Ma̱te̱yo̱ 5:22 - Tennet

²² Abarik ku̱du̱wa̱u̱ng zin anna ka̱nne̱kku̱ng ne, ming aburnek e̱e̱ti̱ imma gooni nong, ettedik atin Ta̱mu̱ta̱dde̱n nonno lo̱ki̱ko̱. Ming odom e̱e̱ti̱ imma gooni azi ne, ‘A̱zze̱ni̱ zinin,’ ovvoyi atin ol lo̱ki̱ka̱. Ming a̱nne̱k e̱e̱ti̱ imma gooni ne, ‘Gi̱i̱tareng,’ okko atin enne a̱ju̱ko̱ni̱k nginti gwo̱o̱ wa apadpadi udut.

Ma̱te̱yo̱ 5:22 ပူးပေါင်းရင်းမြစ်များ

Kananet 37:4

Baling icinnet gotonoggja irez be̱e̱ti̱nne̱ng Yosevo oroot kommog nogo do̱o̱k, amartoi zin nege nonno kar gon kozozek nonno gerzet.

Kananet 37:8

A̱nne̱k zin gotonoggja nonno ne, “Orongi i̱nna̱ ddi̱ki̱rze̱t ngatinna̱ng? Abalet atin i̱nna̱ agit de̱de̱?” Kar zin nege kamartoi zin nonno oroot zo̱ze̱ ci o̱no̱zzo̱k ciginnek ki zoz bali u̱du̱wa̱ enne ke̱.

Ma̱te̱yo̱ 10:17

Igenyit zin olle wak ovvoyyung atin lo̱ki̱ka̱ kar kecebtung lagama kar ki̱bi̱ccu̱ng Ce̱e̱zi̱nne̱ wak Lawinto alutene nege.

Ma̱te̱yo̱ 10:28

Ma o̱ngo̱o̱li̱nnu̱ ol wak a̱ru̱k ele ci e̱e̱t ci diiri, iróng nege a̱ru̱k vongiz ci e̱e̱t ci diiri. Abarik o̱to̱ngo̱o̱ltte̱ Ta̱mu̱ta̱dde̱n wa uule kar ku̱ru̱k ele ki vongiz ci e̱e̱t ci diiri gwo̱o̱ye̱ ci apadpadi udut.

Ma̱te̱yo̱ 12:24

Ma̱i̱je̱ baling ovvo olli Varacisi aziye zoz necu, izeto ne, “Ottok e̱e̱ti̱ necu kuulo katkatone ci Beelzebub alaan ci kuulou.”

Ma̱te̱yo̱ 17:5

Imma baling ngen enne ozozi, i̱ki̱ya̱k zin nogo di̱i̱z ci voori, kar zin mului kize di̱i̱za̱ ne, “Een necu Ngeranni wa kirezi; katalne anna oroot ngatinne. Iziyyet zoz cinne.”

Ma̱te̱yo̱ 18:21

I̱ki̱ya̱k zin Peturu Ye̱su̱ kar ki̱jji̱n, “Manyi, i̱yo̱ko̱ ming U̱tu̱gu̱we̱ya̱ gotoneti gi̱i̱ ci een mu̱nye̱n gerze, kalalek nonno lak izong? Lak turgerem?”

Ma̱te̱yo̱ 18:35

“Gool zin ci atin ogonekku̱ng atin Baba wa aave ta̱mu̱-kenga ko̱ necu, ming iróng niga alalnekku goonu zinine cunne.”

Ma̱te̱yo̱ 23:15

“O̱lle̱ ciggo̱k de̱me̱zzo̱k wak lo̱ti̱nno̱k wak Musesi ko̱ ki olli Varacisi, a̱ru̱kku̱ talaben olle! Etteddu lo̱o̱c ki nyatapar ci a̱ddi̱ki̱re̱ abunna ovvo amudannu e̱e̱t co̱de̱ ci elemi zoz cunno̱ng, ming urubtau, abarik anyikku bo̱do̱k e̱e̱t neci kunu gool ci lo̱rye̱nto̱ ngati apadpadi gwa̱a̱ udut.

Ma̱te̱yo̱ 23:33

“Niga ol cik e̱e̱ggi̱nnu̱ gerze oroot ko̱, ogonnu niga kiwagon uwanya! Ijaru atin niga de̱zi̱ne̱t ci okkoyyung gwo̱o̱ye̱ ci apadpadi udut?

Ma̱te̱yo̱ 25:41

“Kar zin atin alaani ukce kicin ol wak aavtte a̱tte̱ ci angeto kar kize ne, ‘Ma a̱vvu̱na̱kka̱ng annita, niga ol balik otorteu ke̱, oot udut gwo̱o̱ye̱ bali idimane kar kize ci lo̱rye̱ni̱t ki anjilonya ciginnek!

Ma̱te̱yo̱ 26:59

Imma alaata cik olli wawaco ki ol cik lo̱ki̱ko̱ do̱o̱k orong kurubta zoz ci een volong, kar zin koot ku̱ru̱we̱t Ye̱su̱ ka̱da̱k.

Ma̱te̱yo̱ 3:17

Iyowa zin mului ci a̱kku̱ ta̱mu̱-kenga, ize ne, “Een necu Ngeranni, kirezi nonno oroot; katalne anna zo̱ze̱ cinne.”

Ma̱te̱yo̱ 5:34

Abarik zin ka̱du̱wa̱kku̱ng ka̱nne̱kku̱ng ne, ma i̱tto̱ni̱ zare cik ta̱mu̱-kengo eci een nginti abale Ta̱mu̱ta̱dde̱n kaal do̱o̱k;

Ma̱te̱yo̱ 5:44

Abarik zin ka̱nne̱kku̱ng ne: Irezzit modden cuggo̱k, alayek ol wak a̱gi̱ddu̱ng Ta̱mu̱ta̱dde̱n,

Marko 14:55

Orong zin alaata cik olli wawaco Ce̱e̱ze̱ wa Ta̱mu̱ta̱dde̱no̱ ki lo̱ddi̱ki̱re̱ cik lo̱ki̱ka̱ ba̱ci̱ ci u̱tu̱gu̱ Ye̱su̱ kar nege ku̱ru̱we̱t nonno ka̱da̱k.

Marko 15:1

Ma bali nge̱rre̱t ingani, odolta zin alaata cik olli wawaco Ce̱e̱ze̱ wa Ta̱mu̱ta̱dde̱no̱ ki lo̱ddi̱ki̱re̱, ki de̱me̱zzo̱k wak lo̱ti̱nno̱k wak Musesi, ki lo̱ddi̱ki̱re̱ wak lo̱ki̱ko̱ ko̱ do̱o̱k zoz cinne̱ng. E̱ce̱bi̱t Ye̱su̱ kar zin koot kanycik nonno Pilato ddi̱ki̱ryo̱i̱t ci gaala cik Romi.

Lu̱ka̱ 12:5

Abarik atin anna ki̱ye̱le̱ku̱ng i̱ge̱ta̱ ngene ci abunna ming o̱ngo̱o̱li̱nnu̱ niga: O̱to̱ngo̱o̱ltte̱ e̱e̱t ci ming u̱ru̱k ele, kar kanyak doiz ci a̱ju̱ke̱k ele neci gwo̱o̱ ci apadpadi udut. De̱de̱ ka̱du̱wa̱kku̱ng anna i̱ge̱ta̱, o̱to̱ngo̱o̱ltte̱ nonno.

Lu̱ka̱ 22:66

Ma̱i̱je̱ bali nge̱rre̱t, a̱vvu̱to̱ zin lo̱ddi̱ki̱re̱, alaat cik olli wawaco, ki de̱me̱zzo̱k wak lo̱ti̱nno̱u̱ nga̱to̱de̱, kar zin koole kanyaktak Ye̱su̱ nogo.

Kaviyak wak Abunna Ta̱mu̱ta̱dde̱no̱ eher Joni 11:47

U̱tu̱ya̱ zin alaata cik olli wawaco ki Varacis zu̱we̱ ro̱ni̱ ci lo̱ki̱ko̱. Kar kizeto ne, “Ku̱tu̱gu̱z nya? U̱tu̱gu̱ e̱e̱ti̱ necu kaal cik a̱vu̱la̱ meelek giir.

Kaviyak wak Abunna Ta̱mu̱ta̱dde̱no̱ eher Joni 15:25

Ogone zoz necu kar zoz bali e̱he̱rye̱ lo̱ti̱nno̱we̱ ke̱ kakat mo̱o̱le̱t: ‘Amartoya nege annit gaganiko.’

Kaviyak wak Abunna Ta̱mu̱ta̱dde̱no̱ eher Joni 7:20

O̱bo̱dde̱k zin koole ne̱ke̱ nonno, a̱nne̱k ne, “Anyai i̱nna̱ kuulo cik lo̱rye̱nta̱k, ngene ci orong ku̱ru̱wi̱n?”

Kaviyak wak Abunna Ta̱mu̱ta̱dde̱no̱ eher Joni 8:48

Izettek zin ol cik een Ya̱u̱d ko̱ nonno ne, “Kabbacca naga ming ka̱du̱wa̱nna̱ zoz ci azi ne e̱e̱ni̱ i̱nna̱ i̱do̱nge̱ni̱t ci ol cik een Samariya, kar bo̱do̱k nyak kuuloc ci lo̱rye̱nto̱?”

Buk wa To̱ni̱a̱u̱ 17:18

A̱ka̱tte̱ zin koole ci Epicurean ki Stoic wak a̱gga̱ zoz ko̱ adangto ki nonno. I̱jji̱nto̱ uggak ngatinne̱ng, “Orong e̱e̱ti̱ ci ozoz darace ko̱ kize ne?” Ovvo uggak azi ne, “Ogon ki e̱e̱ti̱ ci ozoz ta̱mu̱ta̱dde̱ne̱t cik i̱do̱ngi̱nnu̱.” A̱du̱wa̱ nege zoz necu eci Pa̱u̱lo̱ uwahek ol kaviyak cik abunna obod ki Ye̱su̱ ki ngazi daiza.

Buk wa To̱ni̱a̱u̱ 22:30

I̱i̱te̱n ci reng, orong zin ddi̱ki̱ryo̱i̱ti̱ wa a̱ddi̱ki̱re̱ ka̱gga̱ ju̱rru̱m nyaa olli Ya̱u̱do̱ ming a̱gi̱d Pa̱u̱lo̱ ko̱, kar zin enne kooga nonno, kar bo̱do̱k kutu alaat cik olli wawaco ki olli lo̱ki̱ko̱ ku̱lu̱tte̱. Kar enne kanyaha Pa̱u̱lo̱ ki̱ki̱ya̱ kibil ngu̱me̱ cinne̱ng.

Buk wa To̱ni̱a̱u̱ 23:1

Egelem Pa̱u̱lo̱ ol wak lo̱ki̱ko̱ kar kize ne, “Gotonogga, ku̱tu̱gu̱ anna li̱ngli̱ngo̱n ci Ta̱mu̱ta̱dde̱no̱ zinine ci abunna rok wazin cu.”

Buk wa To̱ni̱a̱u̱ 24:20

Icima anyik ol cik aavtte ngatu ko̱ ku̱du̱kta̱ ba̱ci̱ cinanni i̱i̱te̱ne̱ bali kabile anna lo̱ki̱ka̱ ke̱

Buk wa To̱ni̱a̱u̱ 4:15

Aanycik zin nege Peturu ki Jon koot reena lo̱ki̱ka̱ kar zin nege kozozit do̱.

Buk wa To̱ni̱a̱u̱ 5:21

Baling nge̱rre̱t ri̱ri̱wo̱na̱ i̱to̱zzo̱ re̱e̱nu̱n ci Ce̱e̱z wa Ta̱mu̱ta̱dde̱no̱, ki baling u̱du̱wa̱k anjilo nogo ke̱, kar zin ke̱de̱me̱zi̱t ol. Baling u̱zu̱cca̱ alaani ci a̱ddi̱ki̱re̱ wawaco ki ol wak e̱e̱ggi̱n Saddocis orkor ki nonno kar ki̱vi̱ta̱k lo̱ki̱ko̱, kar ku̱tu̱yya̱ lo̱ddi̱ki̱re̱ cik olli Israilo. Kar ki̱tto̱nni̱t aciir rok lagam koot kanyakta to̱ni̱a̱k.

Buk wa To̱ni̱a̱u̱ 5:27

Baling anyakttak nege to̱ni̱a̱k lo̱ki̱ko̱, kar zin kaanycik nogo kibilet lo̱ki̱ka̱ orgena kar zin alaani ci a̱ddi̱ki̱re̱ wawaco ki̱jji̱n nogo.

Buk wa To̱ni̱a̱u̱ 6:12

Izocit zin nege ol ki lo̱ddi̱ki̱re̱ ki de̱me̱zzo̱k wak lo̱ti̱nno̱u̱. A̱gga̱mi̱t Stephen kar ko̱o̱tte̱ olle lo̱ki̱ka̱.

Buk wa To̱ni̱a̱u̱ 6:15

Egelemit zin ol balik aavtte lo̱ki̱ka̱ ke̱ do̱o̱k Stephen oroot, kar kicinnet ngu̱m cinne ming ogon kiwagon ngu̱m ci anjilo.

Buk wa To̱ni̱a̱u̱ 7:37

“U̱du̱wa̱k Musesi eliya ol cik Israilo, a̱nne̱k ne, ‘I̱tto̱na̱kku̱ng atin Manyi Ta̱mu̱ta̱dde̱n a̱ri̱to̱i̱t ci zoz cinne orgene cunno̱ng ki i̱yo̱ko̱ anna ko̱.’

Roma 12:10

Irezto niga do̱o̱k oroot, irez ol wak a̱tu̱we̱ oroot kommog ele cunne.

1 Ko̱ri̱nto̱ 6:10

icima ol cik een ogoryak, icima ol cik anyak zi̱nze̱tti̱ cik a̱ppi̱nte̱k kaale cik ollu, icima bba̱kco̱k, icima ol wak akati gonoggi volonga, ki ol wak adawa gonoggi lo̱o̱ta̱, iróng nege do̱o̱k amuda ba̱a̱li̱ne̱t ci Ta̱mu̱ta̱dde̱no̱.

1 Ko̱ri̱nto̱ 6:6

Abarik e̱e̱ti̱ ci a̱tu̱we̱ okkoye gooni lo̱ki̱ka̱ ngati ol wak iróng a̱tu̱we̱.

1 Te̱se̱lo̱ni̱ka̱ 4:6

Ma orootonu ki ngaai cik ollu, ming u̱tu̱gu̱ niko, edezi atin Manyi wa a̱gga̱ no̱ngi̱tto̱n do̱o̱k ki bali ming koobteung ke̱, kar bo̱do̱k icinntu baize cinna̱ng ke̱.

Ti̱to̱ 3:2

Gerza ming ozoz e̱e̱ti̱ gerzet, abunna ming alit dango. Abarik, abunna ming e̱e̱ggi̱nnu̱ ol cik gununik, abunna ming i̱i̱rke̱nnu̱ olle do̱o̱k.

I̱bu̱ru̱ 12:25

U̱zu̱tte̱ zin, abunna ming aziknnu zoz ci Ta̱mu̱ta̱dde̱n ci ozozikkung ko̱. Iróng olli Ya̱u̱do̱ a̱vi̱r ba̱li̱ye̱ balala baling abure zoz ci Musesi, iróng zin naga ka̱vi̱r zoz ci Ta̱mu̱ta̱dde̱no̱ ci ozozikket ta̱mu̱-kenga ko̱, ming kaburnna zoz cinne.

I̱bu̱ru̱ 5:9

Ma baling elema Ye̱su̱ ku̱tu̱gu̱ zoz neci de̱de̱, aanyik zin enne ol wak elemi nonno ti̱ri̱ze̱ne̱t ci aave udut.

Je̱mi̱s 2:20

Imma i̱nna̱ e̱e̱ti̱ ci tarbali ko̱, orongi i̱nna̱ cin ming een tu̱we̱ne̱t ci i̱llo̱i̱ bunnat ki i̱rrke̱ne̱t, een gi̱i̱tareng?

Je̱mi̱s 3:6

Ogon a̱ha̱tti̱ bu̱k kiwagon gwa̱a̱, een enne gi̱i̱ ci lo̱rye̱nto̱ kaale cik ele ci e̱e̱t ci diiri. Egerzan ele ci e̱e̱t ci diiri do̱o̱k, akannek ele ci e̱e̱t ci diiri do̱o̱k gwo̱o̱ ci a̱kku̱ ngati alanyce gwa̱a̱ udut.

1 Peturu 2:23

Ming nu̱nu̱n odom ol nonno, iróng enne abarizek nogo kodom bu̱k, ma baling apirna enne lo̱o̱ta̱ ngatu ke̱, ngen enne kutuburek e̱e̱t imma nong. Abarik zin enne a̱tu̱ Ta̱mu̱ta̱dde̱n wa apahek ol lo̱ki̱ko̱ ju̱rru̱m.

1 Peturu 3:9

Ming ogoneki e̱e̱ti̱ gi̱i̱ ci gerze icima odomnyin, icima amarninin, ma acaca, abarik lalek nonno, ma̱yu̱k nonno, tu̱gu̱we̱k kaal cik abunna eci bali atahalaung Ta̱mu̱ta̱dde̱n kar izet dooli ciginnek tu̱we̱nta̱. Azi Warage ci Ta̱mu̱ta̱dde̱no̱ ne,

1 Jon 2:9

Imma e̱e̱ti̱ ci azi ne, kaave enne vooritena ma̱i̱je̱ ngatu amarine gotoni, ngen enne ogon ki e̱e̱ti̱ wa aave mu̱hu̱ra̱ niko.

1 Jon 3:10

Een zin necu gool ci ka̱gga̱we̱ naga dooli cik Ta̱mu̱ta̱dde̱no̱ ki dooli cik lo̱rye̱nta̱k. Ming ogon e̱e̱ti̱ imma gi̱i̱ ci gerze, icima iróng irez gotoni, iróng enne een do̱le̱c ci Ta̱mu̱ta̱dde̱no̱.

1 Jon 5:16

Ming acin e̱e̱ti̱ gooni ci ogon mu̱nye̱n cik wo̱ye̱ iróng anyahak nonno daiz, abunna ming alawek enne nonno Ta̱mu̱ta̱dde̱n kar keela nonno kuruba ruget ci aave udut. Een zoz neci ngati ol wak ogon mu̱nye̱n cik iróng anyaha daiz. Imma mu̱nye̱na̱ cik ogon e̱e̱ti̱ anyaha daiz ko̱, iróng anna kazi ne anyik nonno kala Ta̱mu̱ta̱dde̱n zo̱ze̱ ci mu̱nye̱n cik anyaha daiz ko̱.

Ju̱da̱ 1:9

Odom rok Maikol wa een alaan ci anjilonyau ta̱mu̱-kenga ko̱, ngen enne kodom lo̱rye̱ni̱t i̱i̱te̱ne̱ bali adangone ki nonno zo̱ze̱ ci obod ki ele ci Musesi ke̱. Abarik wazin neci a̱nne̱k enne nonno ne, “Edezi atin Manyi Ta̱mu̱ta̱dde̱n i̱nne̱ta̱.”

O̱no̱zzo̱k 20:14

Kar zin daizi ki nginti daizo ku̱ju̱kto̱zi̱k koot gwo̱o̱ye̱ ci apadpadi oroot. Een gwa̱a̱ neci ci apadpadi udut ke̱, daiz ci vu̱rrto̱.