Ma̱te̱yo̱ 5:17 - Tennet

¹⁷ “Ma i̱no̱nnu̱ a̱nnu̱ ne, ka̱kku̱ni̱ anna kar ki̱ki̱ya̱ kamadan lo̱ti̱nno̱k cik Musesi icima zoz ci a̱ri̱tto̱k wak zoz ci Ta̱mu̱ta̱dde̱no̱; iróng anna ka̱kku̱ni̱ kar ki̱ki̱ya̱ kegerzan nogo, abarik kokko kadimani nogo kaale cik obod ki annita.

Ma̱te̱yo̱ 5:17 ပူးပေါင်းရင်းမြစ်များ

Ma̱te̱yo̱ 3:15

A̱nne̱k Ye̱su̱ nonno ne, “Ma aburi, abunna kogon naga gi̱i̱ necu kar ku̱tu̱gu̱we̱ bunnati ci Ta̱mu̱ta̱dde̱no̱ olle do̱o̱k.” Elema zin Joni zoz neci.

Ma̱te̱yo̱ 7:12

“Imma kaale do̱o̱k, u̱tu̱gu̱zze̱k ol kaal cik abunna orongnyu niga ku̱tu̱gu̱ze̱u̱ng nege i̱ge̱ta̱. Een ne̱ko̱ zo̱zzo̱k cik aruma lo̱ti̱nno̱k cik Musesi do̱o̱k ki zoz ci a̱ri̱tto̱u̱.

Lu̱ka̱ 16:17

Obokce wo̱ye̱ ngati ta̱mu̱-kengo ki lo̱o̱c ming a̱zze̱ ne dakdak, i̱llo̱i̱ zin atin gi̱i̱ imma cidici ci a̱zze̱ lo̱ti̱nno̱we̱ cik Musesi.

Kaviyak wak Abunna Ta̱mu̱ta̱dde̱no̱ eher Joni 8:5

Azi lo̱ti̱nno̱wa̱ wak Musesi ne ngaa ci ogon ki i̱yo̱ko̱ ovoccit biyene ka̱da̱k. Azi wo̱ye̱ i̱nna̱ ne zo̱ze̱ necu?”

Buk wa To̱ni̱a̱u̱ 18:13

A̱du̱wa̱k nege ol a̱nne̱k ne, “Anyike e̱e̱ti̱ cu ol kalac Ta̱mu̱ta̱dde̱n go̱o̱le̱ ci iróng orkor ki lo̱ti̱nno̱k.”

Buk wa To̱ni̱a̱u̱ 21:28

egerenyit izeto ne, “Ol wak Israilo, eeletu agita! Een necu e̱e̱t ci edemez ol lo̱o̱co̱we̱ do̱o̱k kutuburret ol cigga̱c lo̱ti̱nno̱k ki ngintu. Anyahak bo̱do̱k enne ol cik een Gi̱ri̱k re̱e̱nu̱n ci Ce̱e̱z wa Ta̱mu̱ta̱dde̱no̱ kar ku̱tu̱wu̱le̱t nginti a̱li̱le̱ ko̱”

Buk wa To̱ni̱a̱u̱ 6:13

Anyaktta zin bbacak cik een volongnyok u̱gge̱ ki̱vi̱ta̱ kovolongte Stephen kizeto ne, “Ozoz odohize e̱e̱ti̱ necu kaal cik gerzek akati Ce̱e̱z wa Ta̱mu̱ta̱dde̱no̱ a̱li̱le̱ ki lo̱ti̱nno̱k wak Musesi.

Roma 10:4

Aṯurneke lo̱ti̱nno̱wa̱ baling i̱ki̱ya̱ Ki̱ri̱sto̱, kar ol do̱o̱k kurubta bunnat ci Ta̱mu̱ta̱dde̱no̱ eleme enne ol cik a̱tu̱we̱.

Roma 3:31

Kegerezanit naga lo̱ti̱nno̱k wak Musesi tu̱we̱nte̱ cinna? Iróng een niko! Kaanycik abarik naga lo̱ti̱nno̱k kokkomit kak.

Roma 8:4

Ogon Ta̱mu̱ta̱dde̱n zoz neci niko kar naga ku̱tu̱gu̱z kaal cik abunna a̱du̱wa̱ lo̱ti̱nno̱wa̱ do̱o̱k, abunna naga ko̱ngo̱o̱le̱ Vongiz ci Ta̱mu̱ta̱dde̱no̱, iróng kanu kaal cik gerzek irez zi̱nze̱tti̱ cigga̱c.