Ma̱te̱yo̱ 5:10 - Tennet

¹⁰ U̱mu̱yu̱k Ta̱mu̱ta̱dde̱n ol wak a̱gi̱d ol zo̱ze̱ ci bunnat cinne, een ba̱a̱li̱ne̱t ci ta̱mu̱-kengo ko̱ cinne̱ng.

Ma̱te̱yo̱ 5:10 ပူးပေါင်းရင်းမြစ်များ

Ma̱te̱yo̱ 10:23

Ming a̱gi̱ddu̱ng ol o̱rge̱ emani, u̱lu̱ge̱t oot o̱rge̱ emani. Ka̱du̱wa̱kku̱ng zoz ci een de̱de̱, iróng atin azucannu o̱ro̱gjo̱k cik Israilo veelek ming ngen Ngerrti E̱e̱to̱ kobodak lo̱o̱c.

Ma̱te̱yo̱ 19:14

Ize zin Ye̱su̱ ne, “Aanycik dooli ne̱ko̱ ki̱vi̱ta̱n. Ma alamnyu nogo! Eci ba̱a̱li̱ne̱t ci ta̱mu̱-kengo een cinne̱ng.”

Ma̱te̱yo̱ 25:34

“Kar zin alaani atin kizek ol wak aavtte a̱tte̱ ci a̱zzo̱ ko̱ ne, ‘I̱vi̱ta̱, niga ol balik u̱mu̱yu̱ng Baba ke̱, o̱o̱tte̱ kaal cik aragizu niga ba̱a̱li̱nte̱ ci ta̱mu̱-kengo bali adimanekkung enne baling ngen eenyce enne lo̱o̱c ke̱.

Ma̱te̱yo̱ 5:3

“U̱mu̱yu̱k Ta̱mu̱ta̱dde̱n ol wak amati vongiza, eci ba̱a̱li̱ne̱t ci ta̱mu̱-kengo okko een cinne̱ng.

Marko 10:14

Baling icin Ye̱su̱ zoz neci niko, utubur zin nong. Kar kizek nogo ne, “Aanycik dooli ne̱ko̱ ki̱vi̱ta̱n, ma alamnyu nogo! Eci ba̱a̱li̱ne̱t ci Ta̱mu̱ta̱dde̱n abale ol een ci dooli cik ogon ki ne̱ko̱.

Marko 10:30

amuda atin enne bu̱k kaal o̱bo̱n co̱de̱ lak o̱bo̱n co̱de̱, amuda enne baize cu (ce̱e̱zi̱ ki gotonoggi ki ngonoggi ki e̱e̱ti̱nne̱ng ki dooli, ki kaal cik meelek giir kar bo̱do̱k ol ki̱gi̱de̱t nonno) Imma baize ci atin a̱kku̱ ko̱ anyak baiz ci aave udut.

Lu̱ka̱ 21:12

“Ma̱i̱je̱ ming ngen kaala ne̱ko̱ ka̱ka̱tte̱, a̱gga̱mnyu̱ng ol azzine kar ki̱gi̱ddu̱ng. Ovvoyyung lo̱ki̱ka̱ kar ku̱ju̱kte̱u̱ng lagam, ovvoyyung alaate Ce̱e̱zi̱nne̱ wak Lawinto zo̱ze̱ cinanni.

Lu̱ka̱ 22:29

Kar anna ka̱a̱nyu̱ng ba̱a̱li̱ne̱t ci Ta̱mu̱ta̱dde̱no̱, ki baling aanya Baba annit co̱de̱ ke̱,

Lu̱ka̱ 6:20

Egelem zin Ye̱su̱ nuyak ciginnek, ize ne: “U̱mu̱yu̱kte̱u̱ niga wak amanu, eci ba̱a̱li̱ne̱t ci Ta̱mu̱ta̱dde̱no̱ een cunno̱ng.

Lu̱ka̱ 6:22

U̱mu̱yu̱kte̱u̱ niga ming amarinnung ol, ming aburnnung ol i̱ge̱ta̱ kar kodomtung kar kutuburret zar cuggo̱k azi ne e̱e̱ggi̱n niga olli mu̱nye̱nu̱ zo̱ze̱ ci Ngerrti E̱e̱to̱.

Kaviyak wak Abunna Ta̱mu̱ta̱dde̱no̱ eher Joni 15:20

A̱a̱dda̱ zoz bali ku̱du̱wa̱u̱ng ke̱. I̱llo̱i̱ du̱ca̱i̱t ci a̱ddi̱ki̱re̱ ngati ddi̱ki̱ryo̱i̱t cinne. Ming a̱gi̱dda̱ nege annit, a̱gi̱ddu̱ng atin nege i̱ge̱t bu̱k. Ming o̱ngo̱o̱le̱ nege de̱mzi̱ne̱t cinanni, o̱ngo̱o̱le̱ atin nege de̱mzi̱ne̱t cunno̱ng bu̱k.

Buk wa To̱ni̱a̱u̱ 5:40

I̱ta̱k zoz cinne zi̱nze̱tti̱ cigge̱k. U̱tu̱yya̱ zin nege to̱ni̱a̱k ecito kar ki̱bi̱cce̱t nogo a̱lle̱ne̱. U̱du̱kta̱k nogo a̱nne̱k ne, ma ozozu zoz ci obod ki Ye̱su̱ dee, kar kanycik nogo koot.

Buk wa To̱ni̱a̱u̱ 8:1

Aave bali Sauli nginati, kar kelema zoz ci a̱ru̱we̱ ol Stephen ka̱da̱k. Imma i̱i̱te̱ne̱ neci ize gi̱de̱ne̱t a̱ppwa̱ ke̱le̱ci̱e̱ ci aave Jerusalema, azzante zin ol do̱o̱k lo̱o̱ce̱ ci Ju̱de̱ya̱ ki Samariya, kize to̱ni̱a̱k do̱ cik ngen aavtte.

2 Ko̱ri̱nto̱ 4:17

Ka̱gga̱ kaal ne̱k gerzek i̱nna̱kke̱t ko̱, e̱e̱ggi̱n kaal cik obokce, a̱ra̱gje̱, iróng aavtte udut. Ming ki̱no̱n naga kaal cik anyahakket Ta̱mu̱ta̱dde̱n abak atin udut ta̱mu̱-kenga. Iróng pirnanet cinna anyaha gi̱i̱ imma.

Vilipia 1:28

Ma o̱ngo̱o̱li̱nnu̱ udut ol cik amarinnung i̱ge̱ta̱. Een necu zoz ci i̱ye̱la̱ egerzan atin Ta̱mu̱ta̱dde̱n nogo, ma̱i̱je̱ niga amudannu atin ti̱ri̱ze̱ne̱t ngati Ta̱mu̱ta̱dde̱no̱.

2 Ti̱mo̱te̱yo̱ 2:12

Ming kanime no̱ngi̱tto̱n cik a̱gi̱dde̱t ol zo̱ze̱ cinne, kovvo atin kabal lo̱o̱c ki nonno. Ming kutuburret nonno, aburnnet atin enne agit bu̱k.

2 Ti̱mo̱te̱yo̱ 3:11

A̱gga̱ bo̱do̱k i̱nna̱ gi̱de̱ne̱t wa a̱gi̱dda̱ ol o̱ro̱gjo̱we̱ cik een Antiyok, ki Iconium ki Lystra. Kinima gi̱de̱ne̱t neci kar Manyi keelawa no̱ngi̱tto̱ne̱ ne̱ke̱ do̱o̱k.

Je̱mi̱s 1:12

A̱mu̱yu̱k Ta̱mu̱ta̱dde̱n e̱e̱t ci abak baiz ci anime no̱ngi̱tto̱n wak atimane ol nonno, eci ming inim enne kaal ne̱ko̱ do̱o̱k labak, aanyik atin Ta̱mu̱ta̱dde̱n nonno baiz ci aave udut ki bali u̱du̱wa̱k enne ol wak irez nonno ke̱.

Je̱mi̱s 5:11

Ki i̱yo̱ko̱ ming a̱gga̱yyu̱ ko̱, ku̱mu̱yu̱kte̱ naga ol balik inimet no̱ngi̱tto̱n. Iziktu niga niimenet ci bali anime e̱e̱ti̱ ci een zara Job no̱ngi̱tto̱n. Icinntu bo̱do̱k nya ci anyahak Manyi baiz ci Jobi bali vu̱rrta̱. Anyak Manyi rezinet ki deten ci a̱ppwe̱ oroot.

1 Jon 3:12

Ma ogonnu ki bali Kaini, abak baiz ci lo̱rye̱nto̱ kar ku̱ru̱k gotoni ka̱da̱k. Nya ming amuny enne gotoni ko̱? Amuny enne gotoni eci baizi cinne gerza, imma gotoniya ogon kaal cik abunna.

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.