Ma̱te̱yo̱ 5:18 - Tennet

¹⁸ Ka̱du̱wa̱kku̱ng zoz wa een de̱de̱ okko atin ta̱mu̱-kengi ki lo̱o̱c a̱zze̱. Ku̱du̱wa̱ anna iróng atin gi̱i̱ imma a̱zze̱ lo̱ti̱nno̱we̱ ne̱ko̱. Abarik akati atin lo̱ti̱nno̱wa̱ wak e̱he̱rye̱ Buwe ci Ta̱mu̱ta̱dde̱no̱ ko̱ mo̱o̱le̱t.

Ma̱te̱yo̱ 5:18 ပူးပေါင်းရင်းမြစ်များ

Ma̱te̱yo̱ 10:15

Ka̱du̱wa̱kku̱ng zoz ci een de̱de̱, obokce atin abarik ngati o̱ro̱gjo̱k cik een Sodom ki Gomorrah i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱ cinne, gerza atin ngati orog neci oroot.

Ma̱te̱yo̱ 10:23

Ming a̱gi̱ddu̱ng ol o̱rge̱ emani, u̱lu̱ge̱t oot o̱rge̱ emani. Ka̱du̱wa̱kku̱ng zoz ci een de̱de̱, iróng atin azucannu o̱ro̱gjo̱k cik Israilo veelek ming ngen Ngerrti E̱e̱to̱ kobodak lo̱o̱c.

Ma̱te̱yo̱ 10:42

Ma e̱e̱ti̱ ci anyike maam cik alali kidik nuyait cinanni co̱de̱ wa anyak zinin ci alali ko̱, eci enne een nuyait cinanni, ka̱du̱wa̱kku̱ng zoz ci een de̱de̱, amuc atin Ta̱mu̱ta̱dde̱n nonno bu̱k.”

Ma̱te̱yo̱ 11:11

Ka̱du̱wa̱kku̱ng zoz ci een de̱de̱, okko olle ne̱k balik a̱rri̱ta̱ ngaai ko̱ veelek, i̱llo̱i̱ e̱e̱t ci ommog Jon wa a̱gga̱me̱k ol ba̱ti̱ti̱mo̱; abarik e̱e̱ti̱ ci een vu̱rru̱t ba̱a̱li̱nte̱ ci ta̱mu̱-kengo i̱ki̱ya̱ ommog nonno.

Ma̱te̱yo̱ 13:17

Ka̱du̱wa̱kku̱ng zoz ci een de̱de̱, anyak a̱ri̱tto̱k ki ol cik abunna meelek giir orong nege kicinnet kaal cik icinntu niga u̱tu̱gu̱zze̱ ko̱, iróng zin nege acinni, orong nege kiziyet zoz ci aziknnu niga ko̱, iróng zin nege aziye.

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Ma̱te̱yo̱ 17:20

U̱du̱wa̱k zin Ye̱su̱ nogo, “Iróng niga anyakku tu̱we̱ne̱t ci eleno, ka̱du̱wa̱kku̱ng zin ming wo̱ye̱ anyakku tu̱we̱ne̱t cidicilim ki laziyenti, a̱nne̱k wo̱ye̱ i̱nna̱ bee cu ne, ‘Tinga ngatu, bit ngati,’ Ingazi de̱de̱. I̱llo̱i̱ gi̱i̱ imma ci ommogjung.”

Ma̱te̱yo̱ 18:18

“Ka̱du̱wa̱kku̱ng anna i̱ge̱t zoz ci een de̱de̱, ming ecebju zoz lo̱o̱ta̱ ngatu, eceb Ta̱mu̱ta̱dde̱n bu̱k ta̱mu̱-kenga, kar bo̱do̱k ming oogju zoz lo̱o̱ta̱ ngatu, oog Ta̱mu̱ta̱dde̱n bu̱k ta̱mu̱-kenga.

Ma̱te̱yo̱ 18:3

Kar kize ne, “Ka̱du̱wa̱kku̱ng zoz ci een de̱de̱, abunna ming ungneku mu̱nye̱n cuggo̱k lo̱o̱c, kar u̱tu̱gu̱z ki i̱yo̱ko̱ dooli cikidik ko̱, iróng atin i̱zzo̱yu̱ ba̱a̱li̱ne̱t ci ta̱mu̱-kengo.

Ma̱te̱yo̱ 19:23

Kar zin Ye̱su̱ kizek nuyak ciginnek ne, “Ka̱du̱wa̱kku̱ng zin zoz ci een de̱de̱, okkomi kak ngati e̱e̱t ci een bo̱to̱ro̱c ngati i̱zo̱we̱ ba̱a̱li̱ne̱t ci ta̱mu̱-kengo.

Ma̱te̱yo̱ 19:28

O̱bo̱de̱k zin Ye̱su̱ nogo, “Ka̱du̱wa̱kku̱ng zoz ci een de̱de̱, ming kuwa anna Ngerrti E̱e̱to̱ ka̱vvu̱ lecere cinanni ba̱a̱li̱nte̱ ci Ta̱mu̱ta̱dde̱no̱ di̱ngdi̱ngo̱nta̱, ovvo niga ol balik e̱e̱ggi̱nnu̱ to̱ni̱a̱k wagannik ko̱ bu̱k kaavtte ki annit lecerete cik een omoto ki rama, ettedekku atin lo̱ki̱ko̱ booryyok wak Israilo e̱e̱ggi̱n omoto ki rama ko̱.

Ma̱te̱yo̱ 21:21

O̱bo̱de̱k zin Ye̱su̱ nogo, “Ka̱du̱wa̱kku̱ng zoz ci een de̱de̱, ming anyakku niga tu̱we̱ne̱t kar iróng zi̱nze̱tti̱ engerye lak rama, ogonnu wo̱ye̱ niga kaal cik meelek ki i̱yo̱ko̱ anna ko̱, ki bo̱do̱k u̱gge̱ cik meelek. A̱nne̱kku̱ wo̱ye̱ niga bee cu ne, ‘Dong ele cunne, bit ju̱ke̱k nyatapar ci a̱ddi̱ki̱re̱,’ ogone atin ki ming a̱du̱wa̱nnu̱ niga ko̱.

Ma̱te̱yo̱ 21:31

I̱jji̱n Ye̱su̱ nogo, azi ne, “I̱yo̱ko̱ zin, do̱le̱c jang ci ogon zoz ci a̱du̱wa̱ baatinne?” O̱bo̱dde̱k zin nege, “Do̱le̱c wa oowu.” Oobek zin Ye̱su̱ nogo ungec ci zozo: Azi ne, “Ka̱du̱wa̱kku̱ng zoz ci een de̱de̱, i̱i̱zo̱ atin ol wak a̱gga̱ma̱ ol mucuru o̱ro̱gjo̱we̱ ki a̱li̱ya̱k, ba̱a̱li̱ne̱t ci Ta̱mu̱ta̱dde̱no̱ o̱o̱we̱ cunno̱ng.

Ma̱te̱yo̱ 23:36

Ka̱du̱wa̱kku̱ng zin zoz ci een de̱de̱, i̱i̱na̱k atin zoz necu do̱o̱k bu̱u̱l necu.”

Ma̱te̱yo̱ 24:2

A̱nne̱k zin enne nogo ne, “Acinnu niga ce̱e̱zi̱ ne̱ko̱ do̱o̱k? Ka̱du̱wa̱kku̱ng zin zoz ci een de̱de̱, i̱llo̱i̱ bee co̱de̱ ci atin ungnonik ngintu, a̱ju̱ko̱ni̱k atin do̱o̱k tu̱!”

Ma̱te̱yo̱ 24:47

Ka̱du̱wa̱kku̱ng zoz ci een de̱de̱, anyike atin manyi ce̱e̱z du̱ca̱i̱t neci ka̱gga̱m kaal ciginnek do̱o̱k.

Ma̱te̱yo̱ 25:12

“Imma enne abariz zin, ‘Ka̱du̱wa̱kku̱ng zoz ci een de̱de̱, iróng anna ka̱gga̱yyu̱ng!’

Ma̱te̱yo̱ 25:40

“Kar zin alaani kabarizek nogo, azi ne, ‘Ka̱du̱wa̱kku̱ng zoz ci een de̱de̱, ming u̱tu̱gu̱we̱u̱ i̱nna̱ kaal ne̱ko̱ gotonogga icima ngonogga cik iróng ol edeconik ko̱, U̱tu̱gu̱we̱ya̱ i̱nna̱ annita!’

Ma̱te̱yo̱ 25:45

“Kar atin enne kobodek nogo, azi ne, ‘Ka̱du̱wa̱kku̱ng zoz ci een de̱de̱, ming aburnnu niga iróng eelannu gotonogga ki ngonogga cik iróng ol edeconik ko̱, aburnnu niga iróng eelannang annita.’

Ma̱te̱yo̱ 5:26

Ka̱du̱wa̱kku̱ng zoz wa een de̱de̱, iróng i̱nna̱ oogjai, aave lagama zee, ming u̱ru̱wu̱ i̱nna̱ o̱ro̱bi̱ya̱ kar oogjai.”

Ma̱te̱yo̱ 6:16

“Ming i̱ya̱yi̱nnu̱ niga, ma ogonnu ki ol wak a̱ru̱k talaben eci i̱ye̱li̱ne̱ nege ngu̱mti̱ cigge̱k ming i̱ya̱ye̱. Ka̱du̱wa̱kku̱ng zoz wa een de̱de̱, u̱mu̱dda̱ nege kaal cik orong nege lo̱o̱ta̱ ngatu do̱o̱k, iróng een ta̱mu̱-kenga.

Ma̱te̱yo̱ 6:2

“Ming amuci i̱nna̱ e̱e̱t ci amati, ma ogonnu ki ol wak een nyamuttok ogon kiwagon ol wak a̱ru̱k talaben Ce̱e̱zi̱nne̱ wak Lawinto ko̱, ki bo̱do̱k go̱o̱lo̱we̱ abunna o̱ngo̱o̱le̱ ol nogo. Ka̱du̱wa̱kku̱ng zoz ci een de̱de̱, amuda atin nege rezinet ci ollu, iróng atin nege ngen amuda muci ci Ta̱mu̱ta̱dde̱no̱.

Ma̱te̱yo̱ 8:10

Baling izik Ye̱su̱ zoz neci niko, u̱ku̱le̱k je̱e̱n kar kizek koole cik annu nonno ko̱ ne, “Ka̱du̱wa̱kku̱ng zoz ci een de̱de̱, ngen kumuda e̱e̱t imma ci anyak tu̱we̱ne̱t ci okkomi lo̱o̱ce̱ ci Israilo ki e̱e̱ti̱ cu.

Marko 10:15

Ka̱du̱wa̱kku̱ng zoz ci een de̱de̱, ming iróng e̱e̱ti̱ imma elemi ba̱a̱li̱ne̱t ci Ta̱mu̱ta̱dde̱no̱ ki i̱yo̱ko̱ dooli cik kidik ko̱, iróng atin enne i̱i̱zo̱ ba̱a̱li̱ne̱t neci.”

Marko 10:29

Kar zin Ye̱su̱ kobodek nogo, azi ne, “Ka̱du̱wa̱kku̱ng zoz ci een de̱de̱, ming anyak e̱e̱t co̱de̱ ci ungnek ce̱e̱z cinne icima gotonoggi icima ngonoggi icima yaatinne icima baatinne icima dooli ciginnek icima i̱jjo̱, eci enne azunne zoz cinanni ki kaviyak cik abunna Ta̱mu̱ta̱dde̱no̱,

Marko 11:23

Ka̱du̱wa̱ki̱ zoz ci een de̱de̱, ming a̱nne̱k e̱e̱ti̱ imma bee necu ne, ‘Tinga, bit ju̱ke̱k ele nyatapar ci a̱ddi̱ki̱re̱,’ imma ngatu iróng anyak zi̱nze̱tti̱ rama, abarik elemi zoz ci a̱du̱wa̱ enne ko̱ okko akati mo̱o̱le̱t, ogonek atin Ta̱mu̱ta̱dde̱n nonno.

Marko 12:43

Utu zin Ye̱su̱ nuyak waginnek kar zin kizek nogo ne, “Ka̱du̱wa̱kku̱ng anna zoz ci een de̱de̱, u̱ju̱ke̱k ngaa ci boye ko̱ o̱ro̱bi̱ya̱ cik ommog cik ollu.

Marko 13:30

Ka̱du̱wa̱kku̱ng anna zoz ci een de̱de̱, iróng atin bu̱u̱l cu a̱da̱i̱ zee kicinnet nege i̱i̱te̱n ci ogone kaala ne̱ko̱ do̱o̱k.

Marko 14:18

Baling ngen nege adakce buurato, ize zin Ye̱su̱ ne, “Ka̱du̱wa̱kku̱ng anna zoz ci een de̱de̱, adawana atin e̱e̱ti̱ co̱de̱ ngatinno̱ng annita, e̱e̱t ci kadayina bu̱k.”

Marko 14:25

Ka̱du̱wa̱kku̱ng zin zoz ci een de̱de̱, iróng atin anna bo̱do̱k kaudi merte cu udut zee kuk kuud merte ci een jor ba̱a̱li̱nte̱ ci Ta̱mu̱ta̱dde̱no̱.”

Marko 14:30

O̱bo̱de̱k zin Ye̱su̱ nogo, izek ne, “Ka̱du̱wa̱kku̱ng zoz ci een de̱de̱, wazin necu eliya, amikzena atin i̱nna̱ annit lak i̱i̱yo̱, ming ngen tuulici korok lak rama.”

Marko 14:9

Ka̱du̱wa̱kku̱ng zin zoz ci een de̱de̱, ming uwahe kaviyaha cik abunna lo̱o̱cco̱k do̱o̱k, okko gi̱i̱ ci u̱tu̱gu̱ ngaa necu ikeb kize zoz ci aadane ol nonno.”

Marko 3:28

Ka̱du̱wa̱kku̱ng zoz ci een de̱de̱, alalnek atin Ta̱mu̱ta̱dde̱n mu̱nye̱n cik ollu ki zoz ci odome nege Ta̱mu̱ta̱dde̱n.

Marko 6:11

Ming iróng orogi a̱gga̱ma̱nu̱ng icima aziye zoz cunno̱ng, u̱tu̱ru̱rta̱ todowa zone kar kize neci gi̱i̱ ci i̱ye̱la̱ ming aburnnu niga nong ngatinne̱ng.”

Marko 8:12

U̱vu̱da̱k Ye̱su̱ oroot kar kize ne, “Nya ming a̱jji̱n bu̱u̱l cu kaal cik a̱vu̱la̱ ta̱mu̱-kenga ko̱? Ka̱du̱wa̱kku̱ng zoz ci een de̱de̱, i̱llo̱i̱ atin baayenit ci anyonikkung.”

Marko 9:1

Emena zin Ye̱su̱ zoza a̱nne̱k nogo ne, “Ka̱du̱wa̱kku̱ng zoz ci een de̱de̱, anyak ol u̱gge̱ cik abile ngatu iróng atin atari daiz ming ngen kicinnet ba̱a̱li̱ne̱t ci Ta̱mu̱ta̱dde̱no̱ ming a̱kku̱ doiza.”

Marko 9:41

Ka̱du̱wa̱kku̱ng zoz ci een de̱de̱, ming a̱a̱nyu̱ng e̱e̱ti̱ imma maam uduca zare cigannik eci e̱e̱ggi̱nnu̱ niga olli Ki̱ri̱sto̱, amuc atin Ta̱mu̱ta̱dde̱n nonno.”

Lu̱ka̱ 11:51

akane bi̱ye̱te̱ cik Abeli ki̱ki̱ya̱ rok Zakaria, bali a̱ru̱we̱ orgene ci i̱te̱le̱ ki Ce̱e̱z wa Ta̱mu̱ta̱dde̱no̱ ke̱. De̱de̱, ka̱du̱wa̱kku̱ng anna i̱ge̱ta̱, a̱gi̱lo̱ni̱k atin zoz cu o̱o̱tti̱ cik bu̱u̱l cu do̱o̱k.

Lu̱ka̱ 12:37

Abunna atin ngati du̱cca̱k cik okko ddi̱ki̱ryo̱i̱ti̱ amuda nogo ming acine ebekce ming okko enne a̱kku̱. Ka̱du̱wa̱kku̱ng anna zoz ci een de̱de̱, aimiz atin enne ele cinne kar ki̱li̱ngli̱ng, okko atin enne aanyik nogo kadakto ki nonno nga̱to̱de̱ kar atin enne ki̱ti̱ri̱z nogo.

Lu̱ka̱ 13:35

Icinnet, utungozik ce̱e̱z cunno̱ng lo̱o̱c. Ka̱du̱wa̱kku̱ng anna i̱ge̱ta̱, iróng atin niga ngen acinnang bo̱do̱k zee ming izetu ne, ‘U̱mu̱yu̱k Ta̱mu̱ta̱dde̱n e̱e̱t ci a̱kku̱ zare cik Manyi.’ ”

Lu̱ka̱ 16:17

Obokce wo̱ye̱ ngati ta̱mu̱-kengo ki lo̱o̱c ming a̱zze̱ ne dakdak, i̱llo̱i̱ zin atin gi̱i̱ imma cidici ci a̱zze̱ lo̱ti̱nno̱we̱ cik Musesi.

Lu̱ka̱ 18:17

Ka̱du̱wa̱kku̱ng anna i̱ge̱t zoz wa een de̱de̱, ming iróng e̱e̱ti̱ imma a̱gga̱ma̱ ba̱a̱li̱ne̱t ci Ta̱mu̱ta̱dde̱no̱ tu̱we̱nta̱ ku̱tu̱gu̱ ki do̱le̱c cidici ko̱, iróng atin enne i̱i̱zo̱ ngin neci.”

Lu̱ka̱ 18:29

A̱nne̱k Ye̱su̱ nogo ne, “Ka̱du̱wa̱kku̱ng anna i̱ge̱ta̱ zoz ci een de̱de̱, ming anyak e̱e̱t ci uungnek ce̱e̱z cinne, icima ngaa cinne, icima gotoni, icima baatinne ki yaatinne, icima dooli ciginnek, zo̱ze̱ ci ba̱a̱li̱ne̱t ci Ta̱mu̱ta̱dde̱no̱,

Lu̱ka̱ 23:43

Abarizek zin Ye̱su̱ nonno, “Ka̱du̱wa̱ki̱ anna i̱nne̱t zoz ci een de̱de̱, wazin necu eliya, kaavtte anna ki i̱nne̱ta̱ ta̱mu̱-kenga.”

Lu̱ka̱ 4:24

Emena enne zoza dee, “Ka̱du̱wa̱kku̱ng zoz ci een de̱de̱, i̱llo̱i̱ a̱ri̱to̱i̱t ci zoz ci Ta̱mu̱ta̱dde̱no̱ elemi ol o̱rge̱ cinne.

Kaviyak wak Abunna Ta̱mu̱ta̱dde̱no̱ eher Joni 1:51

Emena Ye̱su̱ zoza kar kizek nonno bo̱do̱k ne, “Ka̱du̱wa̱kku̱ng zoz ci een de̱de̱, acinnu atin ta̱mu̱-keng ming o̱o̱ye̱, imma anjilonya wak Ta̱mu̱ta̱dde̱no̱ ottod ne̱ke̱ ovvo uggak i̱i̱na̱k Ngerrti E̱e̱to̱.”

Kaviyak wak Abunna Ta̱mu̱ta̱dde̱no̱ eher Joni 10:1

A̱nne̱k zin Ye̱su̱ nogo ne, “Ka̱du̱wa̱kku̱ng zoz wa een de̱de̱, ming ottod e̱e̱ti̱ bo̱ngi̱t ci e̱e̱to̱ lo̱mu̱k iróng iyok arana, een e̱e̱ti̱ neci ogoryait.

Kaviyak wak Abunna Ta̱mu̱ta̱dde̱no̱ eher Joni 10:7

A̱nne̱k zin Ye̱su̱ bo̱do̱k nogo ne, “Ka̱du̱wa̱kku̱ng zoz ci een de̱de̱, ke̱e̱ni̱ anna aran ci iyowe eezena.

Kaviyak wak Abunna Ta̱mu̱ta̱dde̱no̱ eher Joni 12:24

Ka̱du̱wa̱kku̱ng zoz ci een de̱de̱, iróng labitot aave udut ming iróng i̱i̱na̱k lo̱o̱c kumunye, orong kumunye arrak. Ming okko i̱i̱na̱k lo̱o̱c umunye kar ki̱ti̱li̱zza̱, anyaha i̱nyo̱mo̱ cik meelek.

Kaviyak wak Abunna Ta̱mu̱ta̱dde̱no̱ eher Joni 13:16

Ka̱du̱wa̱kku̱ng zoz wa een de̱de̱, i̱llo̱i̱ du̱ca̱i̱t ci a̱ddi̱ki̱re̱ ngati e̱e̱t wa a̱li̱ngli̱ngngo̱ni̱k enne, iróng bo̱do̱k e̱e̱ti̱ wa een to̱ni̱a̱t ommog e̱e̱t wa i̱tto̱n nonno.

Kaviyak wak Abunna Ta̱mu̱ta̱dde̱no̱ eher Joni 13:38

O̱bo̱de̱k zin Ye̱su̱ nonno, “A̱da̱i̱ wo̱ye̱ atin i̱nna̱ de̱de̱ zo̱ze̱ cinanni? Ka̱du̱wa̱ki̱ zoz ci een de̱de̱, ming a̱jji̱nni̱ atin ol i̱nne̱ta̱ zoz cinanni amikzena atin i̱nna̱ annit lak i̱i̱yo̱ ming ngen tuulici korok!”

Kaviyak wak Abunna Ta̱mu̱ta̱dde̱no̱ eher Joni 14:12

Ka̱du̱wa̱kku̱ng zoz wa een de̱de̱, ming a̱tu̱ya̱ e̱e̱ti̱ imma annita, ogon atin enne bu̱k kaal cik kogonni anna ko̱. Ogon atin enne kaal cik a̱ddi̱ki̱re̱ kommog ne̱ko̱, ma̱rri̱t anna kokko ngati Baba.

Kaviyak wak Abunna Ta̱mu̱ta̱dde̱no̱ eher Joni 16:20

Ku̱du̱wa̱u̱ng anna i̱ge̱t zoz ci een de̱de̱, a̱lu̱yyu̱ atin niga kar bo̱do̱k atalit, imma olli lo̱o̱tu̱ atalne. Abalaccu atin niga oroot, abarik atin balaci cunno̱ng ukce kize talninet.

Kaviyak wak Abunna Ta̱mu̱ta̱dde̱no̱ eher Joni 16:23

“Ku̱du̱wa̱u̱ng anna i̱ge̱t zoz ci een de̱de̱, i̱i̱te̱ne̱ neci a̱zze̱ e̱e̱ti̱ imma ci a̱jji̱nna̱ annit gi̱i̱ imma to. A̱a̱nyu̱ng atin Baba i̱ge̱t gi̱i̱ imma ci a̱jji̱nnu̱ niga zare cigannik.

Kaviyak wak Abunna Ta̱mu̱ta̱dde̱no̱ eher Joni 21:18

Ka̱du̱wa̱ki̱ anna i̱nne̱t zoz ci een de̱de̱: Baling ngen e̱e̱ni̱ i̱nna̱ idica, aburcek i̱nna̱ ele ru̱u̱m kar bit ngati orongi i̱nna̱. Imma i̱yo̱ko̱ ming ize ma̱ti̱yo̱c, a̱gga̱m ol azzin cigunnek. Aburceki e̱e̱ti̱ imma i̱nne̱t ru̱u̱ma̱ni̱, kar zin kuwuyi ngati iróng i̱nna̱ orongi bite.”

Kaviyak wak Abunna Ta̱mu̱ta̱dde̱no̱ eher Joni 3:11

Ka̱du̱wa̱kku̱ng zoz ci een de̱de̱, koobekkung zoz ci ka̱gga̱yya̱, kibbaca kaal wak kicinnta. Ma̱i̱je̱ niga iróng orongnyu iziyyet zoz cinna̱ng.

Kaviyak wak Abunna Ta̱mu̱ta̱dde̱no̱ eher Joni 3:3

O̱bo̱de̱k Ye̱su̱ nonno a̱nne̱k ne, “Ka̱du̱wa̱ki̱ zoz ci een de̱de̱, iróng e̱e̱ti̱ imma acin ba̱a̱li̱ne̱t ci Ta̱mu̱ta̱dde̱no̱ abale ol ming ngen e̱e̱ti̱ ki̱ti̱rra̱i̱ bo̱do̱k lak rama.”

Kaviyak wak Abunna Ta̱mu̱ta̱dde̱no̱ eher Joni 3:5

O̱bo̱de̱k zin bo̱do̱k Ye̱su̱ nonno, a̱nne̱k ne, “Ka̱du̱wa̱ki̱ zoz de̱de̱, iróng e̱e̱ti̱ imma i̱i̱zo̱ ba̱a̱li̱ne̱t ci Ta̱mu̱ta̱dde̱no̱ ming ngen ki̱ti̱rra̱i̱ maame ki Vongiza.

Kaviyak wak Abunna Ta̱mu̱ta̱dde̱no̱ eher Joni 5:19

O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz ci een de̱de̱, iróng Ngerinne ogon gi̱i̱ imma do̱, ogon gi̱i̱ ci icin enne ogon Baatinne, eci gi̱i̱ ci ogon enne, ogon Ngerinne bu̱k.

Kaviyak wak Abunna Ta̱mu̱ta̱dde̱no̱ eher Joni 6:26

O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz wa een de̱de̱, iróng niga orongnyang ma̱rri̱t ming ku̱tu̱gu̱ anna kaal cik a̱vu̱la̱. Orongnyang, eci niga adakttu da̱i̱ne̱t atanyarttu.

Kaviyak wak Abunna Ta̱mu̱ta̱dde̱no̱ eher Joni 6:32

Izek zin Ye̱su̱ nogo ne, “Ka̱du̱wa̱kku̱ng zoz ci een de̱de̱. Iróng ba̱li̱ye̱ een Muses ci a̱a̱nyu̱ng da̱i̱ne̱t cik a̱vvu̱ ta̱mu̱-kenga, Baatanni ci a̱a̱nyu̱ng da̱i̱ne̱t wak een de̱de̱ a̱vvu̱ ta̱mu̱-kenga.

Kaviyak wak Abunna Ta̱mu̱ta̱dde̱no̱ eher Joni 6:47

Ka̱du̱wa̱kku̱ng zin zoz ci een de̱de̱, ming a̱tu̱we̱ e̱e̱ti̱, anyak ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 6:53

Izek zin Ye̱su̱ nogo ne, “Ka̱du̱wa̱kku̱ng anna zoz ci een de̱de̱, ming iróng niga adakku ele ci Ngerrti E̱e̱to̱ kar bo̱do̱k uudet bi̱ye̱ ciginnek, i̱llo̱i̱ ruget ngatinno̱ng udut.

Kaviyak wak Abunna Ta̱mu̱ta̱dde̱no̱ eher Joni 8:34

O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz wa een de̱de̱, ming ogon e̱e̱ti̱ mu̱nye̱n, een enne du̱ca̱i̱t ci mu̱nye̱nu̱.

Kaviyak wak Abunna Ta̱mu̱ta̱dde̱no̱ eher Joni 8:51

Ka̱du̱wa̱kku̱ng zoz wa een de̱de̱, ming azunne e̱e̱ti̱ zoz cinanni, iróng atin acin daiz udut.”

Kaviyak wak Abunna Ta̱mu̱ta̱dde̱no̱ eher Joni 8:58

A̱nne̱k Ye̱su̱ nogo ne, “Ka̱du̱wa̱kku̱ng zoz ci een de̱de̱, baling ngen Aburahami ki̱ti̱rra̱i̱, ka̱vvu̱ anna to la̱du̱n.”

1 Peturu 1:25

Imma zoz ci Manyi aalna udut.” Een necu zoz ci uwakteung ol i̱ge̱ta̱ kize kaviyak cik abunna.

O̱no̱zzo̱k 20:11

Kedenya zin anna lecer ci voori a̱ddi̱ki̱re̱ ki E̱e̱t ci aave lecere neci. Kar looci ki ta̱mu̱-keng ki̱vi̱re̱t ngati aave enne, i̱llo̱i̱ zin ngin imma cinne̱ng ci ovvoye nege.