Ma̱te̱yo̱ 5:28 - Tennet

²⁸ Ka̱nne̱kku̱ng ne, ming acin e̱e̱ti̱ ngaa eberene cik oronge ele cinne, u̱tu̱gu̱ e̱e̱ti̱ neci mu̱nye̱n.

Ma̱te̱yo̱ 5:28 ပူးပေါင်းရင်းမြစ်များ

Kananet 34:2

Baling okko Shechemi ngerrti alaan Hamor, boore ci een Hivites acin Di̱na̱, a̱gga̱m nonno kar ki̱vi̱re̱.

Lu̱ge̱z 20:17

“Ma anyai zinin ci a̱ppwe̱ ce̱e̱ze̱ ci e̱e̱t imma. Ma amanik ngaa ci locari cunne, icima du̱ca̱i̱t ci nga̱a̱ye̱ icima ci maci cik a̱li̱ngli̱ng ce̱e̱ze̱ cinne, ma arik bo̱do̱k zinin tomot, icima zi̱gi̱r icima kaal cik anyak locari cunne.”

Ma̱te̱yo̱ 15:19

Eci i̱no̱ni̱ ci gerze a̱kku̱ zinina, ki i̱yo̱ko̱, munyenet e̱e̱t ci diiri, orooto e̱e̱ti̱ ki ngaai cik ollu, ki a̱li̱ya̱kze̱t, ogor, volong, ki zoz ci ozoze zar cik e̱e̱ta̱k volonga.

Ma̱te̱yo̱ 5:22

Abarik ku̱du̱wa̱u̱ng zin anna ka̱nne̱kku̱ng ne, ming aburnek e̱e̱ti̱ imma gooni nong, ettedik atin Ta̱mu̱ta̱dde̱n nonno lo̱ki̱ko̱. Ming odom e̱e̱ti̱ imma gooni azi ne, ‘A̱zze̱ni̱ zinin,’ ovvoyi atin ol lo̱ki̱ka̱. Ming a̱nne̱k e̱e̱ti̱ imma gooni ne, ‘Gi̱i̱tareng,’ okko atin enne a̱ju̱ko̱ni̱k nginti gwo̱o̱ wa apadpadi udut.

Ma̱te̱yo̱ 5:39

Abarik zin ka̱du̱wa̱kku̱ng, ma alami e̱e̱t ci gerze. Ming apani e̱e̱ti̱ mucec co̱de̱, anyik kapan o̱to̱n co̱de̱ ke̱ bu̱k.

Roma 7:14

Ka̱gga̱ naga niko, a̱vvu̱ lo̱ti̱nno̱wa̱ ngati Ta̱mu̱ta̱dde̱no̱, ki i̱yo̱ko̱ anna ming kazunne lo̱ti̱nno̱k balik reentik baize cinanni ke̱, ecebta annit bu̱k mu̱nye̱na̱.

2 Peturu 2:14

I̱no̱n nege zoz ci gerze orongit kimice ngaai, ovvo ngaai orong ol cik macik. Orong ku̱lu̱ta̱ ol cik amuje o̱o̱tti̱. Abbize zi̱nze̱tti̱ cigge̱k gerziten do̱ niko.

1 Jon 2:16

A̱kku̱ zoz ci kodonge naga e̱le̱tti̱ ko̱ lo̱o̱ta̱ ngatu, ki zoz ci kamanik naga kaal ki zoz ci koronge naga kaal do̱o̱k cik kacin naga eberene. Iróng baizi ci ogon niko ko̱ a̱kku̱ ngati Baba.