Ma̱te̱yo̱ 5:20 - Tennet

²⁰ Ka̱du̱wa̱kku̱ng zin zoz wa een de̱de̱, abunna zin niga ming ogonnu kaal cik abunna ommogit ol cik een Varacis ki de̱me̱zzo̱k wak lo̱ti̱nno̱u̱, kar atin niga i̱tto̱z ba̱a̱li̱ne̱t ci ta̱mu̱-kengo.

Ma̱te̱yo̱ 5:20 ပူးပေါင်းရင်းမြစ်များ

Ma̱te̱yo̱ 16:12

Imma bali vu̱rrta̱, a̱gga̱c zin nege iróng Ye̱su̱ Ki̱ri̱sto̱ ozoz zoz ci nyigit cik meertak, abarik ozoz enne de̱mzi̱ne̱t ci gerze olli Varacis ki Saddocis.

Ma̱te̱yo̱ 18:5

Ming ivata e̱e̱ti̱ imma do̱le̱c cidici ki i̱yo̱ko̱ icu ko̱, ivatana enne annita bu̱k.

Ma̱te̱yo̱ 3:10

E̱re̱ye̱ melei egeroi ju̱rru̱m kar ketengedak keen cik iróng a̱bbi̱rna̱ o̱ya̱u̱ cik abunna, kar ku̱ju̱kto̱zi̱k gwo̱o̱.

Ma̱te̱yo̱ 7:21

“Iróng ol do̱o̱k wak a̱nne̱ka̱ ne, ‘Manyi, Manyi,’ i̱i̱zo̱ atin ba̱a̱li̱ne̱t ci ta̱mu̱-kengo, abarik i̱i̱zo̱ atin ol wak azunne ti̱lo̱wi̱ne̱t ci Baba wa aave ta̱mu̱-kenga.

Marko 10:15

Ka̱du̱wa̱kku̱ng zoz ci een de̱de̱, ming iróng e̱e̱ti̱ imma elemi ba̱a̱li̱ne̱t ci Ta̱mu̱ta̱dde̱no̱ ki i̱yo̱ko̱ dooli cik kidik ko̱, iróng atin enne i̱i̱zo̱ ba̱a̱li̱ne̱t neci.”

Marko 10:25

Obokce abarik ngati naganagawo kar ki̱tto̱ orotenit wa een volongnyoit ko̱ labak, imma e̱e̱ti̱ ci een jaitot okkomi ngati i̱zo̱we̱ ba̱a̱li̱ne̱t ci Ta̱mu̱ta̱dde̱no̱.”

Lu̱ka̱ 11:44

“O̱lle̱ bai ciggo̱k olli Varacisi ke̱, eci niga ogonnu kiwagon ilometa cik iróng ol arike gi̱i̱ imma, ilomet cik owoye ol iróng nege a̱gga̱.”

Lu̱ka̱ 12:1

Baling u̱lu̱tte̱ koole cik e̱e̱ggi̱n i̱bbo̱nge̱t cik meelek, oroco zin nege zoone oroot, akate zin Ye̱su̱ ozozik arrak nuyak ciginnek, “Ebeit e̱le̱tti̱ cuggo̱k ngati ol cik Varacisi e̱e̱ggi̱n volongnyok, ogon nege ki nyigita cik meertak.

Lu̱ka̱ 18:17

Ka̱du̱wa̱kku̱ng anna i̱ge̱t zoz wa een de̱de̱, ming iróng e̱e̱ti̱ imma a̱gga̱ma̱ ba̱a̱li̱ne̱t ci Ta̱mu̱ta̱dde̱no̱ tu̱we̱nta̱ ku̱tu̱gu̱ ki do̱le̱c cidici ko̱, iróng atin enne i̱i̱zo̱ ngin neci.”

2 Ko̱ri̱nto̱ 3:9

Ming anyahak lo̱ti̱nno̱wa̱ balik reentik riilik ke̱ ol daiz, ommog zin atin lo̱ti̱nno̱wa̱ cik een jor riilik ko̱, anyaha bunnat do̱ niko.

2 Ko̱ri̱nto̱ 5:17

Uhu de̱de̱ Ta̱mu̱ta̱dde̱n baiz ci ol wak a̱tu̱ Ki̱ri̱sto̱ ka̱vvu̱to̱ do̱. Utungtek baiz ci reeni ogone kaal cik lo̱o̱tu̱ gerzek ke̱ lo̱o̱c, u̱tu̱gu̱zzo̱ kaal cik een jor baize cinne̱ng.

Vilipia 3:9

kar ka̱gga̱ kabai anna zo̱ze̱ cinne. Iróng wo̱ye̱ anna kadimani ele cinanni kubunna ngu̱me̱ ci Ta̱mu̱ta̱dde̱no̱ ngati ko̱ngo̱o̱le̱ Lo̱ti̱nno̱k cik Musesi do̱. Elemanna Ta̱mu̱ta̱dde̱n go̱o̱le̱ ci tu̱we̱ne̱t ci ka̱tu̱we̱ anna Ki̱ri̱sto̱.

I̱bu̱ru̱ 12:14

Abait baiz ci abakku ki ol yahe ki baiz ci a̱li̱le̱, eci ol wak abak baiz ci caale do̱ niko cik atin acin Manyi.

O̱no̱zzo̱k 21:27

I̱llo̱i̱ atin gi̱i̱ imma ci anyak mu̱nye̱n kar ki̱tto̱ ngin neci, icima i̱i̱zo̱ e̱e̱ti̱ imma ci ogon kaal cik gerzek, abarik i̱i̱zo̱ ol cik e̱he̱rye̱ zara cigge̱k buwe ci Nyoono rugeto do̱ niko cik aavtte o̱rge̱ neci.