̱k enne nyatapar ci a̱ddi̱ki̱re̱ ki rabaz ci kecebek i̱nya̱ cinne, eci gerza ming aanyik enne dooli wa kidik ku̱tu̱gu̱zzo̱ mu̱nye̱n.

Roma 9:33

Ki i̱yo̱ko̱ ming a̱du̱wa̱ Ta̱mu̱ta̱dde̱n buwe cinne, azi ne, “Icinnet, kabaik anna bee nginti een Zion kar kidir ol, bee ci aanyik nogo ku̱yu̱kte̱, Ma̱i̱je̱ e̱e̱ti̱ ci a̱tu̱ nonno, iróng atin adak a̱li̱ya̱ni̱.”

1 Ko̱ri̱nto̱ 8:13

I̱yo̱ko̱ zin, ming kanyike anna gotona tu̱we̱nta̱ kadak gi̱i̱ ci iróng enne orong kar ku̱tu̱gu̱ mu̱nye̱n, iróng bo̱do̱k anna ngen kadai da̱i̱ne̱t ne̱ke̱ udut, gerza ming kanyike nonno ku̱tu̱gu̱ mu̱nye̱n.

Ga̱la̱ti̱a̱ 5:11

Gotonogga ki ngonogga tu̱we̱nta̱, ming ngen anna ke̱de̱me̱zi̱ ol zoz ci ettede ol vi̱ca̱vi̱cce̱t kize gool ci amudanne ol baiz ci abunna Ta̱mu̱ta̱dde̱no̱, inya bo̱do̱k ming a̱gi̱dda̱ ol ko̱? Ka̱gga̱ ngen ol a̱gi̱dda̱ annit eci kuwahek ol zoz ci a̱ti̱ri̱ze̱ Ta̱mu̱ta̱dde̱n nogo go̱o̱le̱ ci a̱da̱kne̱ Ye̱su̱ ta̱la̱ke̱ca̱ do̱ niko kar kaara ol mu̱nye̱n.

1 Peturu 2:8

Azi bo̱do̱k ne, “Een enne bee ci adir ol kamarmarit, bee ci aanyik nogo ku̱yu̱kte̱.” Alam bee nogo eci iróng nege o̱ngo̱o̱le̱ kaviyak cik Ta̱mu̱ta̱dde̱no̱ bali odola enne kize cinne̱ng.